ತೇರ್ ಪೂ

ತೇರ್ ಪೂ ಉಂದೆನ್ ಸಾಮಾನ್ಯವಾದ್ ರಥಪುಷ್ಪ ಪಂದ್ ಲೆಪ್ಪುವೆರ್. ಉಂದು ಒಂಜಿ ಜಾತಿತ ಕಾಟ್ ಪೂ, ಅರ್ಧ ಇಂಚಿದಾತ್ ಗಾತ್ರದ ಎಲ್ಯ ಎಲ್ಯ ಪೂಕುಲೆನ ಗೊಂಚಲು ಸೇರ್ದ್ ತೇರ್ (ರಥ/ರಥೊ)ತ ರೂಪೊಡು ತೋಜುಂಡು. ಮಲ್ಲ ಮಲ್ಲ ಇರೆಕುಲೆನ ಪುದೆಲ್ತ ರೂಪೊದ ಐನ್ ಆಜಿ ಅಡಿ ಎತ್ತರೊಗು ಬುಳೆಪಿನ ದಯಿ. ಇಂಗ್ಲೀಸ್ ಡ್ ಪಗೋಡಾ ಫ್ಲವರ್ pagoda flower, (Clerodendrum paniculatum), ಪನ್ಪೆರ್. ನೆನ್ ಹನುಮಾನ್‌ನ ಕೀರಿಟಂದ್‌ಲ ಪನ್ಪೆರ್, ವೈಜಾನಿಕ ಬಾಸೆಟ್ ಪೂ ಜಾತಿಗ್ ಸೇರ್ನ Clerodendrum ಗುರ್ತಿಸಬೆರ್. ನೆನ್ನ ಮೂಲ ಎಷ್ಯಾ ಬಾಗ, ಚೀನಾ, ಬಾಂಗ್ಲಾ ದೇಶ ಬಾಂಗ್ಲಾಡ್ ಮಸ್ತ್ ತೂಯರ ತಿಕುಂಡು, ಭಾರತೊಡು ಉಂಡು ಸಾಮಾನ್ಯವದ್ ತೂಯರೆ ತಿಕುಂಡು. ಕರಾವಳಿ ಕರ್ನಾಟಕ, ಪಶ್ಚಿಮ ಘ‍ಟ್ಟ ಡ್ ಸಾಮಾನ್ಯ. ಜುಲೈ - ಡಿಸೆಂಬರ್‌ಡ್ ಪೂ ಬುಡ್ಪುಂಡು. ಉಂದು ದ್ವಿದಳ ಸಸ್ಯ. ಈ ದಯಿ ಮರಿಯಾಲೊಡು ಮಾತ್ರ ಆಪುನವು. ಬರ್ಸ ಬನ್ನಗ ತೋಟ ಗುಡ್ಡೆಲೆಡ್ ದಯಿ ಬಳತ್‌ದ್ ಪೂ ಆದ್ ತೂಯೆರೆ ಬಾರೀ ಪೊರ್ಲು ತೋಜುಂಡು.

ತೇರ್ ಪೂ

ತೇರ್ ಪೂ

ಪುದರುಲು

• ತುಳು  :‍ ತೇರ್‌‍ ಪೂ; ರಥ ಪುಷ್ಪ; ರಥ ಪೂ.
• ಕನ್ನಡ  : ರಥ ಪುಷ್ಪ
• ತಮಿಳು  : ಕೃಷ್ಣ ಕಿರೀಟಂ
• ಹಿಂದಿ  : ಹನುಮಾನ್ ಕಿರೀಟಂ
• ಇಂಗ್ಲೀಷ್  : ಪಗೋಡಾ ಫ್ಲವರ್
• ಸಸ್ಯ ವಿಜ್ಞಾನದ ಪುದರ್:‍ ಕ್ಲೆರೊಡೆಂಡ್ರಂ ಪಾನಿಕುಲೆಟಂ; ಕ್ಲೆರೊಡೆಂಡ್ರಂ ಡೈವರ್ಸಿಫೋಲಿಯಂ; ವೋಲ್ಕಾಮೆರಿಯಾ ಡೈವರ್ಸಿಫೋಲಿಯಾ

ಗಳಸುನ

• ಅಲಂಕಾರಗ್ ಗಲಸುವೆರ್, 
• ಕರ್ನಾಟಕತ ಕರಾವಳಿಡ್ ಪರ್ಬೊತ ಸಮಾಯೊತ ಬಲಿಯೇಂದ್ರನ ಸಿಂಗಾರ ಮಾನ್ಪುನೆರ್ ಬಳಸುವೆರ್.
• ತರೆಕ್ ದೀಯಾರ ಪೊಂಜೊವುನಕುಲು ದೀಪೆರ್.
• ದೈವೊ, ದೇವೆರೆಗ್ ದಿಯಾರ.

ವಿಶೇಷತೆಲು

• ಕೊಂಕಣೆರ್ ಶ್ರಾವಣದ ಸಮಯೊಡು ಚೂಡಿ ಕಟ್ಟುನಾಗ ಈ ಪೂ ಒಂಜಿ ಪತಿವೃತೆ ಪೂ ಪಂಡ್‌ದ್ ಉಪಯೋಗ ಮಲ್ಪುವೆರ್.
• ಬಣ್ಣ ಬಣ್ಣದ ಪಾತೆಲು ಆಕರ್ಷಿತ ಆಪುಂಡು.
• ತೂಯೆರೆ ರಥತ್ತ ಲೆಕೊನೇ ತೋಜುಂಡು'
• ಕೆಂಪು ಬಣ್ಣೊಡು ಉಪ್ಪುನೆರ್ದ್ ಆಕರ್ಷನೆ ಜಾಸ್ತಿ ಕೆಲವು ಪೂಕುಲು ಬೊಲ್ದು ಬಣ್ಣದಲಾ ಉಂಡು ಅವು ಉಂದೆತ್ತಾತ್ ಆಕರ್ಷಣೆ ಇಜ್ಜಿ