ಕುಕ್ಕುದ ಮಾಂಬಲೊ

ಕುಕ್ಕು ಪಂಡ ಉಷ್ಣವಲಯದ ಮರ ಮ್ಯಾಂಗಿಫೆರಾ ಇಂಡಿಕಾಡ್ದ್ ಉತ್ಪತ್ತಿ ಆಪಿನ ಒಂಜಿ ತಿನ್ಪಿನ ಕಲ್ಲ್ ದ ಫಲ. ಉಂದು ವಾಯುವ್ಯ ಮ್ಯಾನ್ಮಾರ್, ಬಾಂಗ್ಲಾದೇಶ, ಬೊಕ್ಕ ಈಶಾನ್ಯ ಭಾರತದ ನಡುತ ಪ್ರದೇಶೊಡ್ದ್ ಪುಟ್ಟುದು ಬತ್ತ್ಂಡ್.

ಕುಕ್ಕುದ ಮರೊಟ್ಟು ಕುಕ್ಕು

ಕುಕ್ಕುದ ಒಂಜಿ ಜಾತಿ

ಕುಕ್ಕುದ ಮಾಂಬಲೊ ಪಂಡ ಕುಕ್ಕುಡು ಮಲ್ಪುನಂಚಿನ ಒಂಜಿ ತೆನಸ್ಸ್ .ಕುಕ್ಕು ಮಾತ ಸಮಯೊಡ್ಲ ತಿಕ್ಕಂದಿನೆಡ್ಡಾವರ ಅವೆನ್ ದಾಸ್ತಾನ್ ಮಲ್ತ್ ದೀಪುನ ಕ್ರಮ ಉಂಡು ಬೇತೆ ಬೇತೆ ರೀತಿಡ್ ದಾಸ್ತಾನ್ ಮಲ್ಪುವೆರ್ .ಮಾಂಬಲದ ರೀತಿಡ್ಲ ದೀಪುನ ಕ್ರಮ ಉಂಡು

ಮಾಂಬಲ ಮಲ್ಪುನ ಕ್ರಮ

ಕುಕ್ಕುನು ಪೆಜ್ಜೊಂದು ಬತ್ತ್‌ದ್ ಅವೆತ ರಸ ದೆತ್ತ್‌ದ್ ಆ ರಸೊನು ಒಂಜಿ ಪಜೆಟ್ ಮಯಿತ್‌ದ್ ದೊಂಬುಗು ಲುಂಗೆರೆ ದೀವೊಡು .ಅವೆಡ್ದ್ ಬೊಕ್ಕ ಮನದಾನಿ ತಿಕ್ಕಿನ ಕುಕ್ಕುನು ಪೆಜ್ಜೊಂದು ಬತ್ತ್‌ದ್ ಅವೆತ ರಸ ದೆತ್ತ್‌ದ್ ಆ ರಸೊನು ಅವ್ವೆ ಪಜೆಟ್ ದುಂಬುನಾನಿ ಮಯಿತ್‌ನೆದ ಮಿತ್ತ್ ಮಯಿತ್‌‌ದ್ ಲುಂಗೆರೆ ದೀವೊಡು ಅಂಚನೆ ದಿನಾಲ ತಿಕ್ಕಿನ ಕುಕ್ಕುನು ಇಂಚನೆ ರಸ ದೆತ್ತ್‌‌ದ್ ಪಜೆತ ಮಿತ್ತ್ ಮಯಿತ್‌‌ದ್ ಲುಂಗೆರೆ ದೀದ್ ಮರಿಯಲೊ ಬೋಡಾದ್ ಬೆಚ್ಚ ಜಾಗೆಡ್ ದಾಸ್ತಾನ್ ಮಲ್ತ್ ದೀವೊಡು

ಮಾಂಬಲೊದ ಉಪಯೋಗ

ಕುಕ್ಕು ಇಜ್ಜಾಂದಿನ ಸಮಯೊಡು ಮಾಂಬಲೊದ ಗೊಜ್ಜು(ಗಸಿ) ಮಲ್ಪುವೆರ್ ಈ ಗೊಜ್ಜು ಕುಕ್ಕುದ ಕಜಿಪುದಲೆಕ್ಕ ಉಣೆರೆ ರುಚಿ ಆಪುಂಡು .ಅಂಚನೆ ಕುಕ್ಕು ಇಜ್ಜಾಂದಿನ ಕಾಲೊಡು ಕುಕ್ಕುದ ಸರ್ಬತ್ತ್ ಮಲ್ಪೆರೆ ಈ ದೆತ್ತ್ ದೀನ ಮಾಂಬಲೊನು ಚೂರು ಬೊದ್‌ಲೆರೆ ಪಾಡ್ದ್ ನೀರ್ ಮಲ್ತ್‌ದ್ ಸಕ್ಕರೆ ಪಾಡ್ಂಡ ಸರ್ಬತ್ತ್ ಆಪುಂಡು

ಕುಕ್ಕುದ ಬಗೆಕುಲು

ತೋತಾಪುರಿ,ಮಲ್ಲಿಕಾ.ನೀಲ೦,ಮಲಗೋಬಾ,ರಸಪೂರಿ,ಮು೦ಡಪ್ಪ,ರತ್ನಗಿರಿ,ಬಾದಾಮ್ ನೆಕ್ಕರೆ ಇತ್ಯಾದಿಲು ಕುಕ್ಕುಲು ತಿನರೆ ಬಾರೀ ರುಚಿ.

