ಕನ್ನಡ ರಾಜ್ಯೋತ್ಸವ
ಕನ್ನಡ ರಾಜ್ಯೋತ್ಸವ ಅತ್ತ್ಂಡ ಕರ್ನಾಟಕ ರಾಜ್ಯೋತ್ಸವ ಪ್ರತಿ ವರ್ಸೊದ ನವೆಂಬರ್ ೧ ತಾನಿ ಆಚರಣೆ ಮಲ್ಪುವೆರ್. ಮೈಸೂರು ರಾಜ್ಯ (ಇತ್ತೆದ ಕರ್ನಾಟಕ) ೧೯೫೬ತ ನವೆಂಬರ್ ೧ ತಾನಿ ನಿರ್ಮಾಣ ಆಯಿನೆತ ಸಂಕೇತವಾದ್ ಈ ರಾಜ್ಯೋತ್ಸವನ್ ಆಚರಣೆ ಮಲ್ಪುಂಡು.[೧] ದಕ್ಷಿಣ ಭಾರತದ ಮಾತ ಕನ್ನಡ ಬಾಸೆನ್ -ಪಅತೆರುನ ಪ್ರದೇಶೊಲೆನ್‌ ವಿಲೀನಗೊಳಿಸಾದ್ ಒಂಜಿ ರಾಜ್ಯೊನು ಘೋಷಣೆ ಮಲ್ತ್‌ನ ಈ ದಿನೊನು ಕನ್ನಡಿಗೆರ್ ನಾಡಹಬ್ಬ ವಾದ್‌ ಆಚರಣೆ ಮಲ್ಪುವೆರ್. ರಾಜ್ಯೋತ್ಸವ ದಿನೊನು ಕರ್ನಾಟಕ ರಾಜ್ಯೊಡು ಸರಕಾರಿ ರಜಾದಿನ ಪಂಡ್ದ್ ಪಟ್ಟಿ ಮಲ್ತ್‌ದೆರ್. ಇಡೀ ವಿಶ್ವದಾದ್ಯಂತ ಉಪ್ಪುನ ಕನ್ನಡಿಗೆರ್ ಉಂದೆನ್ ಒಂಜಿ ಪರ್ಬೊದ ರೀತಿಡ್ ಆಚರಿಸುವೆರ್. ಕರ್ನಾಟಕ ಸರಕಾರೊರ್ದು ಈ ದಿನತಾನಿ ರಾಜ್ಯೋತ್ಸವ ಪ್ರಶಸ್ತಿ ಪ್ರಧಾನ ಮಲ್ಪುನ ಕ್ರಮೊನು ನಡಪಾವೆರ್.
ಇತಿಹಾಸೊ
ಸಂಪೊಲಿಪುಲೆ- ಕನ್ನಡದ ಕುಲಪುರೋಹಿತರಾಯಿನ ಆಲೂರು ವೆಂಕಟರಾವ್, ಕರ್ನಾಟಕ ಏಕೀಕರಣ ಚಳುವಳಿನ್ ೧೯೦೫ ಟ್ ಸುರು ಮಲ್ತೆರ್. ೧೯೫೦ ಟ್, ಭಾರತ ಗಣರಾಜ್ಯವಾಯಿನ ಪೊರ್ತುಡು ಭಾರತದ ವಿವಿಧ ಪ್ರಾಂತ್ಯೊಲು, ಭಾಷೆಲೆನ ಆಧಾರೊದ ಮಿತ್ತ್ ರಾಜ್ಯೊಲು ಆದ್ ರೂಪು ಪಡೆಂಡ್. ಆಯಿಕ್ಕ್ ದುಂಬು ರಾಜೆರೆನ ಆಳ್ವಿಕೆಡ್ ದಕ್ಷಿಣ ಭಾರತೊಡು ಹಲವಾರ್ ಸಂಸ್ಥಾನೊಲೆನ್ ಪಡೆವೊಂದು ಇತ್ತ್‌ನ ರಾಜ್ಯೊಲು ರೂಪು ಪಡೆದ್ ಇತ್ತ್ಂಡ್. ಆ ಪೊರ್ತುಡು ಕನ್ನಡ ಬಾಸೆನ್ ಪಾತೆರುನ ಪ್ರಾಂತ್ಯೊಲೆನ್ ಒಟ್ಟು ಸೇರಾದ್, ಮೈಸೂರು ರಾಜ್ಯದ ಉದಯ ಆಂಡ್.
