ಸರೋಜಿನಿ ನಾಯ್ಡು
ಸರೋಜಿನಿ ನಾಯ್ಡು ಭಾರತದ ಸ್ವಾತಂತ್ರ್ಯ ಪೊರಂಬಾಟಗಾರ್ತಿ ಅಂಚನೆ ಕವಯತ್ರಿಲ ಆದಿತ್ತಿನಾರ್. ಸರೋಜಿನಿ ನಾಯ್ಡು “ಭಾರತದ ಕೋಗಿಲೆ” ಪನ್ಪಿ ಪುದರ್‌ಡ್ ಪ್ರಸಿದ್ಧಿಯಾತೆರ್. ಮೆರ್ ರಾಷ್ಟ್ರೀಯ ಭಾರತದ ಕಾಂಗ್ರೇಸ್ದ ಸುರುತ ಮಹಿಳಾ ಅಧ್ಯಕ್ಷೆರಾದಿತ್ತಿನಾರ್ ಅಂಚನೆ ಉತ್ತರ ಪ್ರದೇಶದ ಸುರುತ ಮಹಿಳಾ ರಾಜ್ಯಪಾಲೆರಾದಿತ್ತಿನಾರ್[೧]
ಪುಟ್ಟು ಸಂಪೊಲಿಪುಲೆ
ಸರೋಜಿನಿ ನಾಯ್ಡು ೧೩ನೇ ಫೆಬ್ರುವರಿ ೧೮೭೯ಡ್ ಪುಟ್ಟುದ್, ೨ನೇ ಮಾರ್ಚ್ ೧೯೪೯ ಮರಣ ಆಪೆರ್ ಮೆರೆನ ಪೊಪ್ಪ ವಿಜ್ಞಾನಿ ಬೊಕ್ಕ ತತ್ವಜ್ಞಾನಿಲಾದಿತ್ತಿನ ಅಗೋರೆನಾಥ್ ಚಟ್ಟೋಪಾಧ್ಯರ್ ಮೆರೆನ ಪೊಪ್ಪಅಂಚನೆ ಬಂಗಾಳಿ ಕವಿಯಿತ್ರಿಯಾದಿತ್ತಿನ ವರಾದ ಸುಂದರಿ ದೇವಿ ಮೆರೆನ ಅಪ್ಪೆ. ಸರೋಜಿನಿ ನಾಯ್ಡು ಅರೆನ ಅಪ್ಪೆ ಅಮ್ಮಗ್ ಎಣ್ಮ ಜನ ಜೋಕುಲೆಡ್ ಸುರುತಾರಾದಿತ್ತೆರ್. ಅರೆನ ಒರಿ ಅಣ್ಣೆ ಬಿರೇಂದ್ರನಾಥ್ ಚಳುವಳಿಗಾರೆರಾದಿತ್ತೆರ್ ಅರೆನ ಕುಡೊರಿ ಅಣ್ಣೆ ಹರಿನಾಥ್ ಕವಿ, ಬೊಕ್ಕ ನಾಟಕಗಾರೆ ಸರೋಜಿನಿ ನಾಯ್ಡು ಬುದ್ಧಿವಂತೆ ಕಲ್ಪಾರ್ತಿಯಾದಿತ್ತೆರ್[೨].
