ಕುಡುತ್ತ ಸಾರ್

ಕುಡುತ್ತ ಸಾರ್ ಬಾರೀ ರುಚಿತ್ತ ಅಂಚನೇ ಆರೋಗ್ಯಕರವಾಯಿನ ಸಾರ್. ದಾಯೆ ಪಂಡ ಕುಡುಟ್ಟ್ ಪ್ರೋಟಿನ್ ದ ಅಂಸ ಮಸ್ತ್ ಉಂಡು. ಅಂಚ ಇತ್ತನೈರ್ದಾವರ ಚರ್ಮರೋಗ , ಚರ್ಬಿ ಕರವರೆ, ಪೊಂಜೊವ್ಲೆನ ತಿಂಗೊಲ್ದ ಕೊದಿ, ಸಕ್ಕರೆ ಕಾಯಿಲೆಲೆಗ್ ಮಸ್ತ್ ಉಪಯೋಗ ಆಪುಂಡು.ತುಳುನಾಡ್ ಡ್ ಪ್ರತಿ ಇಲ್ಲಡ್ ಲಾ ಕುಡುತ್ತ ಸಾರ್ ದ ಕಮ್ಮೆನ ಬರ್ಪುಂಡು . ಅವತ್ತಂದೆ ಆಟಿ ತಿಂಗೊಲ್ ಡ್ ವಿಸೇಸವಾಯಿನ ತೆನಸ್ ಲೆನ್ ಮಲ್ಪುನಗ ನೆತ್ತ ಸಾರ್ ನ್ಲಾ ಮಲ್ಪುವೆರ್.

ಕುಡುತ್ತ ಸಾರ್

ಕುಡುತ್ತ ಸಾರ್
ಬೇತೆ ಪುದರ್	ಕುಡು ಸಾರ್
ಬಗೆ	ಸಾರ್
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ, ಉಡುಪಿ
ಬೊಡಾಯಿನ ಸಾಮಾನ್	ಕುಡು

ಬೋಡಾಯ್ನ ಸಾಮಾನುಲು

• (ಬೊದುಲ್ಪಾದಿನ)ಕುಡು - ೨ ಕಪ್
• ಒಗ್ಗರಣೆ ಪಾಡ್ಯರೆ ಎಣ್ಣೆ - ೨ ಚಮ್ಚ.
• ದಾಸಿಮಿ - ಅರ್ದ ಚಮ್ಚ.
• ಬೊಲ್ಲುಲ್ಲಿ - ೪/೫ ಅರಿ.
• ಕೆಂಪು ಮುಂಚಿ - ೩
• ಬೇವಿರೆ
• ನೀರುಳ್ಳಿ , ಟೊಮೆಟೊ - ೧.
• ಇಂಗ್ , ಉಪ್ಪು , ನೀರ್.
• ತಾರಾಯಿದ ಪೂ ಪೆರೆದಿನ .
• ಉಪ್ಪು.
• ಪುಳಿ.

ಮಲ್ಪುನ ವಿದಾನೊ

ಬಾಣಲೆಡ್ ಒಗ್ಗರಣೆ ದೀದ್ ಅವೆಕ್ಕ್ ಮುಂಚಿ ಸಾಮಾನ್ , ತಾರಾಯಿ ಪಾರ್ದ್ ಪೊತ್ತುದು ಕಡೆವೊಡು . ಕಡೆದ್ ಬೊಕ್ಕ ಕುಡೊಂಜಿ ಬಾಜನೊಡು ಒಗ್ಗರಣೆ ದೀದ್ ಮೂರ್ದಿನ ನೀರುಳ್ಳಿ , ಟೊಮೆಟೊ ಪಾರ್ದ್ ಅವ್ ಕಾಯಿಬೊಕ್ಕ ದುಂಬುನಾನಿ ಬೊದುಲ್ಪಾದಿನ ಕುಡುನು ಪಾರ್ದ್ ೫/೬ ಲೋಟೆ ನೀರ್ , ರುಚಿಗ್ ಉಪ್ಪು, ಚೂರು ಪುಳಿ ಪಾರ್ದ್ ಬೈಪಾವೊಡು(ಕುಡು ಬೇಗ ಬೈಯಂದಿನೈರ್ದಾವರ ಮಸ್ತ್ ಪೊರ್ತು ತಾಗುಂಡು , ಅವ್ವೇ ಕುಕ್ಕರ್ ಡ್ ದೀಂಡ ೭/೮ ಸಿಟಿ ದೆಪ್ಪೊಡಾಪುಂಡು). ಕುಡುತ್ತ ಸಾರ್ ತಯಾರಾಯಿ ಬೊಕ್ಕ ಬೋಡು ಪಂಡ ಒಗ್ಗರಣೆ ಪಾಡೊಲಿ.

ಗಂಜಿದೊಟ್ಟುಗು ಕುಡುತ್ತ ಸಾರ್

ಬೇತೆ ಬಾಸೆಲೆಡ್ ಕುಡುತ್ತ ಸಾರ್

• ಇಂಗ್ಲಿಷ್ - ‍ಫ್ರೈಡ್ ಹಾರ್ಸ್ ಗ್ರಾಮ್ ಸಾಂಬರ್.
• ಕನ್ನಡ - ಹುರುಳಿಸಾರು.
• ಹಿಂದಿ - ಕುಲ್ತಿ ದಾಲ್ .

ಆರೋಗ್ಯಗಾಪಿನ ಉಪಯೋಗೊಲು

• ಪೊಂಜೊವ್ಲೆನ ತಿಂಗೊಲ್ದ ಕೊದಿತ್ತ ಸಮಸ್ಯೆಲೆಗ್ .
• ಕರ್ಬದಂಸ, ಕ್ಯಾಲ್ಸಿಯಂ, ಪ್ರೋಟೀನ್ ಇತ್ತಿನೈರ್ದಾವರ ಎಲುಕ್ಕ್ ಲಾ ಎಡ್ಡೆ.
• ಚರ್ಬಿ ಕರವರೆ.