ಹಪ್ಪಳ
ಹಪ್ಪಳ ಪಂಡ ತೆನಸ್ಸ್.ಹಪ್ಪಳ ಮಲ್ಪುನಗ ವಾ ವಸ್ತ್‌ನ್ ಗಳಸ್‌ದ್ ಮಲ್ಪುವೆರ್ ಅವೆಕ್ ಹೊಂದ್‌ದ್ ಅಯಿತ ಪುದರ್ ಪನ್ಪೆರ್ ,ಕೆರೆಂಗ್ಡ್ ಹಪ್ಪಳ ಮಲ್ತ್ಂಡ ಕೆರೆಂಗ್ದ ಹಪ್ಪಳ ಪನ್ಪೆರ್.ಪೆಲಕಾಯಿ ಗಳಸ್ಂಡ ಪೆಲಕಾಯಿದ ಹಪ್ಪಳ,ದೀಗುಜ್ಜೆ ಗಳಸ್ಂಡ್ ದೀಗುಜ್ಜೆದ ಹಪ್ಪಲೊ ಪನ್ಪೆರ್,ಅರಿನ್ ಗಳಸ್ಂಡ ಅರಿತ ಹಪ್ಪಳ,ಉರ್ದು ಗಳಸ್ಂಡ ಉರ್ದುದ ಹಪ್ಪಳ ಪನ್ಪೆರ್.ಇಂಚ ಬೇತೆ ಬೇತೆ ಹಪ್ಪಳ ಮಲ್ಪೆರೆ ಆಪುಂಡು
ದೀಗುಜ್ಜೆದ ಹಪ್ಪಲೊ
ಸಂಪೊಲಿಪುಲೆದೀಗುಜ್ಜೆನ್ ಒಂಜಿ ತರಕಾರಿಯಾದ್‌ಲ ಗಳಸುವೆರ್ ಅಂಚನೆ ಹಪ್ಪಳ ಮಲ್ಪೆರೆಲ ಆಪುಂಡು.[೧] ದೀಗುಜ್ಜೆಡ್ ಮಲ್ಪುನ ಹಪ್ಪಳೊಗು ದೀಗುಜ್ಜೆದ ಹಪ್ಪಳ ಪನ್ಪೆರ್. ಉಂದೆನ್ ಮಲ್ಪೆರೆ ದೀಗುಜ್ಜೆ ಬೋಡಾಪುಂಡು. ಅರೆಗಾಲೊದ ದೊಂಬುಗು ದೀಗುಜ್ಜೆದ ಹಪ್ಪಳ ಮಲ್ತ್ಂಡ ಮರಿಯಾಲೊಡ್ ಬರ್ಸ ಬನ್ನಗ ಆಟಿದ ತಿಂಗೊಲುಡು ಎಣ್ಣೆಡ್ ಕಾಯ್ತ್ದ್ ತಿನಿಯೆರೆಗ್ ಬಾರಿ ಎಡ್ದೆ ಆಪುಂಡು.
ಸುರುಕಾದ್ ದೀಗುಜ್ಜೆದ ಚೋಲಿ ದೆತ್ತ್‌ದ್ ಸಣ್ಣ ಮೂರ್ದ್ ಬೇಯ್ಪಾವೊಡು. ಬೇಯ್ದಿನ ದೀಗುಜ್ಜೆನ್ ೨-೪ ಮುಂಚಿ, ಜೀರಿಗೆ, ಉಪ್ಪುಲಾ ಪಾಡ್ದ್ ಕಡೆವೊಡು. ಕಡೆದ್ ಆಯಿ ಬೊಕ್ಕ ಎಲ್ಯ ಎಲ್ಯ ಉಂಡೆ ಮಲ್ಪೊಡು. ಉಂಡೆ ಮಲ್ಪುನಗ ಒಂತೆ ಎಣ್ಣೆದ ಪಸೆ ಕೈಕ್ ಪಾಡೊಡು. ಈ ಉಂಡೆನ್ ಹಪ್ಪಳೊದ ಮಣೆಟ್ಟ್ ದೀದ್ ಒತ್ತ್‌ದ್ ಪಜೆ ಇಜ್ಜಂಡ ಮುಡೆದಿನ ಮಡಲ್ಡ್ ದೊಂಬುಗು ನುಂಗೆರೆ ಪಾಡೊಡು. ಸುರುತ ದಿನ ದೊಂಬುಡು ನುಂಗಿನ ಹಪ್ಪಳೊನು ತಿರಗಾದ್ ಪಾಡ್ದ್ ನುಂಗಾವೊಡು. ತಯಾರಾಯಿನ ಹಪ್ಪಳೊನು ನಾಲ್ ಇಜ್ಜಂಡ ಐನ್ ದಿನ ದೊಂಬುಡು ಪಾಡ್ದ್ ನುಂಗಾವೊಡು. ಇಂಚ ತಯಾರಾಯಿನ ಹಪ್ಪಳೊನು ನೀರ್‌ದ ಪಸೆ ದಾಂತಿನ ಚೀಲೊಡು ಪಾಡ್ದ್ ದೀವೊಡ್.
