ಸೋಣ ಪೂತ್ತ ದೈ
ಸೋಣ ಪೂತ್ತ ದೈ ಉಂದು ಮರಿಯಾಲೊಡು ಎಚ್ಚ ಬುಳೆಪುನ, ಪೂ ಬುಡ್ಪುನ ಒಂಜಿ ದೈ. ಸಾಲೆದ ಜೋಕುಲು ಸ್ಲೇಟ್ ಉರೆಸರ ಈ ದಯಿತ್ತ ಕಡ್ಡಿನ್ ಗಲಸುವೆರ್. ಅತ್ತಂದೆ ಮರ್ದ್‌ಗ್ಲಾ ಉಂದೆನ್ ಗಲಸುವೆರ್.
ದಯಿತ್ತ ಬಗೆಟ್ಟ್
ಸಂಪೊಲಿಪುಲೆ.jpg)
ಸೋಣ ಪೂತ್ತ ದೈ ಬಾಲ್ಸಮಿನಸಿಯೆ(Balsaminaceae) ಕುಟುಮೊಗು ಸೇರ್ದಿನ ದೈ. ಉಂದೆತ ಸಸ್ಯಶಾಸ್ತ್ರೀಯ ಪುದರ್ ಇಂಪಾಶಿಯೆನ್ಸ್ ಮೈನರ್(Impatiens Minor). ತುಳು ತಿಂಗೊಲುಲೆಡ್ ಒಂಜಾಯಿನ ಸೋಣೊ ಪುದರ್‌ದ ಈ ದೈ, ಉಂದೇ ತಿಂಗೊಲುಡು, ಪಂಡ ಮರಿಯಾಲೊಡು ಎಚ್ಚ ಬುಲೆಪುಂಡು. ದೈತ್ತ ಮುದೆಲ್ ಹದಕೆಂಪು ಬಣ್ಣ, ಮುದೆಲ್‌ಡ್ ದೂರ ದೂರೊಡು ಜೋಡಿ ಇರೆಕ್ಕುಲು ಇಪ್ಪುವ. ಪೂ ಕಿನ್ಯ, ಹದ ಗುಲಾಬಿ ಬಣ್ಣ, ಐತ ಎಸಲ್‌ದ ಪಿರಾವುಡು ಕಿನ್ಯ ಬೀಲದಂಚಿನ ರಚನೆ ಇಪ್ಪುಂಡು. ಸೋಣದ ಕಾಯಿ ದಾಸ್ಮಿದ ಲೆಕ ಕಿನ್ಯ, ಮುಟ್ಟಿಗಲಿಗೆಡ್ ಪುಡಾದ್ ಮೋನೆಗ್ ರಟ್ಟುಂಡು[೧].
ಬೇತೆ ಬಾಸೆಲೆಡ್
ಸಂಪೊಲಿಪುಲೆ- ಕನ್ನಡ- ಸೋಣೆ ಹೂ, ಸಂಕ್ರಾಂತಿ ಹೂ, ನೀರ್‌ಕಡ್ಡಿ
- ಸಂಸ್ಕೃತ- ಶ್ರಾವಣಿ
- ತಮಿಳು- ಪೈಲಿ
- ಆಂಗ್ಲ- Wild Balsam
ಗಲಸುನ
ಸಂಪೊಲಿಪುಲೆಜೋಕುಲು ಬುಕ್ಕ ಪೂಜೆಡ್
ಸಂಪೊಲಿಪುಲೆಸಾಲೆಗ್ ಪೋಪಿನ ಜೋಕುಲು ಈ ದೈತ ಮುದೆಲ್ ಪೊರ್ತುದು ತುಂಡು ಮಲ್ತ್‌ದ್ ಸ್ಲೆಟ್ ಉರೆಸರ ಗಲಸುವೆರ್. ಪೊಣ್ಣುಲು ಈ ದೈತ ಮುದೆಲ್ ತುಂಡು ಮಲ್ತ್‌ದ್ ನೂಲುಗು ಸುರೀದ್ ಮಾಲೆ ಕಟ್ಟುವೆರ್. ಸೋಣ ತಿಂಗೊಲುಡು ಮಲ್ಪುನ ಹೊಸಿಲು(ತಡ್ಯ) ಪೂಜೆಗ್ ಈ ದೈತ ಇರೆ ಪೂ ಬೀಜ ಸಮೇತವಾದ್ ಗಲಸುವೆರ್[೧].
ಮರ್ದ್‌ಗ್
ಸಂಪೊಲಿಪುಲೆಪೊಂಜವುಲೆಗ್ ತಿಂಗೊಲ್ದ ಪೊರ್ತುಡು ಆಪಿನ ಬಂಜಿಬೇನೆ, ಸೊಂಟಬೇನೆಗ್ ಈ ದೈತ ಪೂನ್ ಗಳಸ್‌ಪೆರ್. ಅಂಚನೆ, ಸೂ ತಾಗ್‌ದ್ ಗಾಯ ಮಿನಿ ಆಂಡ, ಇಡೀ ಸೋಣೆ ದೈನ್(ಬೇರ್ ಬೊಡ್ಚಿ) ಅರೆತ್‌ದ್, ಪೊತ್ತಿನ ಗಾಯೊಗು ಲೇಪ ಪಾಡೊಡು. ಗಾಯದ ಉರಿ ಕಡಮೆ ಆಪಿನೇಟ ಇಂಚ ಲೇಪ ಪತ್ತಾಂಡ, ಉರಿ ಕಡಮೆ ಆದ್ ಗಾಯ ಗುಣ ಆಪುಂಡು[೧].