ಸಿ. ಎಸ್. ಲಕ್ಷ್ಮೀ

ಸಿ. ಎಸ್. ಲಕ್ಷ್ಮಿ (ಪುಟ್ಟು ೧೯೪೪) ಭಾರತೀಯ ಮಹಿಳಾವಾದಿ ಬರಹಗಾರ್ತಿ ಬೊಕ್ಕ ಮಹಿಳಾ ಸಂಶೋಧಕಿ. ಅಂಬಾಯಿ ಆರೆನ ಕಾವ್ಯನಾಮ. ಇಂಬೆರ್ ತಮಿಳುನಾಡ್ ಡ್ ಶಾಲೆಡ್ ಶಿಕ್ಷಕಿ ಬೊಕ್ಕ ಕಾಲೇಜ್‌ಡ್ ಉಪನ್ಯಾಸಕಿಯಾದ್ ಬೇಲೆ ಮಲ್ತ್ದೆರ್. ಚಲನಚಿತ್ರ ನಿರ್ಮಾಪಕೆ ವಿಷ್ಣು ಮಾಥುರ್ ಇಂಬೆರೆನ್ ಮದಿಮೆ ಆದ್ ಮುಂಬೈಡ್ ಉಲ್ಲೆರ್. ಸ್ರೀವಾದ ಬೊಕ್ಕ ಸಂಶೋದನೆಡ್ ಮಸ್ತ್ ಕೊಡುಗೆ ಕೊರ್ತೆರ್. ತಮಿಳು ಸಾಹಿತ್ಯೊಡು ಮಲ್ಲ ಪುದರ್ ಉಂಡು. ಎಲ್ಯ ಕತೆಲು, ಕಾದಂಬರಿ ಬೊಕ್ಕ ಕಥಾ ಸಂಕಲನ ಪ್ರಕಟ ಮಲ್ತೆರ್.

ಸಿ. ಎಸ್. ಲಕ್ಷ್ಮೀ
ಸಿ. ಎಸ್ ಲಕ್ಷ್ಮಿ
ಪುಟ್ಟಿನ ಊರು	೧೯೪೪ ಕೊಯಂಬತ್ತೂರು, ತಮಿಳುನಾಡು
ದಂಪತಿಲು	ವಿಷ್ಣು ಮತುರ್
ಬೇಲೆ	ಲೇಖಕಿ ಸಂಶೋಧಕಿ
ಬಾಸೆ	ತಮಿಳು, ಇಂಗ್ಲಿಷ್
ದೇಸೊ	ಭಾರತೀಯ
ಕಲ್ಪಾಟಿಕೆ	ಪಿಎಚ್ಡಿ
ಕಲ್ತ್‌ನ ಸಂಸ್ಥೆ	ಜವಹರಲಾಲ್ ನೆಹರು ವಿಶ್ವವಿದ್ಯಾಲಯ, ನವದೆಹಲಿ
ಕಾವ್ಯೊನಾಮೊ	ಅಂಬಾಯಿ

ಶಿಕ್ಷಣೊ

ಸಿ. ಎಸ್. ಲಕ್ಷ್ಮೀ 1944ನೇ ಇಸವಿಡ್ ತಮಿಳುನಾಡು ರಾಜ್ಯೊದ ಕೊಯಮತ್ತೂರುಡು ಪುಟ್ಯೆರ್. ಇಂಬೆರ್ ಮುಂಬೈ ಬೊಕ್ಕ ಬೆಂಗಳೂರುಡು ಬುಲೆಯೆರ್. ಬೆಂಗಳೂರು ವಿಶ್ವವಿದ್ಯಾನಿಲಯೊಡ್ದ್ ಕಲಾ ಪದವಿ, ಮದ್ರಾಸ್ ಕ್ರಿಶ್ಚಿಯನ್ ಕಾಲೇಜ್ಡ್ ಮಾಸ್ಟರ್ ಆಫ್ ಆರ್ಟ್ಸ್ ಬೊಕ್ಕ ಜವಾಹರಲಾಲ್ ನೆಹರು ವಿವಿಡ್ದ್ ಪಿಎಚ್ಡಿ ಪದವಿನ್ ಪಡೆಯೆರ್. ತಮಿಳುನಾಡು ಡ್ ಶಾಲೆಡ್ ಬೊಕ್ಕ ಕಾಲೇಜ್ ಡ್ ಶಿಕ್ಷಕಿ ಅಂಚನೇ ಉಪನ್ಯಾಸಕಿ ಆದ್ಲಾ ಬೇಲೆ ಮಲ್ದೆರ್.

