ಕೊಡಪಾನ

ನೀರ್ ದಿಂಜಾದ್ ಕೊಂಡೊಯರ ಇಪ್ಪುನಂಚಿನ ಒಂಜಿ ಬಗೆತ ಪಾತ್ರೆನ್ ಕೊಡಪಾನ ಪನ್ಪೆರ್. ಕೊಡ್ಪಾನೊ ಬಜಿ ನೀರ್ ಕನರೆ ಮಾತ್ರ ಅತ್ತ್ ಬೇತೆ ಬೇತೆ ಕೆಲಸೊಲೆಗ್ ಉಪಯೋಗ ಆಪುಂಡು. ಪೂಜೆಗ್ ನೀರ್ ಕೊಂಡರ್‍ಯರ, ದೈಕ್ ನೀರ್ ಪಾಡ್ಯೆರೆ ಇಂಚಿತ್ತಿ ಕೆಲಸೊಗು ಕೊಡ್ಪಾನೊ ಬೋಡು. ಸುತ್ತ ಉರುಂಟಾದ್ ಇತ್ತದ್, ಒಂಜಿ ಮರ್ಗಿಲ್ಡ್ ಬಾಯಿ ಉಪ್ಪುಂಡ್. ಕೊಡಪಾನೊನು ಎದುರು ದೀಡೊಂದು ಇಂಚಿಪ ಒಂಜಿ ಮಲ್ಲ ಚಳುವಳಿಲಾ ಆಂಡ್.

ಕೊಡಪಾನೊದ ರೇಕಾಚಿತ್ರೊ

ಬಗೆಕುಲು

ಚೆಂಬು

ಬಣ್ಣೊ ಬರೆಯಿನ ಕರ

ಎಲ್ಯ ಆದಿತ್ತ್ಂಡ್ ಚೊಂಬು ಪನ್ಪೆರ್, ಮಲ್ಲ ಆಂಡ ಕೊಡ್ಪಾನೊ ಪನ್ಪೆರ್.

ಕುದ್ಪೆ

ಮಣ್ಣ್ಡ್ ಮಲ್ತ್‌ನ ಚೆಂಬುದಂಚಿತ್ತಿನ ಪಾತ್ರೊ. ಕಲಿ ಪರ್ಪುನಕ್ಲ್ ಕುದ್ಪೆನ್ ಉಪಯೋಗ ಮಲ್ಪುವೆರ್. ಇಂದೆತ ಬಾಯಿ ಎಲ್ಯೆ.

ಕುಜಿಲಿ

ಕುಜಿಲಿನ್ ಮಣ್ಣ್‌ಡ್ ಮಲ್ಪುವೆರ್. ಮೂರ್ತೆದಕುಲು ತಾರಿಡ್ ಕಲಿ ಬೂರೂನ ಕೊಂಬುಗು ಮಣ್ಣ್‌ದ ಕುಜಿಲ್‍ನ ಕಟ್ಟುನೆ ಕ್ರಮೊ. ಉಂದು ಕಡ್ಯಡ್ದ್ ಒಂತೆ ಎಲ್ಯೆ. ಬಾಯಿ ಮಲ್ಲೆ.

ಮಣ್ಣ್‌ದ ಕಡ್ಯೊ

ನಾಲ್ ಕೈತ ಮಣ್ಣ್‌ದ ಕೊಡ್ಪಾನೊ

ದುಂಬುದ ಕಾಲೊಡು ಮಣ್ಣ್‌ದ್ ಕಡ್ಯ ಇತ್ತ್ಂಡ್. ಕಡ್ಯೊನೆ ಕೊಡ. ಕಡ್ಯ ಪಂಡ ಒಂಜಿ ಊರುದ ಪುದರ್‍ಲಾ ಆಪುಂಡು.

ತಾಮ್ರೊದ ಕೊಡ್ಪಾನೊ

ತಾಮ್ರೊ ಒಂಜಿ ಲೋಹೊ. ಒಂಜಿ ಕಾಲೊಡು ತಾಮ್ರೊದ ಕೊಡ್ಪಾನೊಲು ಇತ್ತ್ಂಡ್. ಮಣ್ಣ್‌ದ ಕಡ್ಯನ್ ಬಡವೆರ್ ಪತ್ಯೆರ್ಂಡ ಮಲ್ಲಕ್ಲೆ ಇಲ್ಲಡೆಡ್ ತಾಮ್ರೊದ ಕೊಡ್ಪಾನೊ, ತಾಮ್ರೊದ ಮಂಡೆ ಇಪ್ಪೆದ್ಂಡ್.

ಚೊಂಬು/ಪಿತ್ತಾಲೆದ ಕೊಡ್ಪಾನೊ

ಆಫ್ರಿಕದ ಕೇಂದ್ರ ರಾಯಲ್ ಮ್ಯೂಸಿಯಂಡ್ ಇಪ್ಪುನ ನೀರ್‍ದ ಕರ

ಚೆಂಬು ಅತ್ತಂಡ ಪಿತ್ತಾಲೆ ರಡ್ಡಲ ಒಂಜೆ. ದುಂಬುದ ಕಾಲೊಡು ಬ್ರಾನೆರೆ ಇಲ್ಲಡೆಡ್, ಮಲ್ಲಕ್ಲೆ ಇಲ್ಲಡೆಡ್ ಇಂಚಿತ್ತಿ ಕೊಡ್ಪಾನೊ ಇಪ್ಪೆದ್ಂಡ್. ದೇವೆರೆ ಬೇಲೆಗ್ ಇನಿಕ್ಕ್‌ಲಾ ಇಂಚಿತ್ತಿ ಕೊಡ್ಪಾನೊಡು ನೀರ್ ಕೊಂಡರ್ಪೆರ್.

ಎಲ್ಮೀನ್‍ದ ಕೊಡ್ಪಾನೊ

ಕಾಲೊ ಬದಲಾಯಿನಂಚನೆ ಪೊಸತ್ತ್ ಕೊಡ್ಪಾನುಲು ಪರಿಚಯೊ ಆಂಡ್. ಅಯಿಟ್ಟ್ ಅಲ್ಯೂಮೀನಿಯಂ ಕೊಡ್ಪಾನೊಲಾ ಒಂಜಿ. ತುಳುತಕ್ಲು ಇಂದೆನ್ ಎಲ್ಮೀನ್‌ಂದ್ ಪನ್ಪೆರ್.

ಪ್ಲಾಸ್ಟಿಕ್‍ದ ಕೊಡ್ಪಾನೊ

ಇಂಚಿಪದ ಕಾಲೊಡು ಪ್ಲಾಸ್ಟಿಕ್, ಫೈಬರ್‍ದ ಕೊಡ್ಪಾನುಲು ಮಾರ್ಕೆಟ್‍ಗ್ ಬತ್ತ್‌ಂಡ್.