ಕುಲೆ

ಕುಲೆನ್ ತುಲುವೆರ್ ಇಲ್ಲಗ್ ಲೆತ್ತ್‌ದ್ ಪೂಜೆ ಮಲ್ಪುವೆರ್. ಸೈತಿನಕುಲು ಕುಲೆ ಆದ್ ಇಲ್ಲಗ್ ಬರ್ಪೆರ್ಂದ್ ತುಳುವೆರೆ ನಂಬಿಕೆ. ಒರ್ಸೊಗೊರೊ ಗುರುಕಾರ್ನವೆರೆಗ್ ಬಳಸುನ ಕ್ರಮೊ ಉಂಡು. ಉಂದೆಕ್ಕ್ ಕುಲೆಕ್ಕ್ ಬಲಸುನೆ ಪಂಡ್ದ್ ಪನ್ಪೆರ್. ಗುರುಕಾರ್ನವ ಪಂಡ ಸೈತಿನ ಹಿರಿಯೆರ್. ಕುಲೆಕ್ಕ್‌ಲೆಗ್ ಬಲಸುನೆಂದ್‍ಲಾ ಪನ್ಪೆರ್.

ಪದಿನಾಜಿ ಕುಲೆಕ್ಲೆಗ್ ಬಳಸುನ

ಕುಲೆ ಮದಿಮೆ

ಸೈತಿನಕುಲು ಕುಲೆ ಆಪಿನವು ಬಾಲೆಡ್ದ್ ಪರಬ್ಬೆರೆಗ್ ಮುಟ್ಟ ಒಂಜೆ. ಬಾಲೆ ಸೈತ್ಂಡಲಾ ಅಯಿತ ಆತ್ಮೊಗು ಸಾಂತಿ ಆಪುಜಿಂದ್ ತುಳು ಜನಪದೆರ್ ಪನ್ಪೆರ್. ಆ ಬಾಲೆ ಪ್ರಾಯೊಗು ಬನ್ನಗ ಅವು ಆಣಾವಡ್ ಪೊಣ್ಣಾವಡ್ ಮದಿಮೆ ಆವೊಡುಂದು ಕೇನುಂಡು. ಅಂಚಿತ್ತಿ ಸಂದರ್ಭೊಡು ಅಂಚನೇ ಸೈತಿನ ಬಾಲೆ ಇತ್ತ್ಂಡ ಅಂಚಿನ ಕುಲೆನ್ ನಾಡ್ದ್, ರಡ್ಡ್ ಕುಟುಂಬ ಸಂಸಾರೊಲಾ ಸೇರ್ದ್, ಹಿರಿಯೆರ್ ಒಪ್ಪೊಂದು ಕುಲೆ ಮದಿಮ್ಮೆ ಮಲ್ಪುನವು ತುಳುವೆರೆಡ ಇನಿಕ್ಕ್ ಮುಟ್ಟ ನಡತ್ತ್ ಬತ್ತ್ಂಡ್.