ಸಾಹಿತ್ಯೊಲು

೧೯೬೨ಟ್ ಲಕ್ಷ್ಮಿ ಆರೆನ ಸುರುತ್ತ ಕೃತಿ 'ನಂದಿಮಲೈ ಚಾರ್ಲಿಲೇ'ನ್ ಪ್ರಕಟ ಮಲ್ತೆರ್. ೧೯೬೬ಟ್ ಆರೆನ ಸುರುತ್ತ ತಮಿಳು ಕಾದಂಬರಿ ಆಂಡಿ ಮಾಲೈ ಪ್ರಕಟ ಆಂಡ್, ಈ ಕಾದಂಬರಿ "ಕಲೈಮಾಗಲ್ ನಾರಾಯಣಸ್ವಾಮಿ ಅಯ್ಯರ್" ಪ್ರಶಸ್ತಿ ಪಡೆಂಡ್. ೧೯೬೭ಟ್ ಇಂಬೆರೆನ ಸಾಹಿತ್ಯಕ ನಿಯತಕಾಲಿಕೆ ಕನೈಜಳಿಯಲ್ಲಿ ಪ್ರಕಟವಾಯಿನ ಎಲ್ಯ ಕಥೆ ಸಿರಗುಕಲ್ ಮುರುಯಮ್ ಲಾ ಮಸ್ತ್ ಪುಗರ್ತೆ ಪಡೆತ್ತ್ ಂಡ್ ಪಡೆದಿದೆ. ೧೯೮೪ಟ್ ದಿ ಫೇಸ್ ಬಿಸ್ ದಿ ಮಾಸ್ಕ್ (ಅಡ್ವೆಂಟ್ ಬುಕ್ಸ್) ಪನ್ಪಿನ ಸಂಶೋಧನಾ ಕೃತಿ ಪ್ರಕಟ ಆಂಡ್. ೧೯೮೮ಟ್ ವೀಟಿನ್ ಮುಲೈಯಿಲ್ ಔರು ಕ್ಯಾಮಯ್ಯಲೈರೈ) ಶೀರ್ಷಿಕೆದ ರಡ್ಡನೇ ತಮಿಳು ಬಾಸೆದ ಎಲ್ಯ ಕಥೆಲೆನ ಸಂಗ್ರಹ ಪ್ರಕಟ ಆಂಡ್ ಸಿರಗುಕಲ್ ಮುರಿಯುಂ, ವೀತಿನ್ ಮುಲೈಯಿಲ್ ಓರು ಸಮಯಾಲಾರೈ, ಕಾಟಿಲ್ ಒರು ಮಾನ್ ಇಂದು ಆರೆ ಬರೆತ್ತಿನ ಸಾಹಿತ್ಯೊಲು.