ವಿದ್ಯಾಭ್ಯಾಸ ಸಂಪೊಲಿಪುಲೆ
ಉರ್ದು, ತೆಲುಗು, ಇಂಗ್ಲೀಷ್, ಬೆಂಗಾಳಿ ಬೊಕ್ಕ ಪರ್ಷಿಯನ್ ಭಾಷೆಲೆನ್ ಸರಾಗ ಪಾತೆರೊಂದಿತ್ತೆರ್. ಮೆರ್ ೧೨ನೇ ವರ್ಸೊಡು ಮದ್ರಾಸ್ ವಿಶ್ವವಿದ್ಯಾನಿಲಯದ ಮೆಟ್ರಿಕ್ಯುಲೇಷನ್ ಪರೀಕ್ಷೆಡ್ ಎಡ್ಡೆ ಮಾರ್ಕ್ ಪಡೆದ್ ಪಾಸಾದ್ ರಾಷ್ಟ್ರಮಟ್ಟೊಡು ಎಡ್ಡೆ ಪುಗರ್ತೆ ಪಡೆಯೆರ್. ಮೆರೆನ ಅಮ್ಮೆರ್ ಮೆರೆನ್ ಗಣಿತ ತಜ್ಞೆ (ಮ್ಯಾಥಮ್ಯಾಟೀಷಿಯನ್) ಅತ್ತ್ಂಡ ವಿಜ್ಞಾನಿ ಮಲ್ಪೊಡುಂದು ಬಯಕ್‌ದಿತ್ತೆರ್ ಆಂಡ ಸರೋಜಿನಿ ನಾಯ್ಡು ಕವಿಯಿತ್ರಿ ಆವೊಡುಂದು ಬಯಕ್‌ದಿತ್ತೆರ್. ಮೆರ್ ಆಂಗ್ಲಭಾಷೆಡ್ ಕಬಿತೆಲೆನ್ ಬರೆಯೆರೆ ಸುರು ಮಲ್ತೆರ್. ಹೈದರಾಬಾದ್‌ದ ನಿಜಾಮೆರ್ ಮೆರೆನ ಕಬಿತೆಲೆಡ್ದ್ ಸ್ಫೂರ್ತಿಯಾದ್ ವಿದೇಶೊಡು ಕಲ್ಪೆರೆ ವಿದ್ಯಾರ್ಥಿವೇತನೊನು ಕೊರಿಯೆರ್. ೧೬ನೇ ವರ್ಸೊಡು ಮೆರ್ ಸುರುಕು ಇಂಗ್ಲೇಂಡಿ್‌ದ ಕಿಂಗ್ಸ್ ಕಾಲೇಜ್‌ಡ್ ಬೊಕ್ಕ ಕ್ಯಾಬ್ರಿಂಜ್‌ದ ಗಿರ್ಟನ್ ಕಾಲೇಜ್‌ಡ್ ವಿದ್ಯಾಭ್ಯಾಸ ಮಲ್ತೆರ್ . ಅಲ್ಪ ಆರ್ ಆ ಕಾಲೊಡು ಪುಗರ್ತೆ ಪಡೆಯಿನ ಆರ್ಥರ್ ಸೈಮೊನ್ಸ್ ಬೊಕ್ಕ ಎಡ್ಮಂಡ್ ಗೋಸೆ ಮುಕ್ಲೆನ್ ಭೇಟಿಯಾಪೆರ್. ಗೋಸೆ ಸರೋಜಿನಿ ನಾಯ್ಡುಡ ಭಾರತೊಡುಪ್ಪುನ ಬೆಟ್ಟ-ಗುಡ್ಡೆ, ನದಿಕುಲು, ದೇವಸ್ಥಾನೊಲು, ಜನೊಕುಲೆ ಜೀವನ ಕ್ರಮ ಇಂಚಿತ್ತಿ ವಿಷಯೊನು ಗೇನೊಡು ದೀವೊಂದು ಕಬಿತೆಲೆನ್ ರಚನೆ ಮಲ್ತ್ಂಡ ಎಡ್ಡೆ ಉಪ್ಪುಂಡು ಮನ್ಪಿನ ವಿಚಾರ ಪನ್ಪೆರ್ರ್. ಅವೆನ ಪ್ರಕಾರ ಸರೋಜಿನಿ ನಾಯ್ಡು ಇಂಡಿಯಾ ದೇಶದ ಜನೊಕುಲೆ ಜೀವನಕ್ರಮೊಕುಲೆನ್ ತನ್ನ ಕಬಿತೆಲೆಡ್ ವರ್ಣಿಸದೆರ್.
