ಸನಾಯ ಇರಾನಿ

ಸನಾಯ ಇರಾನಿ (ಪುಟ್ಟು : ೧೭ ಸೆಪ್ಟೆಂಬರ್ ೧೯೮೩)ಮೇರ್ ಒರ್ತಿ ಭಾರತೀಯ ದೂರದರ್ಶನ ನಟಿ. ಇಸ್ ಪ್ಯಾರ್ ಕೊ ಕ್ಯಾ ನಾಮ್ ದೂ? ದಾರವಾಹಿಡ್ ಖುಷಿ ಪಾತ್ರೊಡ್ ನಟನೆ ಮಲ್ದಿನೈಕ್ ಪುಗಾರ್ಮೆನ್ ಪಡೆದೆರ್.೨೦೧೫ ನೇ ಇಸವಿಡ್ ಸನಾಯ ಇರಾನಿ ಝಲಕ್ ದಿಖ್ಲಾ ಜಾ ಪನ್ಪಿನ ಡಾನ್ಸ್ ಶೋ ತ್ತ ೮ನೇ ಎಸಲ್ ಡ್ ಫೈನಲಿಸ್ಟ್ ಆದಿತ್ತೆರ್. ಅವೆರ್ದ್ ಬುಕ್ಕ ಮೋಹಿತ್ ಸೆಹಗಲ್ ನೊಟ್ಟುಗು ೨೦೧೭ ನೇ ಇಸವಿಡ್ ನಚ್ ಬಲಿಯೆ ಡ್ ಬಾಗವಹಿಸಾದ್ ಮೂಜನೇ ಸ್ತಾನೊನ್ ಪಡೆಯೆರ್.

ಸನಾಯ ಇರಾನಿ
೨೦೧೬ ರಲ್ಲಿ ಸನಾಯ
ಪುಟ್ಟಿನ	೧೭ ಸೆಪ್ಟೆಂಬರ್ ೧೯೮೩ ಮುಂಬೈ, ಮಹಾರಾಷ್ಟ್ರ, ಭಾರತ
ಶಿಕ್ಷಣ	ಎಮ್.ಬಿ.ಎ ಪದವಿ
Alma mater	ಸಿದೆನ್ಹಮ್ ಕಾಲೇಜು
ವೃತ್ತಿ(s)	ನಟಿ , ನರ್ತಕಿ , ಮಾಡೆಲ್
ವರ್ಷಗಳು; ಸಕ್ರಿಯ	೨೦೦೫ -
Known for	ಮಿಲೇ ಜಬ್ ಹಮ್ ತುಮ್, ಇಸ್ ಪ್ಯಾರ್ ಕೊ ಕ್ಯಾ ನಾಮ್ ದೂ?, ರಂಗ್ ರಸಿಯಾ
ಸಂಗಾತಿ	ಮೋಹಿತ್ ಸೆಹೆಗಲ್ (m. 2016)

ಪುಟ್ಟು ಬುಕ್ಕ ಬರವು

ಸನಾಯ ಇರಾನಿ ಮೇರ್ ೧೭ ಸೆಪ್ಟೆಂಬರ್ ೧೯೮೩ ನೇ ತಾರೀಕ್ ಗ್ ಮುಂಬೈದ ಪಾರ್ಸಿ] ಕುಟುಂಬೊಡ್ ಪುಟ್ಟಿಯೆರ್. ಮೇರ್ ಊಟಿದ ಬೋರ್ಡಿಂಗ್ ಸಾಲೆಡ್ ಏಲ್ ವರ್ಸ ಓದುದು ಬುಕ್ಕ ಸಿಡೆನ್ಹ್ಯಾಮ್ ಕಾಲೇಜ್ ರ್ದ್ ಪದವಿ ಬರವುನ್ ಪಡೆಯೆರ್. ಮತ್ತು ಮಾಡೆಲಿಂಗ್ ಮಲ್ಪಿನ ದುಂಬು ಮೇರ್ ಎಂಬಿಎ ಪದವಿ ಬರವು ಓದೊಂದಿತ್ತೆರ್.