- ೧೯೫೬ ತ ನವೆಂಬರ್ ೧ ತಾನಿ, ಮದ್ರಾಸ್, ಮುಂಬಯಿ, ಹೈದರಾಬಾದ್ ಪ್ರಾಂತ್ಯೊದ ಕನ್ನಡ ಪಾತೆರುನ ಪ್ರದೇಶೊಲು ವಿಲೀನ ಆದ್ ಮೈಸೂರು ರಾಜ್ಯದ ಉದಯ ಆಂಡ್. ಉತ್ತರ ಕರ್ನಾಟಕ, ಮಲೆನಾಡು ಬೊಕ್ಕ ಪರ ಮೈಸೂರು ಪಂಡ್ದ್ ಪೊಸತಾದ್ ರೂಪು ಆಯಿನ ಮೈಸೂರು ರಾಜ್ಯೊನು ಮೂಜಿ ಪ್ರದೇಶೊಲೆಡ್ ಗುರುತಿಸವೊಂಡು.
- ಪೊಸದಾದ್ ಏಕೀಕೃತ ಆಯಿನ ರಾಜ್ಯದ ಆರಂಭೊಡು ಪೊಸ ಘಟಕದ ಕೋರ್ ರೂಪು ಪಡದ್ ದುಂಬುದ ರಾಜ್ಯದ ಪುದರ್ ಉಪ್ಪಡ್ ಪಂಡ್ದ್ "ಮೈಸೂರು" ಪನ್ಪುನ ಪುದರ್‌ನ್ ಒರಿಪಾವೊಂಡೆರ್. ಆಂಡ ಉತ್ತರ ಕರ್ನಾಟಕದ ಜನಕುಲೆನ ತರ್ಕ ಬೊಕ್ಕ ಮಾನ್ಯತೆಗಾದ್, ರಾಜ್ಯದ ಪುದರ್ ನವೆಂಬರ್ ೧, ೧೯೭೩ ತಾನಿ "ಕರ್ನಾಟಕ" ಪಂಡ್ದ್ ಬದಲಾಂಡ್.
- ಈ ಸಂದರ್ಭೊಡು ದೇವರಾಜ ಅರಸ್ ರಾಜ್ಯದ ಮುಖ್ಯಮಂತ್ರಿ ಆದ್ ಇತ್ತೆರ್. ಕರ್ನಾಟಕ ಏಕೀಕರಣದ ಮನ್ನಣೆ ಒರಿನ ಜನಕುಲೆಗ್‌ಲಾ ಸೇರುಂಡು. ಅಕುಲು ಪಂಡ ಅನಕೃ, ಕೆ. ಶಿವರಾಮ ಕಾರಂತ, ಕುವೆಂಪು, ಮಾಸ್ತಿ ವೆಂಕಟೇಶ ಅಯ್ಯಂಗಾರ್, ಎ.ಎನ್.ಕೃಷ್ಣರಾವ್ ಬೊಕ್ಕ ಬಿ.ಎಂ.ಶ್ರೀಕಂಠಯ್ಯ.