ಮದಿಮೆ ಬೊಕ್ಕ ಸಂಸಾರ ಸಂಪೊಲಿಪುಲೆ
ಸರೋಜಿನಿ ನಾಯ್ಡು ತನ್ನ ಪದಿನೈನನೇ ವರ್ಸೊಡು ಡಾಕ್ಟರ್ ವೃತ್ತಿಡ್ ಇತ್ತಿನ ಡಾ|| ಗೋವಿಂದರಾಜು ನಾಯ್ಡುನು ಭೇಟಿಯಾಪೆರ್.ಅರೆಡ ಪ್ರೀತಿ ಪುಟ್ಟುಡು ಪ್ರೀತಿಸವೆರ[೩] ಮೆರ್ ತನ್ನ ವಿದ್ಯಾಭ್ಯಾಸಲೊನ್ ಮುಗಿತ್‌ದ್ ತನ್ನ ೧೯ನೇ ವರ್ಸೊಡು ಗೋವಿಂದರಾಜು ನಾಯ್ಡುನೊಟ್ಟುಗು ಅಂತರ್ಜಾತಿ ಮದಿಮೆ ಆಪಿನ ಅವಕಾಶ ಇಜ್ಜಾಂದಿನ ಆ ಕಾಲೊಡೆ ಮದಿಮೆ ಆಯಿನಾರ್. ಉಂದು ಮೆರೆನ ಕ್ರಾಂತಿಕಾರಕ ಕ್ರಮವಾದಿತ್ತ್ಂಡ್, ಆಂಡ ಮೆರೆನ ಈ ಪ್ರಯತ್ನೊಗು ಮೆರೆನ ಅಮ್ಮೆರೆನ ಸಂಪೂರ್ಣ ಪ್ರೋತ್ಸಾಹ ಇತ್ತ್ಂಡ್. ಮೆರೆನ ಈ ಮದಿಮೆದ ಜೀವನ ಖುಷಿಟೆ ಇತ್ತ್ಂಡ್.ಮೆರೆಗ್ ಜಯಸೂರ್ಯ, ಪದ್ಮಿನಿ, ರಣಧೀರ್ ಬೊಕ್ಕ ಲೈಲಾಮಣಿ ಪನ್ಪಿ ನಾಲ್ ಜನ ಜೋಕುಲಾಪೆರ್.
ಭಾರತೊದ ರಾಷ್ಟ್ರೀಯ ಚಳುವಳಿಡ್ ಭಾಗವಹಿಸುವಿಕೆ ಸಂಪೊಲಿಪುಲೆ
ಬಂಗಾಳದ ವಿಭಜನೆಗ್ ತಡೆ ಮಲ್ಪೆರೆ ಸರೋಜಿನಿ ನಾಯ್ಡು ೧೯೦೫ಡ್ ಭಾರತದ ರಾಷ್ಟ್ರೀಯ ಚಳುವಳಿಡ್ ಪಾಲ್ ಪಡೆಯೆರ್. ಆ ಪೊರ್ತುಡು ಗೋಪಾಲ್ ಕೃಷ್ಣ ಗೋಖಲೆ, ರವೀಂದ್ರನಾಥ ಟ್ಯಾಗೂರ್, ಮಹಮದ್ ಆಲಿ ಜಿನ್ನ, ಆನ್ನಿಬೆಸೆಂಟ್, ಸಿ.ಪಿ. ರಾಮಸ್ವಾಮಿ ಐಯರ್, ಮಹಾತ್ಮ ಗಾಂಧಿ ಬೊಕ್ಕ ಜವಾಹರಲಾಲ್ ನೆಹರೂನು ಭೇಟಿ ಆಪೆರ್. ಪೊಂಜೊಲು ಅಡಿಗೆ ಮಲ್ಪೆರೆ ಮಾತ್ರ ಸೀಮಿತ ಅತ್ತ್ ಪಂದ್ ಭಾರತದ ಪೊಂಜೊಲೆಗ್ ಗೇಣೊಗು ಕನತೆರ್. ಅಡ್ಪಿಲ್ಲ್‌ದ ಅಂಚಿಗ್ ಉಪ್ಪುನ ಪ್ರಪಂಚನೊ ತೂಯೆರೆ ಪಿದಯಿ ಬರ್ಪುನಂಚ ಉಮೇದ್ ಪುಟ್ಟಾಯೆರ್. ರಾಜ್ಯೊಡುಪ್ಪುನ ಪ್ರತಿ ಜಿಲ್ಲೆಲೆಗ್ ಪೋದು ಮಹಿಳಾ ಸ್ವಾತಂತ್ರ್ಯದ ಹಕ್ಕಿದ ಬಗ್ಗೆ ತೆರಿಪಾಯೆರ್. ಭಾರತೊಡು ಪೊಂಜೊಲು ಸ್ವ-ಗೌರವ ಪಡೆಪುನಂಚ ಮಲ್ತೆರ್ . ೧೯೨೫ಡ್ ಸರೋಜಿನಿ ನಾಯ್ಡು ಕಾನ್ಪುರಡ್ ನಡತಿನ ಭಾರತದ ರಾಷ್ಟ್ರೀಯ ಕಾಂಗ್ರೇಸ್ದ ವಾರ್ಷಿಕ ಅಧಿವೇಶನದ ಅಧ್ಯಕ್ಷರಾದಿತ್ತೆರ್. ಸಿವಿಲ್ ಅವಿಧೇಯತೆಯ ಮೂಮೆಂಟ್ಸ್‍ನ ಚಳುವಳಿಡ್ ಭಾಗವಹಿಸದ್ ಗಾಂಧೀಜಿ ಮುಕುಲು ಮಾತ ಚಳುವಳಿಗಾರೆರೊಟ್ಟಿಗೆ ಜೈಲಿಗ್ ಪೋಯೆರ್. ೧೯೪೭ಡ್ ’ಕ್ವಿಟ್ ಇಂಡಿಯಾ’ ಚಳುವಳಿಡ್ ಭಾಗವಹಿಸದ್ ೨೧ ತಿಂಗೊಲು ಕಾಲ ಜೈಲ್‌ಡ್ ಇತ್ತೆರ್. ಸ್ವಾತಂತ್ರ್ಯ ಬತ್ತಿ ಬೊಕ್ಕ ಸರೋಜಿನಿ ನಾಯ್ಡು ಉತ್ತರ ಪ್ರದೇಶದ ರಾಜ್ಯಪಾಲೆರಾಯೆರ್.ಮೆರ್ ಸುರುತ ಮಹಿಳಾ ರಾಜ್ಯಪಾಲೆರ್. ಸರೋಜಿನಿ ತನ್ನ ಕಛೇರಿಡ್ ೨ನೇ ಮಾರ್ಚ್ ೧೯೪೯ಡ್ ದೇವೆರೆ ಪಾದ ಸೇರ್ವೆರ್.
ಮೆರೆನ ಕೆಲವು ಕಬಿತೆಲು ಸಂಪೊಲಿಪುಲೆ
೧೯೦೫- ದಿ ಗೋಲ್ಡನ್ ತ್ರೆಷೋಲ್ಡ್, ಯು.ಕೆ.ಡ್ ಪಬ್ಲಿಷ್ ಆಂಡ್.(ಅಂತರ್ಜಾಲೊಡು ಉಂದು ತಿಕ್ಕುಂಡು). ೧೯೧೨- ದಿ ಬರ್ಡ್ ಆಫ್ ಟೈಮ್: ಜೀವನದಲ್ಲುಸಾದ, ಮರಣದ ಪದೊ. ಲಂಡನ್‌ಡ್ ಪ್ರಕಟ ಆಂಡ್. ೧೯೧೭-ದಿ ಬ್ರೋಕನ್ ವಿಂಗ್ - ಜೀವನ ಪ್ರೀತಿದ, ಸಾವುದ ಬೊಕ್ಕ ಜೀವನದುಲ್ಲಾಸದ ಪದೊ; ದಿ ಗಿಪ್ಟ್ ಆಫ್ ಇಂಡಿಯಾ ೧೯೧೬: ಮಹಮದ್ ಜಿನ್ನಃ: ಒಗ್ಗಟ್ಟ್‌ದ ರಾಯಭಾರಿ. ೧೯೪೩- ದಿ ಸೆಪ್ಟ್ರೆಡ್ ಪ್ಲೂಟ್: ಇಂಡಿಯಾದ ಹಾಡುಗಳು, ಮೆರೆನ ಮರಣ ಆಯಿ ಬೊಕ್ಕ ಪ್ರಕಟನೆ ಆಂಡ್. ೧೯೬೧- ದಿ ಫೆದರ್ ಆಫ್ ಡಾನ್, ಮೆರೆನ ಮರಣದ ಬೊಕ್ಕ ಮೆರೆನ ಮಗಳ್ ಪದ್ಮಜ ನಾಯ್ಡುನ ಮುಖಾಂತರ ಪ್ರಕಟಣೆ ಬೊಕ್ಕ ಮುದ್ರಣ ಆಂಡ್ ೧೯೬೦ ರಿಂದ ೧೯೭೧- ಇಂಡಿಯನ್ ವೀವರ್.
ಬಿರ್ದ್,ಸನ್ಮಾನ ಸಂಪೊಲಿಪುಲೆ
- ಮೆರ್ ಸುರುತ ಮಹಿಳಾ ರಾಜ್ಯಪಾಲೆರ್ ಪನ್ಪಿ ಬಿರ್ದ್.
- ಭಾರತದ ನೈಟಿಂಗೇಲ್ ಪನ್ಪಿ ಬಿರ್ದ್.
- 'ಭಾರತದ ಕೋಗಿಲೆ' ಪನ್ಪಿ ಬಿರ್ದ್.