ಜೀಗುಜ್ಜೆದ ಹಪ್ಪಳ
ಜೀಗುಜ್ಜೆ ಒಂಜಿ ತರಕಾರಿ ಅಂಚನೆ ಹಪ್ಪಳ ಮಲ್ಪೆರೆ ಗಲಸುನ ಮರಟ್ಟ್ ಬುಲೆಪುನ ಒಂಜಿ ಕಾಯಿ. ಉಂದೆಕ್ ಕನ್ನಡೊಡು ದಿವಿಹಲಸು ಪಂದ್ ಪನ್ಪೆರ್. ೧೮ನೇ ಶತಮಾನೊಡು ಲೆಫ್ಟಿನೆಂಟ್ ವಿಲಿಯಮ್ ಬ್ಲೀಗ್ ಪನ್ಪುನಾಯೆ ಜೀಗುಜ್ಜೆನ್ ಮಾತಾ ಜಾಗೆಗ್‌ಲಾ ಪರಿಚಯ ಮಲ್ತೆ. ಕರ್ನಾಟಕೊಡು ಕರಾವಳಿ ಅಂಚೆನೆ ಮಲೆನಾಡು ಪ್ರದೇಸೊಡು ಎಚ್ಚಾದ್ ತೋಟೊಡು ಜೀಗುಜ್ಜೆನ್ ಬುಳೆಪಾವೆರ್.
| ಜೀಗುಜ್ಜೆ | |
|---|---|
| |
| ಹವಾಯಿ ದ್ವೀಪೊಡು ಬುಲೆವುನ ಜೀಗುಜ್ಜೆ | |
| Scientific classification | |
| Kingdom: | plantae
|
| Class: | ಮ್ಯಾಗ್ನೋಲಿಯೋಪ್ಸಿಡ
|
| Order: | ರೋಸೆಲ್ಸ್
|
| Family: | ಮೊರಸಿ
|
| Genus: | ಆರ್ಟೋಕಾರ್ಪಸ್
|
| Species: | A. altilis
|
| Binomial name | |
| ಆರ್ಟೋಕಾರ್ಪಸ್ ಅಲ್ಟಿಲಿಸ್ (Artocarpus altilis) | |
ಮೂಲೊ
ಸಂಪೊಲಿಪುಲೆವೈಜ್ಞಾನಿಕ ಪುದರ್
ಸಂಪೊಲಿಪುಲೆಉಂದು ಮೊರಸಿ ಕುಟುಮೊಗು ಸೇರ್ದ್, ಅರ್ಟೋಕಾರ್ಪಸ್ ಇನ್ಸಿಸ (Artocarpus incisa)(Artocarpus altilis) ಪನ್ಪಿನವು ಉಂದೆತ ವೈಜ್ಞಾನಿಕ ಪುದರ್. ಇಂಗ್ಲಿಷ್‌ಡ್ ಬ್ರೆಡ್ ಫ್ರುಟ್ (Bread Fruit) ಪಂದ್ ಪನ್ಪೆರ್.
ಗಲಸುನೆ
ಸಂಪೊಲಿಪುಲೆಜೀಗುಜ್ಜೆ ಅತ್ತ್ಂಡ ದೀಗುಜ್ಜೆ ಉಂದೆನ್ ಕಜಿಪು, ಉಪ್ಪುಕರಿ, ಕಡ್ಲೆ ಜೀಗುಜ್ಜೆ, ಪೋಡಿ, ಹಪ್ಪಲ - ಮಲ್ಪೆರೆ ಗಲಸುವೆರ್.[೧]
ದೀಗುಜ್ಜೆದ ಹಪ್ಪಲೊ
ಸಂಪೊಲಿಪುಲೆದೀಗುಜ್ಜೆಡ್ ಮಲ್ಪುನ ಹಪ್ಪಳೊಗು ದೀಗುಜ್ಜೆದ ಹಪ್ಪಳ ಪನ್ಪೆರ್. ಉಂದೆನ್ ಮಲ್ಪೆರೆ ದೀಗುಜ್ಜೆ ಬೋಡಾಪುಂಡು. ಅರೆಗಾಲೊದ ದೊಂಬುಗು ದೀಗುಜ್ಜೆದ ಹಪ್ಪಳ ಮಲ್ತ್ಂಡ ಮರಿಯಾಲೊಡ್ ಬರ್ಸ ಬನ್ನಗ ಆಟಿದ ತಿಂಗೊಲುಡು ಎಣ್ಣೆಡ್ ಕಾಯ್ತ್‌‍ದ್ ತಿನಿಯೆರೆಗ್ ಬಾರಿ ಎಡ್ದೆ ಆಪುಂಡು.
ಸುರುಕಾದ್ ದೀಗುಜ್ಜೆದ ಚೋಲಿ ದೆತ್ತ್‌ದ್ ಸಣ್ಣ ಮೂರ್ದ್ ಬೇಯ್ಪಾವೊಡು. ಬೇಯ್ದಿನ ದೀಗುಜ್ಜೆನ್ ೨-೪ ಮುಂಚಿ, ಜೀರಿಗೆ, ಉಪ್ಪುಲಾ ಪಾಡ್ದ್ ಕಡೆವೊಡು. ಕಡೆದ್ ಆಯಿ ಬೊಕ್ಕ ಎಲ್ಯ ಎಲ್ಯ ಉಂಡೆ ಮಲ್ಪೊಡು. ಉಂಡೆ ಮಲ್ಪುನಗ ಒಂತೆ ಎಣ್ಣೆದ ಪಸೆ ಕೈಕ್ ಪಾಡೊಡು. ಈ ಉಂಡೆನ್ ಹಪ್ಪಳೊದ ಮಣೆಟ್ಟ್ ದೀದ್ ಒತ್ತ್‌ದ್ ಪಜೆ ಇಜ್ಜಂಡ ಮುಡೆದಿನ ಮಡಲ್ಡ್ ದೊಂಬುಗು ನುಂಗೆರೆ ಪಾಡೊಡು. ಸುರುತ ದಿನ ದೊಂಬುಡು ನುಂಗಿನ ಹಪ್ಪಳೊನು ತಿರಗಾದ್ ಪಾಡ್ದ್ ನುಂಗಾವೊಡು. ತಯಾರಾಯಿನ ಹಪ್ಪಳೊನು ನಾಲ್ ಇಜ್ಜಂಡ ಐನ್ ದಿನ ದೊಂಬುಡು ಪಾಡ್ದ್ ನುಂಗಾವೊಡು. ಇಂಚ ತಯಾರಾಯಿನ ಹಪ್ಪಳೊನು ನೀರ್‌ದ ಪಸೆ ದಾಂತಿನ ಚೀಲೊಡು ಪಾಡ್ದ್ ದೀವೊಡ್.