ಸೌತೆ ಪದೆಂಗಿ ಗಸಿ

ತೌತೆ ಪದೆಂಗಿ ಗಸಿ/ಸೌತೆ ಪದೆಂಗಿ ಗಸಿ ಆಟಿಡ್ ಎಚ್ಚಾದ್ ಮಲ್ಪಿನ ಒಂಜಿ ಬಗೆತ್ತ ಕಜಿಪು. ದಾಯೆ ಪಂಡ ಆಟಿ ತುಳುವೆರೆಗ್ ಬಂಗೊದ ತಿಂಗೊಲು. ಆ ಬಂಗೊದ ತಿಂಗೊಳುಡು ವೊವ್ವು ಸುಲಬೊಡು ತಿನರೆ ತಿಕ್ಕುಂಡ ಅವೆನ್ ಮಲ್ತ್‍ದ್ ತಿನೊಂದಿತ್ತೆರ್. ಅವೆಟ್ಟ್ ತೌತೆ ಪದೆಂಗಿದ ಗಸಿಲಾ ಒಂಜಿ.

ತೌತೆ ಪದೆಂಗಿ ಗಸಿ

ಬೇತೆ ಪುದರ್	ಸೌತೆ ಪದೆಂಗಿ ಗಸಿ
Course	ಕಜಿಪು
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ,ಉಡುಪಿ, ಕರ್ನಾಟಕ
Serving temperature	ತೌತೆ , ಪದೆಂಗಿ

ತೌತೆ ಪದೆಂಗಿ ಗಸಿ ಮಲ್ಪರೆ ಬೋಡಾಯಿನ ಸಾಮಾನ್

• ಪದೆಂಗಿ.
• ತೌತೆ.
• ತಾರಾಯಿ .
• ಕಜಿಪುದ ಮುಂಚಿ.
• ನೀರುಳ್ಳಿ, ಬೆಳ್ಳುಳ್ಳಿ, ದಾಸೆಮಿ.
• ಸಂಬರ (ಕೊತ್ತಂಬರಿ)

ಮಲ್ಪುನ ವಿದಾನೊ

ಸುರುಕಾದ್ ಬೋಡಂಡ ತೌತೆದ ಚೋಲಿ ಗೆಪ್ಪೊಲಿ ದೆತ್ತಿಜಿಂಡಲಾ ಆಪುಂಡು. ಅವೆನ್ ಹದ ಮಲ್ಲ ಮಲ್ಲ ತುಂಡು ಮೂರ್ದ್ ನೀರ್ಡ್ ಲುಂಬೊಡು. ಅವೆರ್ದ್ ಬೊಕ್ಕ ಅವೆಕ್ಕ್ ಪದೆಂಗಿ ದೆಕ್‍ದ್ ಪಾಡೊಡು. ಇಜ್ಜಾಂಡ ದುಂಬುನಾನಿ ನೆನೆತ್ತ್ ದೀದ್ ಪಾಡ್ಂಡಲಾ ಆಪುಂಡು. ಇಂಚ ಮಲ್ತ್ಂಡ ಪದೆಂಗಿ ಬೇಗ ಬೈಪುಂಡು. ಅವೆಕ್ಕ ಒಂಜಿ ಟೊಮೆಟೊ , ನೀರುಳ್ಳಿ ಮೂರ್ದು ಪೂರ ಒಟ್ಟಿಗೆ ಮೂಜಿ ಮಲ್ಲ ಲೋಟೆಡ್ ನೀರ್ ದೀದ್ ರುಚಿಗ್ ಉಪ್ಪು ಪಾರ್ದ್ ಬೈಪಾವೊಡು. ನೀರ್ ಚೂರು ದೀಂಡ ಎಡ್ಡೆ ದಾಯೆ ಪಂಡ ಗಸಿ ಮಲ್ಪುನೈರ್ದಾವರ ಜಾಸ್ತಿ ನೀರ್ ಪಾಡ್ಂಡ ಸಾರ್ ಲೆಕ ಆಪುಂಡು. ಅವೆತೊಟ್ಟುಗೆ ಗಸಿಕ್ಕ್ ಬೋಡಾದ್ ತಾರಾಯಿ ಸಾಮಾನ್(ಬೇವಿರೆ, ಸಂಬರ, ಬೆಳ್ಳುಳ್ಳಿ, ನೀರುಳ್ಳಿ) ಒಟ್ಟಿಗೆ ಕಡೆದ್ ಅರೆಪ್ಪುನು ಬೈಪಾದಿನ ತೌತೆ ಪದೆಂಗಿಗ್ ಪಾಡೊಡ್. ಅರೆಪಪ್ಉ ಪಾಡಿ ಬೊಕ್ಕ ಒಟ್ಟಿಗೆ ಕೊದಿಪಾವೊಡು. ಗಸಿ ಗಸಿ ಆನೆಟ್ಟ ಕೊದಿಪಾಂಡ ತೌತೆ ಗಸಿ ತಯಾರಾಪುಂಡು.

ಬೇತೆ ಪುದರುಲು

• ತೌತೆ ಪದೆಂಗಿ ಗಸಿ