ಆಚರಣೆಲು
ಸಂಪೊಲಿಪುಲೆ- ರಾಜ್ಯೋತ್ಸವದ ದಿನೊನು ಕರ್ನಾಟಕ ರಾಜ್ಯದ ಇಡೀ ಬಾರಿ ಕುಸಿಟ್ಟ್ ಬೊಕ್ಕ ಚಟುವಟಿಕೆಡ್ ಆಚರಣೆ ಮಲ್ಪುವೆರ್. ಕೆಂಪು ಬೊಕ್ಕ ಮಂಜಲ್ ಕನ್ನಡ ಧ್ವಜಕುಲು ರಾಜ್ಯದ ಮಾತ ಜಾಗೆಡ್‌ಲಾ ರಾಪಾವೆರ್‌/ರಾವೊಂದು ಉಪ್ಪುಂಡು. ಕನ್ನಡ ನಾಡಗೀತೆ ("ಜಯ ಭಾರತ ಜನನಿಯ ತನುಜಾತೆ")ನ್ ಪನ್ಪೆರ್. ಸರಕಾರಿ ಕಚೇರಿ ಬೊಕ್ಕ ಸಾಲೆ ಕಾಲೇಜಿಲೆಡ್ ಭುವನೇಶ್ವರಿನ ಪೋಟೊ ದೀದ್ ಪೂ ಪಾಡ್‌ದ್ ನಮಸ್ಕಾರ ಮಲ್ಪುವೆರ್. ಮಸ್ತ್ ಪ್ರಮುಖ ಪ್ರದೇಶೊಲೆಡ್ ವಾಹನೊಲೆನ ಮಿತ್ತ್ ಭುವನೇಶ್ವರಿನ ಚಿತ್ರೊನು ದೀವೊಂದು ಮೆರವಣಿಗೆ ನಡಪಾವೆರ್.
- ರಾಜ್ಯೋತ್ಸವನ್ ಕರ್ನಾಟಕೊಡು ಉಪ್ಪುನ ಬಹುತೇಕ ಹಿಂದುಲು, ಮುಸ್ಲಿಮೆರ್ ಬೊಕ್ಕ ಕ್ರಿಶ್ಚಿಯೆನ್ನೆರ್ ಜಾತಿ ಧರ್ಮದ ಬೇಧ ಇಜ್ಜಂದೆ ಆಚರಿಸುವೆರ್. ಸರ್ಕಾರದ ಮೆರವಣಿಗೆ, ಆಟೋ ರಿಕ್ಷಾಲು ಸೇರ್‌ನಂಚ ಒರಿನ ವಾಹನೊಲು ಕನ್ನಡ ಧ್ವಜತ್ತ ಬಣ್ಣೊಲಾಯಿನ ಕೆಂಪು ಬೊಕ್ಕ ಮಂಜಲ್ ವರ್ಣೊಲೆನ ಬಾವುಟ ದೊಟ್ಟುಗು ಅಲಂಕಾರ ಮಲ್ತ್‌ದ್ ಕುಸಿಟ್ಟ್ ಬಲಿತೊಂದು ಉಪ್ಪುನೆನ್ ತೂವೊಲಿ. ರಾಜ್ಯ ಸರ್ಕಾರ ಕರ್ನಾಟಕ ರಾಜ್ಯೋತ್ಸವದ ದಿನತ್ತಾನಿ ವಿವಿಧ ಕ್ಷೇತ್ರೊಲೆಡ್ ಗಣನೀಯ ಸೇವೆ ಸಲ್ಲಿಸಾಯಿನ ಸಾಧಕರೆಗ್ ಪ್ರಶಸ್ತಿ ಪ್ರಕಟ ಪಡಿಸಾದ್ ಆನಿ ಕೊರ್ಪುನ ಕಾರ್ಯಕ್ರಮನ್ ದೀಪೆರ್.
