ಶಿಖಾ ಪಾಂಡೆ

ಶಿಖಾ ಪಾಂಡೆ ಮೇರ್ ಮೇ ೧೨, ೧೯೮೯ ಡ್ ಪುಟ್ಯೆರ್. ಮೇರ್ ಭಾರತೀಯ ಕ್ರಿಕೆಟ್ ಆಟಗಾರ್ತಿಯಾದುಲ್ಲೆರ್. ಬಾಂಗ್ಲಾದೇಶದ ಕಾಕ್ಸ್ನ್ ಬಜಾರ್ ಕ್ರಿಕೆಟ್ ಕ್ರೀಡಾಂಗಣೊಡು ಬಾಂಗ್ಲಾದೇಶದ ವಿರುದ್ಧ ಮಾರ್ಚ್ ೯ ಕ್ ಅರೆನ ಅಂತರಾಷ್ಟ್ರೀಯ ಟ್ವೆಂಟಿ ೨೦ (ಟಿ೨೦) ಸುರುತ ಪ್ರದರ್ಶನೊನು ಮಲ್ತೆರ್. ಅಂಚನೆ ಅವ್ವೆ ವರ್ಷ ಆಗಸ್ಟುಡು ವರ್ಮ್ಸ್ಲೆ ಬೊಕ್ಕ ಸ್ಕಾರ್ಬರೊಡು ಇಂಗ್ಲೆಂಡ್‌ದ ವಿರುದ್ಧದ ಗೊಬ್ಬುದೊಟ್ಟುಗು ಅರೆನ ಏಕದಿನ ಅಂತರಾಷ್ಟ್ರೀಯ ಕ್ರಿಕೆಟ್ ಬೊಕ್ಕ ಟೆಸ್ಟ್ ಕ್ರಿಕೆಟ್ ಸುರುತ ಪಂದ್ಯೊಲೆನ್ ಗೊಬ್ಬ್ಯೆರ್. ೫ ಜುಲೈ ೨೦೧೭ತ ಪೊರ್ತುಗು ಆರ್ ರಡ್ಡ್ ಟೆಸ್ಟ್ಲಲು, ೨೭ ಒಡಿಐಲು ಬೊಕ್ಕ೨೨ ಟಿ೨೦ ಪಂದ್ಯೊಲೆನ್ ಭಾರತೊಗಾತ್ರ ಗೊಬ್ಬುದೆರ್. ಮೆರ್ ಬಲಗೈ ಬ್ಯಾಟಿಂಗ್ ಬೊಕ್ಕ ಬಲಗೈ ಮಧ್ಯಮ ಪಾತ್ರ ಬೌಲಿಂಗ್ ಅಂಚನೆ ಆಲ್ ರೌಂಡರ್ ಆದಿತ್ತೆರ್.

ಕ್ರಿಕೆಟ್ ಪಂದ್ಯಾಟೊ

ಜೀವನ

ಶಿಖಾ ಪಾಂಡೆ ಅರೆನ ಶಾಲಾ-ಶಿಕ್ಷಣೊನು ಭಾರತದ ಮಾಧ್ಯಮಿಕ ಶಿಕ್ಷಣ ಕೇಂದ್ರ ಮಂಡಳಿದಡಿಟ್ ಮಲ್ತೆರ್. ಗೋವಾ ಕಾಲೇಜಿಡ್ ವಿದ್ಯುನ್ಮಾನ್ ಬೊಕ್ಕ ಇಲೆಕ್ಟ್ರಿಕಲ್ ಇಂಜಿನಿಯರಿಂಗ್ ಪದವಿ ಪಡೆತೆರ್. ೨೦೧೧ಡ್ ಭಾರತದ ವಾಯುಪಡೆಗೆ ಸೇರ್ದ್ ಅವೆಡ್ದ್ ಬೊಕ್ಕ ಏರ್ ಟ್ರಾಫಿಕ್ ನಿಯಂತ್ರಕೆರಾಯೆರ್

ಸಾಧನೆಲು

ಐಸಿಸಿ ಮಹಿಳಾ ವಿಶ್ವಕಪ್ ೨೦೧೭ಡ್ ರನ್ನರ್ ಆಫ್ ಆಯಿನ ಭಾರತ ಮಹಿಳಾ ಕ್ರಿಕೆಟ್ ತಂಡದ ಸದಸ್ಯೆ ಶಿಖಾ ಪಾಂಡೆಗ್ ಭಾರತೀಯ ವಾಯುಪಡೆಡ್ದ್ ಸನ್ಮಾನ ಮಲ್ತೆರ್. ನವ ದೆಹಲಿದ ಏರ್ ಹೆಡ್ಕಾರ್ಟರ್ಸ್ನಡ್ ಏರ್ ಚೀಫ್ ಮಾರ್ಷಲ್ ಬಿ.ಎಸ್.ಧನೊವಾಡ್ದ್ ಕ್ರಿಕೆಟರ್ ಚೆಕ್ ಬೊಕ್ಕ ಪದಕ ಪಡೆತೆರ್. ಐಸಿಸಿ ಮಾಹಿಳಾ ವಿಶ್ವಕಪ್ ೨೦೧೭ದ ಸಮಯೊಡು ಜೂನ್ ೨೪ ಡ್ದ್ ಜುಲೈ ೧೭ ಮುಟ್ಟ ನಡತಿನ ಪಂದ್ಯಾವಳಿಡ್ ಶಿಖಾ ಪಾಂಡೆ ಅದ್ಭುತ ಪ್ರದರ್ಶನ ಕೊರ್ತೆರ್. ೧೨ ವರ್ಷದ ಅಂತರೊಡ್ದು ಬೊಕ್ಕ ಅಂತಿಮ ಗೆಲ್ಮೆ ಸಾಧಿಸಯೆರೆ ಆರ್ ತಂಡಗು ಸಹಾಯ ಮಲ್ತೆರ್.