ವೃತ್ತಿ ಜೀವನೊ

ಮಾಡೆಲಿಂಗ್ ವೃತ್ತಿ (೨೦೦೫-೦೭)

ಸನಾಯ ಮೇರ್ ಯಶ್ ರಾಜ್ ಫಿಲ್ಮ್ ಫನಾ (೨೦೦೬) ಪನ್ಪಿನ ಚಿತ್ರೊಡ್ ಮೆಹಬೂಬಾ ಪನ್ಪಿನ ಕಿರು ಪಾತ್ರೊದ ಮೂಲಕ ನಟನಾ ಜೀವನೊಗ್ ಕಾರ್ ದೀಯೆರ್. ಬಾಲಿವುಡ್ದ ಶಾರುಖ್ ಖಾನ್, ಕರೀನಾ ಕಪೂರ್ ಬುಕ್ಕ ಬೇತೆ ಸಿನಿಮೊದ ನಟೆ ನಟಿಯೆರೆನೊಟ್ಟು ಜಾಹೀರಾತು ಪ್ರದರ್ಸನೊಡ್ ಒಂಜಿ ವರ್ಸ ಬೇಲೆ ಮಲ್ತೆರ್. ಅವೆರ್ದ್ ಬುಕ್ಕ ಜಗ್ಜಿತ್ ಸಿಂಗ್ ಮೆರೆನ ತುಮ್ಕೊ ದೇಖಾ ಪನ್ಪಿನ ಚಿತ್ರೊದ ಮೂಲಕ ಮೇರ್ ಸಿನಿಮೊಡ್ಲಾ ನಟನೆ ಮಲ್ಪರೆ ಸುರು ಮಲ್ತೆರ್.

ಬೇತೆ ಪಾತ್ರೊಲು

ಆಗಸ್ಟ್ ೨೦೧೩ ನೇ ಇಸವಿಡ್, ಸನಾಯ ಮೇರ್ ತನ್ನ ದೋಸ್ತಿ ದ್ರಷ್ಟಿ ಧಾಮೀ ನೊಟ್ಟುಗು ಝಲಕ್ ದಿಖ್ಲಾ ಜಾ ಪನ್ಪಿನ ನೃತ್ಯ ಪ್ರದರ್ಶನೊಡ್ ಸಂಕ್ಷಿಪ್ತ ಅತಿಥಿ ಪಾತ್ರೊಡ್ ತೋಜಿದ್ ಬತ್ತೆರ್. ಜೂನ್ ೨೦೧೪ ನೇ ಇಸವಿಡ್ ಆಶಿಶ್ ಶರ್ಮಾ ನೊಟ್ಟುಗು ಝಲಕ್ ದಿಖ್ಲಾ ಜಾ ದ ೭ನೇ ಎಸಲ್ ಡ್ ಕುಡ ಮೇರ್ ಸ್ಪರ್ದಿ ಆದ್ ಬತ್ತೆರ್.ಅವೆರ್ದ್ ಬುಕ್ಕ ಮೇರ್ ಇಸ್ ಪ್ಯಾರ್ ಕೋ ಕ್ಯಾ ನಾಮ್ ದೂ?ಏಕ್ ಬಾರ್ ಫಿರ್! ದಾರವಾಹಿಡ್ ಆಸ್ಥಾ ( ಶ್ರೇನು ಪಾರಿಖ್ ) ಮೆರೆನ್ ಪರಿಚಯ ಮಲ್ಪರೆ ಚಾನೆಲ್ ಡ್ ತೋಜಿದ್ ಬತ್ತೆರ್. ಬಿಗ್ ಬಾಸ್ ೭ ನೇ ಎಸಲ್ ದ ಗ್ರ್ಯಾಂಡ್ ಫಿನಾಲೆಡ್ ಆಶಿಶ್ ಶರ್ಮಾ, ಪ್ರೀತಿಕಾ ರಾವ್ ಬುಕ್ಕ ಹರ್ಷದ್ ಅರೋರಾ ನೊಟ್ಟುಗು ಮೇರ್ ಇಸೇಸ ಅತಿಥಿ ಪಾತ್ರೊಡ್ ತೊಜಿದ್ ಬತ್ತೆರ್. ಅವರು ಮಾರ್ಚ್ ಮತ್ತು ಜೂನ್ ೨೦೧೪ ನೇ ಇಸವಿಡ್ ಬೇಇಂತ್ಹಾಡ್ ಇಸೇಸ ಅತಿಥಿ ಪಾತ್ರೊಡ್ ತೊಜಿದ್ ಬತ್ತೆರ್.