ಕುಕ್ಕುದ ಉಪಯೋಗೊ

1. # ಕುಕ್ಕುಕಾಯಿ ಉಪ್ಪನಗ ಉಪ್ಪಡ್ ಪಾಡುವೆರ್, ಮುಡಿಕುಕ್ಕುದ ಉಪ್ಪಡ್ ಬಾರೀ ರುಚಿ.
2. # ಕುಕ್ಕುದ ಚಟ್ನಿ, ಗೊಜ್ಜು, ಚಿತ್ರಾನ್ಒನ, ಕಜಿಪು ಬಾರೀ ರುಚಿ.
3. # ಕುಕ್ಕು ಬೆಯ್ಪಾದ್ ನೀರ್ ಉಪ್ಪಡ್ ಮಲ್ಪುವೆರ್.
4. # ನೆತ್ತ ಪಾನಕ ಐಸ್‍ಕ್ರೀ೦ ಬಾರೀ ಎಡ್ಡೆ ಆಪು೦ಡು.
5. # ಪರ್ಂದ್ ಕುಕ್ಕುನು ಎಲ್ಯೆಲ್ಯ ತುಂಡು ಮಲ್ತ್ ದ್, ಪರ್ಂದ್, ಪರಂಗಿ ಪೆಲಕಾಯಿ, ಸೇಬು ಉಂದೆನ್ ಮಾತ್ ತುಂಡು ಮಲ್ತ್ ಐಸ್ ಕ್ರೀಮ್ ಪಾಡ್ದ್ ಪ್ರುಟ್ ಸಲಾದ್ ಮಲ್ಪುವೆರ್.
6. # ಎಲ್ಯೆಲ್ಯ ಪರ್ಂದ್ ಕುಕ್ಕುಲೆಡ್ ಬೆಲ್ಲ ಪಾಡ್ಸ್ ಕೊದ್ದೆಲ್ ಮಲ್ಪುವೆರ್.
7. # ಪರ್ಂದ್ ಕುಕ್ಕುದ ಚೂಲಿ ದೆತ್ತ್‌ದ್ ಅಯಿತ ರಸೊನು ಪುಂಟುದು ಆ ರಸೊನು ಪಜೆಟ್ ಮಯಿತ್‌ದ್ ಲುಂಗಾದ್ ದೀಪೆರ್ .ಉಂದೆನ್ ಮಾಂಬಲ(ಮಾಂಫಲ)ಪನ್ಪೆರ್

ಕುಕ್ಕುದ ಇರೆ ಬೊಕ್ಕ ಮರತ್ತ ಉಪಯೋಗೊ

1. ಕುಕ್ಕುದ ಮರೊಕ್ಕುಲಾ ತುಳುನಾಡ್‍ಡ್‍ ಮಸ್ತ್ ಉಪಯೋಗದವು ಅದುಮಡು. ಮದಿಮೆ ಇಂಚಿತ್ತಿ ಎಡ್ಡೆ ಕಾರ್ಯದಪಗ ತೋರಣ ಕಟ್ಯೆರೆ ಕುಕ್ಕುದ ಇರೆ ಬಳಕೆ ಮಲ್ಪುವೆರ್‍. ಕುಕ್ಕುದ ಇರೆಟ್ಟ್ ಕೂಲಿ ದೆಕ್ಕುವೆರ್‍, ಇರೆತ್ತ ನಾರ್‍ಡ್‍ ನಾಲಾಯಿದ ಅಗ್ರಲಾ ದೆಪ್ಪುವೆರ್‍. ಕುಕ್ಕುದ ಮರತ್ತ ಗೆಲ್ಲ್ ದ ತುಂಡುನು ಆಂತ್ಯ ಸಂಸ್ಕಾರ ಆನಗ ಕಾಟೊಗು ದಕ್ಕುನ ಕ್ರಮಲಾ ಉಂಡು. ಕುಕ್ಕುದ ಮಲ್ಲ ಮರೊಕ್ಕುಲು ಪಲಯಿ ಮಲ್ಪರೆಗ್‍ಲಾ ಆಪುಂಡು.