ಕಬಿನಿ ತುಧೆ

ಈ ಲೇಕನೊನ್ ವಿಕಿಪೀಡಿಯ ಏಷ್ಯನ್ ತಿಂಗೊಲು 2024 ಸಮಯೊಡ್ ಉಂಡ್ ಮಾನ್ತ್‌‍ನವು.

ಕಬಿನಿ ತುಧೆ ದಕ್ಷಿಣ ಭಾರತೊಡು ಕಾವೇರಿ ತುಧೆತ ಪ್ರಮುಖ ಉಪನದಿಕ಼್ಲೆಡ್ ಒಂಜಾದುಂಡು. ಉಂದು ಪನಮರಮ್ ತುಧೆ| ಬೊಕ್ಕ ಮನಂತವಾಡಿ ತುಧೆತ ಸಂಗಮೊಡ್ದು ಕೇರಳ ರಾಜ್ಯದ ಕೋಯಿಕ್ಕೋಡ್ ಜಿಲ್ಲೆದ ಕವಿಲುಂಪಾರ ಪನ್ಪಿನ ಜಾಗೆಡ್ ಪುಟ್ಟುಂಡು.ಉಂದು ವಯನಾಡ್ ಜಿಲ್ಲೆದ ಮುಖಾಂತರ ಮೂಡಾಯಿಗ್ ಪರಿತ್‌ದು ಕರ್ನಾಟಕದ ಮೈಸೂರು ಜಿಲ್ಲೆಗ್ ಸೇರ್ದ್ ಕರ್ನಾಟಕದ ಮೈಸೂರು ಜಿಲ್ಲೆಡ್ ಕಾವೇರಿ ತುಧೆನ್ ಸೇರುಂಡು ^[೧].

ಸರಗೂರ್ ಪೇಟೆದ ಮುಟ್ಟ ಉಂದು ಮಾಮಲ್ಲ ತುಧೆ ಕಬಿನಿ ತುಧೆಯಾದ್ ರೂಪ ಪಡೆಪುಂಡು.ಕಬಿನಿ ಅಣೆಕಟ್ಟು ೨,೨೮೪ ಅಡಿ (೬೯೬ ಮೀ) ಉದ್ದ ಇತ್ತ್‌ದ್ , ೧೯.೫೨ ಟಿಎಂಸಿ ಅಡಿ ಮೂಲ ಸಂಗ್ರಹ ಉಂಡು. ಕಬಿನಿ ಅಣೆಕಟ್ಟ್ ಕರ್ನಾಟಕದ ಮೈಸೂರು ಜಿಲ್ಲೆದ ಹೆಗ್ಗಡದೇವನ ಕೋಟೆ ತಾಲೂಕುದ ಸರಗೂರು ಪೇಟೆಡ್ದ್ ೧೭ ಕಿಮೀ (೧೧ ಮೈಲಿ) ದೂರೊಡುಪ್ಪುನ ಬಿಚನಹಳ್ಳಿ ಬೊಕ್ಕ ಬಿದರಹಳ್ಳಿ ಗ್ರಾಮೊಲೆನ ನಡುಟು ಉಂಡು.

ವನ್ಯಜೀವಿ

ಕಬಿನಿ ಅರಣ್ಯ ಕರ್ನಾಟಕದ ಪುಗರ್ತೆದ ರಕ್ಷಿತಾ ವನ್ಯಜೀವಿ ತಾಣೊಲೆಡ್ ಒಂಜಾದುಂಡು. ಸುತ್ತ ಪಚ್ಚೆ ಪಜಿರ್ ಭೂಮಿ ಬೊಕ್ಕ ಆನೆ, ಪಿಲಿಕುಲೆನ ಪುಂಡು ತೂಯೆರೆ ತಿಕ್ಕುನ ದೃಶ್ಯೊಲು. ಉಂದು ಮೈಸೂರುಡ್ದು ೬೧ ಕಿಮೀ (೩೮ ಮೈಲಿ) ಬೊಕ್ಕ ಬೆಂಗಳೂರುಡ್ದು ೨೦೫ ಕಿಮೀ (೧೨೭ ಮೈಲಿ) ದೂರೊಡಿತ್ತ್‌ದ್ ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನದ ಆಗ್ನೇಯ ಭಾಗೊಗು ಸೇರ್ದ್ ಉಂಡು. ಕಬಿನಿ ಬ್ರಿಟಿಷ್ ವೈಸ್‌ರಾಯ್‌‌ಲು ಬೊಕ್ಕ ಭಾರತೀಯ ರಾಜಮನೆತನದ ಮುಖ್ಯ ಶಿಕಾರ್(ಬೋಂಟೆ) ಕೇಂದ್ರ ಆದಿತ್ತ್ಂಡ್ ^[೨]. ಉಂದು ಇತ್ತೆ ಭಾರತೊದ ಮುಖ್ಯ ವನ್ಯಜೀವಿ ರಾಷ್ಟ್ರೀಯ ಉದ್ಯಾನವನ ಆದುಂಡು. ಉಂದು ಅದ್ಭುತ ವನ್ಯಜೀವಿ ಬೊಕ್ಕ ಪಕ್ಷಿತಾಣೊಗು ಪುಗರ್ತೆ ಪಡೆತ್ಂಡ್. ನಾಗರಹೊಳೆ ರಾಷ್ಟ್ರೀಯ ಉದ್ಯಾನವನೊಟು ಸುಮಾರು ೧೨೦ ಪಿಲಿಕುಲು , ೧೦೦+ ಚಿರತೆಲು, ನಾಲ್ ವಿಧೊತ ಜಿಂಕೆಲು, ಸೋಮಾರಿ ಕರಡಿ, ಬೊಕ್ಕ ಆನೆಲು ಉಂಡು ^[೩].