ರಾವನ್ ಮ್ಯೂಸಿಕ್ ಲಾಂಚ್ ಡ್ ಸನಾಯ

ಅಂಚನೆ ಸ್ಟಾರ್ ಪ್ಲಸ್ ದ ಪರವಾದ್ ಯುಕೆ ಪ್ರವಾಸೊಗ್ ಪೋಯೆರ್. ಅವೆರ್ದ್ ಬುಕ್ಕ ಏಪ್ರಿಲ್ ೩೦, ೨೦೧೩ ನೇ ತಾರೀಕ್ ಗ್ ಲಂಡನ್ದ ಬರ್ಮಿಂಗ್ಹ್ಯಾಮ್ಡ್ ಬುಕ್ಕ ೧ ಮೇ ೨೦೧೩ ನೇ ತಾರೀಕ್ ಗ್ ಲೀಸೆಸ್ಟರ್‌ ಡ್ ತೋಜಿದ್ ಬತ್ತೆರ್. ೨೫ ನವೆಂಬರ್ ೨೦೧೩ ನೇ ತಾರೀಕ್ ಗ್ ಸ್ಟಾರ್ ಪರಿವಾರ್ ಲೈವ್ ಕಾರ್ಯಕ್ರಮೊಗಾದ್ ಇರಾನಿ ರಡ್ಡನೇ ಸರ್ತಿ ಲಂಡನ್ಗ್ ಪೋಯೆರ್.

ಸಿನಿಮೊಲು

ವರ್ಷ	ಸಿನಿಮಾ	ಪಾತ್ರ	ನಿರ್ದೇಶಕ
೨೦೦೬	ಫನಾ	ಮೆಹಬೂಬಾ	ಕುನಾಲ್ ಕೊಹ್ಲಿ
೨೦೧೮	ಡಮ್ ಡಮ್ ಡಮ್ರೂ	ಡಾ.ಸ್ನೇಹ	ಆಕಾಶ್ ಗೋಯ್ಲಾ
	ಪೀಹು	ಪೀಹು
೨೦೧೯	ಘೋಸ್ಟ್	ಸಿಮ್ರನ್ ಸಿಂಗ್	ವಿಕ್ರಮ್ ಭಟ್

ವೆಬ್ ಸರಣಿಲು

ವರ್ಷ	ಹೆಸರು	ಪಾತ್ರ	ವೇದಿಕೆ	ಉಲ್ಲೇಖ
೨೦೧೮	ವೋಡ್ಕಾ ಶಾಟ್ಸ್	ಕೆಯಾ ಶರ್ಮಾ	ಯೂಟ್ಯೂಬ್‌
	ಜಿಂದಾಬಾದ್	ಸಾರಾ ಸಯೀದ್	ಜಿಯೋ ಸಿನೆಮಾ

ಬಿನ್ನೆದಿಯಾದ್

• ೨೦೧೨ : ಸ್ಟಾರ್ ಪರಿವಾರ್ ಕಾ ತ್ಯೋಹರ್
• ೨೦೧೩ : ಸಹ - ನಿರೂಪಕಿಯಾದ್ ಇಶ್ಕ್ ವಾಲಾ ಲವ್ ( ಕರಣ್ ಗ್ರೋವರ್ ನೊಟ್ಟುಗು)
• ೨೦೧೩ : ಇಸ್ ಪ್ಯಾರ್ ಕೋ ಕ್ಯಾ ನಾಮ್ ದೂ? . . . ಏಕ್ ಬಾರ್ ಫಿರ್ ಖುಷಿ

