ಕಡ್ಲೆ ಬಜಿಲ್

ಕಡ್ಲೆ ಬಜಿಲ್ ಉಂದು ತುಳುನಾಡ್ ದ ವಿಸೇಸವಾಯಿನ ತೆನಸ್ ಲೆಡ್ ಒಂಜಿ. ಕುಡ್ಲ, ಉಡುಪಿ ಇಂಚಿನ ತಳುನಾಡ್ ದ ಪ್ರದೇಸೊಲೆಡ್ ಈ ತಿಂಡಿ ಕಾಂಡೆ ಚಾತ್ತ ಬಾಯಿಗ್ ತಿನರೆ ತಿಕ್ಕುಂಡು. ಉಂದೆಟ್ಟ್ ಕಡ್ಲೆನ್ ಚೀಪೆ ಮಲ್ತ್‍ದ್ ಬಜಿಲ್‍ನ್ ಖಾರ ಮಲ್ತ್‍ದ್ ಖಾರ ಬೊಕ್ಕ ಚೀಪೆದ ಮಿಶ್ರಣೊನ್ ಒಟ್ಟಿಗೆ ತಿನ್ಪೆರ್.

ಕಡ್ಲೆ ಬಜಿಲ್

ಕಡ್ಲೆ ಬಜಿಲ್
ಬೇತೆ ಪುದರ್	ಕಡ್ಲೆ ಬಜಿಲ್
ಬಗೆ	ತಿಂಡಿ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ,ಉಡುಪಿ
ಬೊಡಾಯಿನ ಸಾಮಾನ್	ಕಡ್ಲೆ

ಕಡ್ಲೆ ಮಲ್ಪರೆ ಬೋಡಾಯ್ನ ಸಾಮಾನುಲು

• ದಾಸಿಮಿ - ೧ ಚಮ್ಚ .
• ಕಪ್ಪು ಕಡ್ಲೆ - ೧ ಕಪ್.
• ನೀರುಳ್ಳಿ - ೧
• ಜೀರ್ದರಿ - ಅರ್ದ ಚಮ್ಚ .
• ತಾರಾಯಿದ ಪೂ - ಅರ್ದ ಕಪ್ .
• ಬೇವಿರೆ (ಒಗ್ಗರಣೆಗ್ ಬೋಡಾಯ್ನಾತ್) .
• ಉಪ್ಪು ರುಚಿಗ್ ಬೋಡಾಯ್ನಾತ್
• ಅಡಿಗೆ ಎಣ್ಣೆ- ಒಗ್ಗರಣೆಗ್ ಬೋಡಾಯ್ನಾತ್ .
• ಮಂಜಲ್ - ಕಾಲ್ ಚಮ್ಚ.
• ಕೆಂಪುಮುಂಚಿ - ೨.
• ಸಕ್ಕರೆ - ಚೀಪೆಗ್ ಬೋಡಾಯ್ನಾತ್.

ಮಲ್ಪುನ ವಿದಾನೊ

ಬಾಣಲೆಡ್ ಒಗ್ಗರಣೆ ದೀದ್ ನೀರುಳ್ಳಿ, ಮಂಜಲ್ ಪಾರ್ದ್ ಅವ್ ಕಾಯಿ ಬೊಕ್ಕ ಬೆಯ್ಪಾದಿನ ಕಡ್ಲೆ ರುಚಿಗ್ ಬೋಡಾಯ್ನಾತ್ ಉಪ್ಪು , ಸಕ್ಕರೆ ಪಾಡೊಡು . ಮೇಲ್ ಗ್ ಪೆರೆದಿನ ತಾರಾಯಿದ ಪೂ ಬಿರ್ಕ್ ದ್ ತಿರ್ಗಾಂಡ ಕಡ್ಲೆ ತಯಾರಾಪುಂಡು.

ಬಜಿಲ್ ಮಲ್ಪರೆ ಬೋಡಾಯಿನ ಸಾಮಾನುಲು

• ಬಜಿಲ್ - ೨೦ ಗ್ರಾಂ .
• ದಾಸಿಮಿ - ೧ ಚಮ್ಚ .
• ಉರ್ದು - ಅರ್ದ ಚಮ್ಚ .
• ಜೀರ್ದರಿ - ಅರ್ದ ಚಮ್ಚ .
• ತಾರಾಯಿ - ಪೆರೆದಿನ ಅರ್ದ ಕಪ್ .
• ಬೇವಿರೆ (ಒಗ್ಗರಣೆಗ್ ಬೋಡಾಯ್ನಾತ್) .
• ಸಂಬರ - ಅರ್ದ ಚಮ್ಚ .
• ಉಪ್ಪು ರುಚಿಗ್ ಬೋಡಾಯ್ನಾತ್
• ಅಡಿಗೆ ಎಣ್ಣೆ- ಒಗ್ಗರಣೆಗ್ ಬೋಡಾಯ್ನಾತ್ .
• ಕೆಂಪುಮುಂಚಿ - ೨ .

ಬಜಿಲ್ ಮಲ್ಪುನ ವಿದಾನೊ

ಒಂಜಿ ಬಾಣಲೆಡ್ ಒಗ್ಗರಣೆಗ್ ಬೋಡಾಯ್ನಾತ್ ಎಣ್ಣೆ ಪಾರ್ದ್ ಅವೆಕ್ಕ್ ದಾಸಿಮಿ , ಉರ್ದು , ಕೆಂಪುಮುಂಚಿ, ಜೀರ್ದರಿ , ಕಡ್ಲೆಸಲಾಯಿ ,ಬೇವಿರೆ ಪಾರ್ದ್ ಪೊತ್ತದು ಅವೆನ್ ನೀರ್ ಪಾಡಂದೆ ಪೊಡಿ ಮಲ್ಪೊಡು. ಪೊಡಿ ಮಲ್ತಿನ ಮಸಾಲೆನ್ ಬರಿಕ್ಕ್ ದೀದ್ ನನೊಂಜಿ ಬಾಜನಡ್ ತಾರಾಯಿ ಬೊಕ್ಕ ಬೆಲ್ಲ ಪಾರ್ದ್ ಮೊರೆತ್ತಿ ಬೊಕ್ಕ ಅವೆಕ್ಕ್ ಬಜಿಲ್ ಬೊಕ್ಕ ಪೊಡಿ ಮಲ್ದಿನ ಮಸಾಲೆ ಸೇರ್ಪಾದ್ ಒಗ್ಗರಣೆ ಪಾಡೊಡು. ಕಡ್ಲೆ ಬಜಿಲ್ ರಡ್ಡ್ ಲಾ ತಯಾರಾಯಿಬೊಕ್ಕ ಒಂಜೇ ಪ್ಲೇಟ್ ಡ್ ಪಾರ್ದ್ ತಿನೊಲಿ .

ಕಡ್ಲೆ ಬಜಿಲ್ ರಡ್ಡ್ಲಾ ತಯಾರ್ ಆಯಿ ಬೊಕ್ಕ ಅವೆನ್ ಒಟ್ಟಿಗೆ ಬಲಸ್ ದ್ ತಿನರೆ ಕೊರ್ಪೆರ್.

ಕಡ್ಲೆ ಬಜಿಲ್