ಚಲನೆ

ಈ ತುಧೆ ಕುಟ್ಟಿಯಾಡಿ-ಮನಂತವಾಡಿ ರಸ್ತೆಡುಪ್ಪುನ ಪಕ್ರಮ್ತಲಂ ಬೆಟ್ಟೊಲೆಡ್ ಪುಟ್ಟುಂಡು. ಮಕ್ಕಿಯಾಡ್ ತುಧೆ ಬೊಕ್ಕ ಪೆರಿಯಾ ತುಧೆ ಕ್ರಮವಾದ್ ಕೊರೊಮೆ ಬೊಕ್ಕ ವಾಲಾಡ್ ಕೈತಳ್ ಸೇರುಂಡು. ಮನಂತವಾಡಿ ಪಟ್ಟಣೊಡೆ ಪರಿತ್‌ದು ಪನಮರಮ್ ತುಧೆ ಪಯ್ಯಂಪಲ್ಲಿ ಕೈತಳ್ ಕಬಿನಿನ್ ಸೇರುಂಡು. ಪನಮರಮ್ ತುಧೆತ ಒಂಜಿ ಎಗ್ಗೆ ಪಡಿಂಜರೆತರ ಕೈತಳ್ ಬಾಣಾಸುರ ಸಾಗರ ಜಲಾಶಯಡ್ಡ್ ಸುರುವಾಪುಂಡು ಬೊಕ್ಕ ತುಧೆತ ಬೊಕ್ಕೊಂಜಿ ಎಗ್ಗೆ ಲಕ್ಕಿಡಿ ಬೆಟ್ಟೊಡ್ದು ಸುರು ಆಪುಂಡು. ಪನಮರಮ್ ತುಧೆತ ಕಬಿನಿ ಸಂಗಮೊಡ್ದು ೨ ಕಿಲೋಮೀಟರ್ (೧.೨ ಮೈಲಿ) ಬತ್ತಿ ಬೊಕ್ಕ ಕುರುವ ದ್ವೀಪ ಪನ್ಪಿ ದ್ವೀಪದ ಉಂಡಾಪುಂಡು. ಉಂದು ವೈವಿಧ್ಯಮಯ ಮರ ದಯಿ ಬೊಕ್ಕ ಪ್ರಾಣಿ ಜೀವಿಲೆಡ್ಡ್ ೫೨೦ ಎಕರೆದಾತ್ (೨.೧ ಕಿಮೀ) ವಿಸ್ತಾರವಾದುಂಡು.ಸುಮಾರ್ ೨೦ ಕಿಮೀ (೧೨ ಮೈಲಿ)ಉಲಯಿ ಉಂದು ಕೇರಳ ಬೊಕ್ಕ ಕರ್ನಾಟಕದ ಗಡಿಟಿಪ್ಪುನ ಕಬಿನಿ ಜಲಾಶಯೊನ್ ಚೂರು ದೂರ ಮುಟ್ಟ ಸೇರುಂಡು. ಕಬಿನಿ ಜಲಾಶಯ ಬೊಕ್ಕ ಕುರುವ ದ್ವೀಪದ ನಡುಟೆ ಕಾಳಿಂದಿ ತುಧೆ ಕಬಿನಿನ್ ಸೇರುಂಡು. ಕಾಳಿಂದಿ ತುಧೆ ಬ್ರಹ್ಮಗಿರಿ ಬೆಟ್ಟೊಡ್ದು ಪುಟ್ಟ್‌ದ್ ತಿರುನೆಲ್ಲಿ ದೇವಸ್ಥಾನದಾಡೆ ಬನ್ನಗ ಪಾಪನಾಸಿನಿ ತುಧೆನ್ ಸೇರುಂಡು. ತಾರಕ ಬೊಕ್ಕ ನುಗು ಹೆಗ್ಗಡದೇವನ ಕೋಟೆ ತಾಲೂಕುಡುಪ್ಪುನ ರಡ್ಡ್ ಎಲ್ಯ ತುಧೆಕುಲು ಕಪಿಲಾ (ಕಬಿನಿ ತುಧೆ) ನ್ ಸೇರುಂಡು ^[೪].