ಚಟ್ಟಂಬಡೆ

ಚಟ್ಟಂಬಡೆ ಪನ್ಪಿನವು ತರೊ ತರೊತ್ತ‌ ಬೇಳೆದ ಮಿಶ್ರಣ ಗಲಸ್ ದ್ ತಯಾರ್ ಮಲ್ಪಿನ ಒಂಜಿ ಬಗೆತ್ತ ಚಾತ್ತ ಬಾಯಿಗ್ ತಿನ್ಪಿನ ತಿಂಡಿ. ಆಕಾರೊಡು ಚಟ್ಟೆ ಆಯ್ನರ್ದಾವರ ಉಂದೆಕ್ಕ್ ಚಟ್ಟಂಬಡೆ ಪಂದ್ ಪುದರ್ ಬೈದ್ಂಡ್. ಉಂದು ನಮ್ಮ ಕರಾವಳಿ ಪ್ರದೇಸೊಡು ತಿನರೆ ತಿಕ್ಕುಂಡು. ಕುಡ್ಲ ,ಉಡುಪಿದ ಅಂಗಡಿಲೆಡ್ ಉಂದೆನ್ ತಯಾರ್ ಮಲ್ತ್ ದ್ ಭರಣಿಡ್ ಪಾರ್ದ್ ದೀದಿಪ್ಪುವೆರ್. ೪-೫ ದಿನೊ ಮುಟ್ಟ ಉಂದು ಹಾಲಾಪುಜಿ.

ಚಟ್ಟಂಬಡೆ

ಚಟ್ಟಂಬಡೆ
ಬೇತೆ ಪುದರ್	ಮಸಾಲ ವಡೆ
ಬಗೆ	ಎಣ್ಣೆಡ್ ಕೈತಿದಿನ ತೆನಸ್
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ, ಉಡುಪಿ
Serving temperature	ಬೆಚ್ಚ
ಬೊಡಾಯಿನ ಸಾಮಾನ್	ತೊಗರಿ ಸಲಾಯಿ, ಕಡ್ಲೆ ಸಲಾಯಿ, ಉರ್ದು
Media: ಚಟ್ಟಂಬಡೆ

ಚಟ್ಟಂಬಡೆ ಪುದರ್ ಬರಿಯರೆ ಕಾರಣೊ

ಚಟ್ಟಂಬಡೆ ಮಲ್ಪುನಗ ಕಡ್ಲೆಸಲಾಯಿ, ಉರ್ದು, ತೊಗರಿಸಲಾಯಿ ಅಂಚನೆ ಒಗ್ಗರಣೆದ ಮಿಶ್ರಣನ್ ಉಂಡೆ ಆಕಾರೊಗ್ ಕನತ್‍ದ್ ಅಂಗೈಟ್ ತಟ್ಟ್ಂಡ ಅವೆಕ್ಕ್ ಚಟ್ಟೆ ಆಕಾರ ಬರ್ಪುಂಡು. ಅಂಚಾದ್ ಚಟ್ಟೆ ಇತ್ತಿನೈರ್ದಾವರ ಅವೆಕ್ಕ್ ಚಟ್ಟಂಬಡೆ ಪಂಡ್‍ದ್ ಪುದರ್ ಬತ್ತ್ಂಡ್. ಮುಲ್ಪ ಚಟ್ಟೆ ಪಂಡ ಆಕಾರೊಗು , ಅಂಬಡೆ ಪಂಡ್ಂಡ ಮಲ್ತಿನ ಮಿಶ್ರಣಗ್ ಪನ್ಪೆರ್(ಚಟ್ಟೆ+ಅಂಬಡೆ=ಚಟ್ಟಂಬಡೆ).

ಬೋಡಾಯಿನ ಸಾಮಾನುಲು

• ತೊಗರಿ ಸಲಾಯಿ - ಅರ್ದ ಕಪ್.
• ಕಡ್ಲೆ ಸಲಾಯಿ - ಅರ್ದ ಕಪ್.
• ಉರ್ದು - ಅರ್ದ ಕಪ್.
• ಕಾಯ್ಮುಂಚಿ - ೩.
• ಶುಂಠಿ ಎಲ್ಯ ತುಂಡು.
• ಬೇವಿರೆ.
• ಸಂಬರ - ಅರ್ದ ಕಪ್.
• ಕೆಂಪುಮುಂಚಿ - ೩
• ಕೊತ್ತಂಬರಿ ತಪ್ಪು.
• ಗೋಂಟು ತಾರಾಯಿ/ತಾರಾಯಿ(ಸನ್ನ ಮೂರ್ದಿನ/ಪೆರೆದಿನ)- ಅರ್ದ ಕಪ್.

ಮಲ್ಪುನ ವಿದಾನೊ

ಮಾತ ಬೇಳೆನ್ಲಾ ಅರ್ದ ಗಂಟೆ ಬೊದುಲ್ಪಾಯ್ ಬೊಕ್ಕ ಬೊದುಲ್ಪಾದಿನ ಬೇಳೆ, ಕೆಂಪು ಮುಂಚಿ, ತಾರಾಯಿ, ಉಪ್ಪು ಪಾರ್ದ್ ಚೂರು ನೀರ್ ಪಾರ್ದ್ ಹದ ಕಡೆವೊಡು. ಕಡೆಯಿನ ಮಿಶ್ರಣನ್ ಚಟ್ನಿದಲೆಕ ಮಲ್ಪಂದೆ ತುಂಡು ತುಂಡು ಇಪ್ಪೊಡು. ಅವೆಕ್ಕ್ ಕೀಸ್ದಿನ ಶುಂಠಿ, ಸನ್ನ ಮೂರ್ದಿನ ಮುಂಚಿ, ಬೇವಿರೆ , ಕೊತ್ತಂಬರಿ ತಪ್ಪು ಪಾರ್ದ್ ಕಲತ್ತ್ ದ್ ದೀವೊಡು. ಬೊಕ್ಕ ಅವೆನ್ ವಡೆತ್ತ ಆಕಾರೊಡು ಕೈಟ್ ತಟ್ಟ್ ದ್ ಎಣ್ಣೆಡ್ ಕೈಪೊಡು .

ಬೇತೆ ಬಾಸೆಡ್ ಚಟ್ಟಂಬಡೆ

• ಕನ್ನಡ - ಮಸಾಲ ವಡೆ.
• ಹಿಂದಿ - ಚನಾ ದಾಲ್ ವಡ.
• ಇಂಗ್ಲಿಷ್ - ಚನಾ ದಾಲ್ ವಡ.