ಜಾಲಾಟೊ

ಬೂತಾರಾದನೆದ ಒಂಜಿ ಪ್ರಬೇದೊ ದೇಯಿನಲಿಕೆ-ಜಾಲಾಟೊ. ಮೂಜಿ, ಐನ್, ಏಳ್, ಒರುಂಬೊ ದಿನೊ ಮುಟ್ಟೊ ನಡಪುನ ಒಂಜಿ ಜನಪದ ನಲಿಕೆ ಮೇಲೊನೇ ದೇಯಿ ನಲಿಕೆ. ಇಂದೆನ್ ಜಾಲಾಟೊಂದ್ ಪನ್ಪೆರ್.

ನಡಪುನ

ಕರ್ನಾಟಕೊ ರಾಜ್ಯೊದ ಉಡುಪಿ ಜಿಲ್ಲೆದ ಕಾರ್ಕಳ ತಾಲೂಕುಡು ಇಂದೆನ್ ದೇಯಿ ನಲಿಕೆ ಪಂಡ್‌ದ್ ಲೆಪ್ಪುವೆರ್. ಕರ್ನಾಟಕೊ ರಾಜ್ಯೊದ ದಕ್ಷಿಣ ಕನ್ನಡ ಜಿಲ್ಲೆದ ಬೆಳ್ತಂಗಡಿ, ಸುಳ್ಯೊ ತಾಲುಕುಲೆಡ್ ಇಂದೆನ್ ಜಾಲಾಟೊ ಪನ್ಪೆರ್. ಮಸ್ತ್ ವರ್ಸೊಗೊರೊ ಒಂಜಿ ರಡ್ಡ್ ಕಡೆಟ್ ನಡಪುನ ಈ ಉಚ್ಚಯೊ ಕಾರ್ಕಳ ತಾಲೋಕುದ ಬಜಗೋಳಿದ ಹೊನ್ನೊಟ್ಟು ಗುತ್ತುದ ಇಲ್ದಡೆಡ್ ಅಂಚನೆ ಸುಳ್ಯೊದ ದೇಂಗೋಡಿ (ಕಾರ್ಯತೋಡಿ ಜಾಲಾಟ) ನಡುಮುಟ್ಲು ನಡುಮಂಟಮೆ ತಲ್ಪ ನಡಪುಂಡು.

ನಮೂನೆ

ದಕ್ಷಿಣಕನ್ನಡೊ ಜಿಲ್ಲೆದ ಸುಳ್ಯೊ, ಬೆಳ್ತಂಗಡಿ ತಾಲೋಕುಲೆಡ್ ತೋಜಿದ್ ಬರ್ಪುನ ಜಾಲಾಟೊ ಭೂತಾರಾಧನೆದ ಒಂಜಿ ಪ್ರಭೇದೊ.

ರೂಪೊ

• ಜಾಲಾಟೊ ಒಂಜಿ ಅರ್ತೊಡು ಆಟೊದ ಲೆಕೊ. ಜಾಲಾಟೊಡು ಗೀತೊ-ಸಂಗೀತೊ-ಸಂಭಾಷನೆ-ಅಭಿನಯೊ-ನಲಿಕೆ-ವಾದ್ಯೊಮೇಲೊ ಪೂರ ಉಂಡು.
• ಜಾಲಾಟೊಡು ಕನಡೆ, ಕರ್ಬೊದ ಬೇಲೆದ ಆಚಾರಿ, ಮಂತ್ರೊದಿ, ಬೆರನೆ, ಆಚಾರಿ, ಮಡ್ಯೊಲೆ, ಚೌರಿಂಗೆ, ಪರವೆ, ಪರತಿ, ಮೇರೆರೆ ನಲಿಕೆಲು ಬರ್ಪುಂಡು.
• ಮಾದಿರ ನಲಿಕೆ, ಕೃಷಿ, ಬೋಂಟೆದ ಅನುಕರಣೆ, ಮನ್ಸೆರೆ ಕೋಲೊಗ್ಲೆನ ನಾಟಕೊ ಬರ್ಪುಂಡು.