- ರಾಜ್ಯೋತ್ಸವದ ಪ್ರಯುಕ್ತವಾದ್ ಕರ್ನಾಟಕ ಸರ್ಕಾರೊದ ವತಿರ್ದ್ ರಾಜ್ಯೋತ್ಸವ ಪ್ರಶಸ್ತಿಲೆನ್ ಪ್ರದಾನ ಮಲ್ಪುವೆರ್. ಅತ್ತಂದೆ ಹಲವು ರೀತಿದ ಸಾಂಸ್ಕೃತಿಕ ಕಾರ್ಯಕ್ರಮೊಲೆನ್ ವಿಶ್ವದಾದ್ಯಂತ ಹಮ್ಮೊಂದು ಉಪ್ಪುನೆನ್ ತೂವೊಲಿ. ರಾಜ್ಯದ ಮುಖ್ಯಮಂತ್ರಿ ಆದ್ ಇತ್ತ್‌‍ನಕುಲು ಸಾಧಕೆರೆಗ್ ಪ್ರಶಸ್ತಿಲೆನ್ ವಿತರಣೆ ಮಲ್ಪುವೆರ್.
- ಭಾರತದ ನನ ಕೆಲವು ಪ್ರದೇಶೊಲಾಯಿನ ಮುಂಬಯಿ, ದೆಹಲಿ ಇಂಚಿತ್ತಿ ಜಾಗೆಲೆಡ್‌ಲಾ ಕರ್ನಾಟಕ ರಾಜ್ಯೋತ್ಸವೊನು ಆಚರಣೆ ಮಲ್ಪುವೆರ್. ಉಂದು ಅತ್ತಂದೆ ಗುರಗಾಂವ್ ಬೊಕ್ಕ ಚೆನೈ, ಸಾಗರೋತ್ತರೊಡುಲಾ ಕನ್ನಡ ಸಂಸ್ಥೆ, ಅಮೇರಿಕಾ, ಸಿಂಗಾಪುರ್, ದುಬೈ, ಮಸ್ಕಟ್, ದಕ್ಷಿಣ ಕೊರಿಯಾ, ಆಸ್ಟ್ರೇಲಿಯಾ, ನ್ಯೂಜಿಲ್ಯಾಂಡ್, ಸ್ಕಾಟ್ಲೆಂಡ್ ಬೊಕ್ಕ ಐರ್ಲೆಂಡ್ ಇಂಚಿತ್ತಿ ಕಡೆಕುಲೆಡ್ ನೆಲೆಸ್‌ದ್ ಉಪ್ಪುನ ಕನ್ನಡಿಗೆರ್ ಕರ್ನಾಟಕ ರಾಜ್ಯೋತ್ಸವೊನು ಆಚರಣೆ ಮಲ್ಪುವೆರ್.
ಆಚರಣೆದ ತಿಂಗೊಲು
ಸಂಪೊಲಿಪುಲೆನವೆಂಬರ್ ೧ ತಾನಿ ಅಧಿಕೃತವಾದ್ ಕನ್ನಡ ರಾಜ್ಯೋತ್ಸವನ್ ಆಚರಣೆ ಮಲ್ಪುವೆರ್. ನವಂಬರ್ ತಿಂಗೊಲು ಪೂರ ರಾಜ್ಯೋತ್ಸವನ್ ಮಸ್ತ್ ಕಡೆಕುಲೆಡ್ ಆಚರಣೆ ಮಲ್ಪುವೆರ್. ನವೆಂಬರ್ ೧ ಕರ್ನಾಟಕೊಡು ಸಾರ್ವಜನಿಕ ರಜೆ ಉಪ್ಪುಂಡು. ಈ ದಿನೊಕುಲೆಡ್‍ ಕನ್ನಡ ಧ್ವಜ ಸುಮಾರ್‌ ಕಡೆಕುಲೆಡ್ ರಾವೊಂದು ಉಪ್ಪುಂಡು.
ಪಿದಯಿದ ಸಂಪರ್ಕೊ
ಸಂಪೊಲಿಪುಲೆಉಲ್ಲೇಕೊಲು
ಸಂಪೊಲಿಪುಲೆ- ↑ "Kannadigas celebrate Karnataka Rajyotsava on Nov 1". Archived from the original on 2014-11-03. Retrieved 2020-11-01.
{{cite web}}: Unknown parameter|dead-url=ignored (help)