ಪ್ರಶಸ್ತಿಲು ಬುಕ್ಕ ನಾಮನಿರ್ದೇಸನಲು

ವರ್ಸ	ಪ್ರಶಸ್ತಿ	ವರ್ಗೊ	ದಾರವಾಹಿ	ಪಲಿತಾಂಸ
೨೦೦೮	ಭಾರತೀಯ ಟೆಲಿವಿಷನ್ ಅಕಾಡೆಮಿ ಪ್ರಶಸ್ತಿ	Gr8! ಪೇಸ್ (ಸ್ತ್ರೀ)	ಮಿಲೀ ಜಬ್ ಹಮ್ ತುಮ್	ಗೆಂದ್ಯೆರ್
೨೦೧೨	ಪೀಪಲ್ಸ್ ಚಾಯ್ಸ್ ಅವಾರ್ಡ್ಸ್ ಇಂಡಿಯಾ	ನೆಚ್ಚಿನ ಆನ್-ಸ್ಕ್ರೀನ್ ಜೋಡಿ (ಬರುನ್ ಸೋಬ್ತಿಯೊಂದಿಗೆ ಹಂಚಿಕೊಳ್ಳಲಾಗಿದೆ)	ಇಸ್ ಪ್ಯಾರ್ ಕೋ ಕ್ಯಾ ನಾಮ್ ದೂನ?	ಗೆಂದ್ಯೆರ್
	ಭಾರತೀಯ ಟೆಲ್ಲಿ ಪ್ರಶಸ್ತಿಗಳು	ಅತ್ಯುತ್ತಮ ತೆರೆಯ ದಂಪತಿಗಾಗಿ ಭಾರತೀಯ ಟೆಲ್ಲಿ ಪ್ರಶಸ್ತಿ ( ಬರುನ್ ಸೋಬ್ತಿಯೊಂದಿಗೆ )		ಗೆಂದ್ಯೆರ್
೨೦೧೩	ಭಾರತೀಯ ಟೆಲಿವಿಷನ್ ಅಕಾಡೆಮಿ ಪ್ರಶಸ್ತಿಗಳು	ಅತ್ಯುತ್ತಮ ಜನಪ್ರಿಯ ನಟಿ		ನಾಮನಿರ್ದೇಸನ
	ಬೋರೊಪ್ಲಸ್ ಗೋಲ್ಡ್ ಪ್ರಶಸ್ತಿ	ಬೋರೊಪ್ಲಸ್ ಫೇಸ್ ಆಫ್ ದಿ ಇಯರ್	ಚಂಚನ್	ಗೆಂದ್ಯೆರ್
೨೦೧೪	ಭಾರತೀಯ ಟೆಲಿವಿಷನ್ ಅಕಾಡೆಮಿ ಪ್ರಶಸ್ತಿಗಳು	ಅತ್ಯುತ್ತಮ ನಟಿ(ಜನಪ್ರಿಯ)		ನಾಮನಿರ್ದೇಸನ
	ಭಾರತೀಯ ಟೆಲಿವಿಷನ್ ಅಕಾಡೆಮಿ ಪ್ರಶಸ್ತಿಗಳು	ಜಿಆರ್ 8! ವರ್ಷದ ಸಾಧಕಿ		ನಾಮನಿರ್ದೇಸನ

ಮದಿಮೆ

ಸನಾಯ ಇರಾನಿ ಮೇರ್ 25 ಜನವರಿ 2016 ಗ್ ಮೋಹಿತ್ ಸೆಹೆಗಲ್ ನೊಟ್ಟುಗು ಗೋವಾಡ್ ವೈವಾಹಿಕ ಜೀವನೊಗ್ ಕಾರ್ ದೀಯೆರ್.

ಪಟಕುಲು

• 
  ಸನಾಯ ಇರಾನಿ
• 
  ಛನ್ ಛನ್ ದ ಬುಡುಗಡೆ ಸಮಾರಂಬೊಡ್ ಸನಾಯ
• 
  ಕಂಡನಿ ಮೋಹಿತ್ ನೊಟ್ಟುಗು ಸನಾಯ