ಪೆಲಕಾಯಿದ ಹಪ್ಪಲೊ
ಸಂಪೊಲಿಪುಲೆ
ಪೆಲಕಾಯಿದ ಪಚ್ಚಿಲ್‍ಡ್ ಮಲ್ಪುನ ಹಪ್ಪಲೊಗು ಪೆಲಕಾಯಿದ ಹಪ್ಪಳ ಪನ್ಪೆರ್. ಉಂದೆಕ್ ಸಾಧಾರಣ ಬುಳೆದಿನ ಪೆಲಕಾಯಿ ಬೋಡಾಪುಂಡು. ಅರೆಗಾಲೊದ ದೊಂಬುಗು ಪೆಲಕಾಯಿದ ಹಪ್ಪಳ ಮಲ್ತ್ಂಡ ಮರಿಯಾಲೊಡ್ ಬರ್ಸ ಬನ್ನಗ ಎಣ್ಣೆಡ್ ಕಾಯ್ತ್ದ್/ಸೂಟು ಪಾಡ್ದ್ ತಿನೆರೆಗ್ ಬಾರಿ ಎಡ್ದೆ ಆಪುಂಡು. ಬೊಕ್ಕಲಾ ರುಚಿ ಆವೊಡುದಾಂಡ ತಾರಾಯಿದ ತುಂಡು/ಪೂಲುನು ಅಪ್ಪಲದೊಟ್ಟುಗು ಗಲಸೊನೊಲಿ. ಸುರುಕಾದ್ ಪೆಲಕಾಯಿದ ಪಚ್ಚಿಲೆನ್ ರೆಚ್ಚೆಡ್ದ್ ಬೇತೆ ಮಲ್ತ್‌ದ್ ಬೇಯ್ಪಾವೊಡು. ಬೊಕ್ಕ ಅಯಿನ್ ೨-೪ ಮುಂಚಿ, ಜೀರಿಗೆ, ಎಣ್ಮೆ ಬೊಕ್ಕ ಉಪ್ಪುಲಾ ಪಾಡ್ದ್ ಕಡೆವೊಡು. ದುಂಬುದ ಕಾಲೊಡು ಕಡೆಪುನ ಬದಲ್ ಉಜ್ಜೇರ್ ಡ್ ಎಡ್ತೊಂದಿತ್ತೆರ್. ಕಡೆದ್ ಆಯಿ ಬೊಕ್ಕ ಎಲ್ಯ ಎಲ್ಯ ಉಂಡೆ ಪಲ್ಪೊಡು. ಉಂಡೆ ಮಲ್ಪುನಗ ಒಂತೆ ಎಣ್ಣೆದ ಪಸೆ ಪಾಡೊಡು. ಈ ಉಂಡೆನ್ ಹಪ್ಪಳೊದ ಲೆಕ್ಕೊ ಒತ್ತೊದ್ ಪಜೆ ಇಜ್ಜಂಡ ಮುಡೆದಿನ ಮಡಲ್ಡ್ ದೊಂಬುಗು ನುಂಗೆರೆ ಪಾಡೊಡು. ಸುರುತ ದಿನ ದೊಂಬುಡು ನುಂಗಿನ ಹಪ್ಪಳೊನು ತಿರ್ಗಾದ್ ಪಾಡ್ದ್ ನುಂಗಾವೊಡು. ತಯಾರಾಯಿನ ಹಪ್ಪಳೊನು ರಡ್ದೆಡ್ದ್ ನಾಲ್ ದಿನ ದೊಂಬುಡು ಪಾಡ್ದ್ ನುಂಗಾವೊಡು. ಇಂಚ ತಯಾರಾಯಿನ ಹಪ್ಪಳೊನು ನೀರ್‌ದ ಪಸೆ ದಾಂತಿನ ಚೀಲೊಡು ಪಾಡ್ದ್ .
ಮರ ಕೆರೆಂಗ್ದ ಹಪ್ಪಲೊ
ಸಂಪೊಲಿಪುಲೆಮರ ಕೆರೆಂಗ್ಡ್ ಮಲ್ಪುನ ಹಪ್ಪಳೊಗು ಮರ ಕೆರೆಂಗ್ದ ಹಪ್ಪಳ ಪನ್ಪೆರ್. ಉಂದೆನ್ ಮಲ್ಪೆರೆ ಮರ ಕೆರೆಂಗ್ ಬೋಡಾಪುಂಡು. ಅರೆಗಾಲೊದ ದೊಂಬುಗು ಮರ ಕೆರೆಂಗ್ದ ಹಪ್ಪಳ ಮಲ್ತ್ಂಡ ಮರಿಯಾಲೊಡ್ ಬರ್ಸ ಬನ್ನಗ ಎಣ್ಣೆಡ್ ಕಾಯ್ತ್ದ್ ತಿನಿಯೆರೆಗ್ ಬಾರಿ ಎಡ್ದೆ ಆಪುಂಡು.
