ಕುಕ್ಕುದ ಪಚ್ಚೊಡಿ

ಕುಕ್ಕುದ ಪಚ್ಚೊಡಿ ಸಾಮಾನ್ಯವಾದ್ ಪರ್ಂದ್ದಿನ ಕಾಟ್ ಕುಕ್ಕುನು ಗಲಸ್ ದ್ ಮಲ್ಪಿನ ಕಜಿಪು. ಉಂದೆಕ್ಕ್ ಕುಕ್ಕುದ ಚಂಡುರ್ಲಿ ಪಂಡ್ದ್ಲಾ ಪುದರುಂಡು. ಸಾಮಾನ್ಯವಾದ್ ಉಂದು ತುಲುನಾಡ್ ದ ಇಲ್ಲ ಇಲ್ಲಡ್ ಕುಕ್ಕು ಪರುಂದುನ ಸಮಯೊಡು ಮಲ್ಪುವೆರ್. ಪರ್ಂದ್ ಕುಕ್ಕುನು ಕಡೆಯಿನ ಅರೆಪ್ಪುಗು ಬೆರಸ್‍ದ್ ಸುಲಬೊಡು ಮಲ್ಪುನ ಕಜಿಪು ಉಂದು.ಚಂಡುರ್ಲಿ ಮಲ್ಪರೆ ಕಾಯಿ ಕುಕ್ಕುನು ಗಲಸುಜೆರ್.

ಕುಕ್ಕುದ ಪಚ್ಚೊಡಿ

ಬೇತೆ ಪುದರ್	ಕುಕ್ಕುದ ಚಂಡುರ್ಲಿ
Course	ಕಜಿಪು
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ,ಉಡುಪಿ, ಕರ್ನಾಟಕ
Serving temperature	ಕುಕ್ಕು

ಬೇತೆ ಬಾಸೆಲೆಡ್ ಕುರ್ಲುಪಚ್ಚೊಡಿ

• ಇಂಗ್ಲಿಸ್ ಡ್ - ಮ್ಯಾಂಗೊ ಚಂಡುರ್ಲಿ, ಮ್ಯಾಂಗೊ ಕರಿ.

ಬೋಡಾಯ್ನ ಸಾಮಾನುಲು

• ಪರ್ಂದ್ ಕುಕ್ಕು.
• 1 ನೀರುಳ್ಳಿ, ಹದೊತ್ತ(ಸನ್ನ ಮೂರೊಡು)
• ನಾಲ್ ಗರಿ ಬೆಳ್ಳುಳ್ಳಿ.
• ಬೇವಿರೆ
• ಒಂಜಿ ಕಪ್ ತಾರಾಯಿ.
• ಉಪ್ಪು (ರುಚಿಗ್ ಬೊಡಾಯ್ನಾತ್)
• ಒಗ್ಗರನೆಗ್ ಬೋಡಾದ್ ದಾಸಿಮಿ (ಕಾಲ್ ಚಮ್ಚ)

ಮಲ್ಪುನ ವಿದಾನೊ

ಸುರುಕಾದ್ ಪರ್ಂದ್ ದಿನ ಕುಕ್ಕುನು ದೆಕ್ಕ್ ದ್ ಅವೆತ್ತ ಚೂಲಿನ್ ದೆತ್ ದ್ ಒಣಜಿ ಬಾಜನಡ್ ಪಾರ್ದ್ ಕುಕ್ಕುದ ಚೋಲಿ ಅಂಚನೆ ಕುಕ್ಕುದ ಕೊರಂಟ್ ನ್ ಒಟ್ಟಿಗೆ ಪೊಜೆಂಕೊಡು. ಕೊರಂಟ್ ಡ್ ಪತಿದಿನ ಮಸ ಬುಡ್ಪುಮಡು. ಅವೆರ್ದ್ ಬೊಕ್ಕ ತಾರಾಯಿಗ್ ನಾಲ್ ಅರಿ ಬೆಳ್ಳುಳ್ಳಿ , ಕಾಲ್ ಚಮ್ಚ ಪಜ್ಜಿ ದಾಸಿಮಿ, ಬೇವಿರೆ ಪಾರ್ದ್ ಅರೆಪ್ಪು ಕಡೆವೊಡು. ಕಡೆಯಿನ ಅರೆಪ್ಪುನು ಕುಕ್ಕುಗ್ ಪಾರ್ದ್ ಬೆರಸೊಡು. ಅವೆರ್ದ್ ಬುಕ್ಕ ರುಚಿಗ್ ಬೋಡಾಯಿನಾತ್ ಉಪ್ಪು ಪಾರ್ದ್ ಒಂಜಿ ನೀರುಳ್ಳಿ ನ್ ಸನ್ನನೆ ಮುರ್ದ್ ಪಾರ್ದ್ ಬೆರಸೊಡು. ಅವೆರ್ದ್ ಬುಕ್ಕ ಬೇವಿರೆ , ದಾಸೆಮಿ , ರಡ್ಡ್ ಅರಿ ಬೆಳ್ಳುಳ್ಳಿ ಪಾರ್ದ್ ಒಗ್ಗರಣೆ ಕೊರೊಡು. ಈತ್ ಮಿಶ್ರಣೊನು ಕೊದಿಪಾವಂದೆ ಅಂಚನೆ ನುಪ್ಪುದೊಟ್ಟುಗೆ ತಿನೊಲಿ ಅತ್ತ್ಂಡ ಕೊದಿಪಾದ್ಲಾ ಒಣಸ್ ಮಲ್ಪೊಲಿ.

ಗಾದೆ

• "ಬೂತೊಡ್ದು ಮಿತ್ತ್ ಬೋತೊ ಪಂಜುರ್ಲಿ:ಕೈಪುಡ್ದು ಮಿತ್ತ್ ಕೈಪ್ಪು ಚಂಡುರ್ಲಿ"