ಸಂಶೋಧನೆ

ಸಿ. ಎಸ್. ಲಕ್ಷ್ಮೀ ಮಹಿಳಾ ವಿಷಯೊಡು ಮಸ್ತ್ ಸಂಶೋಧನೆ ಮಲ್ದೆರ್. 1992ನೇ ಇಸವಿಡ್ ಇಂಬೆರ್ ಚಿಕಾಗೋ ವಿಶ್ವವಿದ್ಯಾಲಯದ ವಿಸಿಟಿಂಗ್ ಪ್ರೊಫೆಸರ್ ಆದಿತ್ತೆರ್. ಇಂಡಿಯನ್ ಕೌನ್ಸಿಲ್ ಆಫ್ ಹಿಸ್ಟೋರಿಕಲ್ ರಿಸರ್ಚ್ ಸಂಸ್ಥೆಡ್ ಸಂಶೋಧನಾ ಅಧಿಕಾರಿಯಾದ್ ಬೇಲೆ ಮಲ್ತ್ದೆರ್. 1988ನೆ ಇಸವಿಡ್, ಲಕ್ಷ್ಮಿ ಸ್ತ್ರೀ ಬರಹಗಾರೆರ್ ಬೊಕ್ಕ ಕಲಾವಿದೆರೆನ ಬೇಲೆನ್ ದಾಖಲೆ ಮಲ್ಪೆರೆ ಅಂಚನೆ ಅಯ್ನ್ ಸಂಗ್ರಹಣೆ ಮಲ್ಪೆರೆ ಸರ್ಕಾರೇತರ ಸಂಸ್ಥೆಯಾಯಿನ SPARROW (ಸ್ಪ್ಯಾರೋ) ಪನ್ಪಿನ ಸಂಸ್ಥೆನ್ ಸುರು ಮಲ್ತೆರ್. ಆರ್ ಚಿಗನ್ ವಿಶ್ವವಿದ್ಯಾಲಯೊದ ಗ್ಲೋಬಲ್ ಫೆಮಿನಿಸಂಸ್ ಯೋಜನೆದ ಸದಸ್ಯೆ ಆದ್ ಸಂಶೋಧನೆಡ್ ಮಸ್ತ್ ಬೇಲೆ ಮಲ್ದೆರ್.

ಪ್ರಶಸ್ತಿಲು

• ಕೇಂದ್ರ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ
• ಶಕ್ತಿ ಭಟ್ ಲಿಟರರಿ ಪ್ರಶಸ್ತಿ
• ೨ ಟಾಟಾ ಲೈ‍ಫ್ ಟೈಮ್ ಅಚೀವ್ಮೆಂಟ್ ಅವಾರ್ಡ್ಸ್.

ಇಂಗ್ಲೀಷ್ ಪುಸ್ತಕೊಲು

• ದಿ ಫೇಸ್ ಬಿಹೈಂಡ್ ಮಾಸ್ಕ್: ವುಮೆನ್ ಇನ್ ತಮಿಳ್ ಲಿಟರೇಚರ್ (೧೯೮೪)
• ಎ ಪರ್ಪಲ್ ಸಿ (೧೯೯೨)
• ಬಾಡಿ ಬ್ಲೋವ್ಸ್ (೨೦೦೦)
• ಸೆವೆನ್ ಸೀಸ್ ಅನದ ಮೌಂಟೇನ್
• ದಿ ಅನ್ಹರಿಡ್ ಸಿಟಿ (೨೦೦೦)
• ಇನ್ ಎ ಫೋರೆಸ್ಟ್: ಅ ಡೀರ್
• ಅ ಮೀಟಿಂಗ್ ಆನ್ ದ ಅಂಧೇರಿ ಬ್ರಿಡ್ಜ್

ತಮಿಳು ಪುಸ್ತಕೊಲು

• ನಂದಿಮಲೈ ಚಾರ್ಲಿಲೇ (೧೯೬೨)
• ಆಂದಿ ಮಲೈ (೧೯೬೭)
• ಸಿರಕುಕಲ್ ಮುರಿಯಮ್ (೧೯೭೬)
• ವೀಟಿನ್ ಮುಲೈಲ್ ಔರು ಕ್ಯಾಮಯ್ಯಲಾರಾಯ್ (೧೯೮೮)
• ಕಲಾಚುವಾಡು ನೆರ್ಕನಾಲ್ಗಲ್ (೧೯೯೮)
• ಕಾಟಿಲ್ ಒರು ಮಾನ್ (೨೦೦೦)
• ವೆರಮ್ ಎರಿನ್ ಮೀನ್ಗಲ್ (೨೦೦೭)