ಸುರುಕಾದ್ ಮರ ಕೆರೆಂಗ್ದ ಕಂಡೆನ್ ದೆಕ್ಕ್‌ದ್ ಬೇಯ್ಪಾವೊಡು. ಬೇಯ್ದಿನ ಮರ ಕೆರೆಂಗ್ನ್ ೨-೪ ಮುಂಚಿ, ಜೀರಿಗೆ, ಉಪ್ಪುಲಾ ಪಾಡ್ದ್ ಕಡೆವೊಡು. ಕಡೆದ್ ಆಯಿ ಬೊಕ್ಕ ಎಲ್ಯ ಎಲ್ಯ ಉಂಡೆ ಮಲ್ಪೊಡು. ಉಂಡೆ ಮಲ್ಪುನಗ ಒಂತೆ ಎಣ್ಣೆದ ಪಸೆ ಪಾಡೊಡು. ಈ ಉಂಡೆನ್ ಹಪ್ಪಳೊದ ಮಣೆಟ್ಟ್ ದೀದ್ ಒತ್ತ್‌ದ್ ಪಜೆ ಇಜ್ಜಂಡ ಮುಡೆದಿನ ಮಡಲ್ಡ್ ದೊಂಬುಗು ನುಂಗೆರೆ ಪಾಡೊಡು. ಸುರುತ ದಿನ ದೊಂಬುಡು ನುಂಗಿನ ಹಪ್ಪಳೊನು ತಿರಗಾದ್ ಪಾಡ್ದ್ ನುಂಗಾವೊಡು. ತಯಾರಾಯಿನ ಹಪ್ಪಳೊನು ನಾಲ್ ಇಜ್ಜಂಡ ಐನ್ ದಿನ ದೊಂಬುಡು ಪಾಡ್ದ್ ನುಂಗಾವೊಡು. ಇಂಚ ತಯಾರಾಯಿನ ಹಪ್ಪಳೊನು ನೀರ್‌ದ ಪಸೆ ದಾಂತಿನ ಚೀಲೊಡು ಪಾಡ್ದ್ ದೀವೊಡ್.
ಕೆರೆಂಗ್ದ ಹಪ್ಪಲೊ
ಸಂಪೊಲಿಪುಲೆ
ಕೆರೆಂಗ್ಡ್ ಮಲ್ಪುನ ಹಪ್ಪಳೊಗು ಕೆರೆಂಗ್ದ ಹಪ್ಪಳ ಪನ್ಪೆರ್. ಉಂದೆಕ್ ಮಲ್ಪೆರೆ ಕೆರೆಂಗ್ ಬೋಡಾಪುಂಡು. ಅರೆಗಾಲೊದ ದೊಂಬುಗು ಕೆರೆಂಗ್ದ ಹಪ್ಪಳ ಮಲ್ತ್ಂಡ ಮರಿಯಾಲೊಡ್ ಬರ್ಸ ಬನ್ನಗ ಎಣ್ಣೆಡ್ ಕಾಯ್ತ್ದ್ ತಿನೆರೆಗ್ ಬಾರಿ ಎಡ್ದೆ ಆಪುಂಡು. ಸುರುಕಾದ್ ಕೆರೆಂಗ್ದ ಕಂಡೆನ್ ಸರಿ ದೆಕ್ಕ್‌ದ್ ಬೇಯ್ಪಾವೊಡು. ಬೇಯ್ದಿನ ಕೆರೆಂಗ್ನ್ ೨-೪ ಮುಂಚಿಲಾ, ಉಪ್ಪುಲಾ ಪಾಡ್ದ್ ಕಡೆವೊಡು. ಕಡೆದ್ ಆಯಿ ಬೊಕ್ಕ ಎಲ್ಯ ಎಲ್ಯ ಉಂಡೆ ಮಲ್ಪೊಡು. ಉಂಡೆ ಮಲ್ಪುನಗ ಒಂತೆ ಎಣ್ಣೆದ ಪಸೆ ಪಾಡೊಡು. ಅಪಗನೇ ಜೀರಿಗೆ ಅತ್ತ್ಂಡ ಎಣ್ಮೆನ್ ಪಾಡೊಡು. ಈ ಉಂಡೆನ್ ಹಪ್ಪಳೊದ ಮಣೆಟ್ ದೀದ್ ಒತ್ತ್‌ದ್ ಪಜೆ ಇಜ್ಜಂಡ ಮುಡೆದಿನ ಮಡಲ್ಡ್ ದೊಂಬುಗು ನುಂಗೆರೆ ಪಾಡೊಡು. ಸುರುತ ದಿನ ದೊಂಬುಡು ನುಂಗಿನ ಹಪ್ಪಳೊನು ತಿರಗಾದ್ ಪಾಡ್ದ್ ನುಂಗಾವೊಡು. ತಯಾರಾಯಿನ ಹಪ್ಪಳೊನು ನಾಲ್ ಇಜ್ಜಂಡ ಐನ್ ದಿನ ದೊಂಬುಡು ಪಾಡ್ದ್ ನುಂಗಾವೊಡು. ಇಂಚ ತಯಾರಾಯಿನ ಹಪ್ಪಳೊನು ನೀರ್‌ದ ಪಸೆ ದಾಂತಿನ ಚೀಲೊಡು ಪಾಡ್ದ್ ದೀವೊಡ್.