ದ್ರೌಪದಿ ಮುರ್ಮು

ದ್ರೌಪದಿ ಮುರ್ಮು ಭಾರತೀಯ ರಾಜಕಾರಿಣಿ, ಮೆರ್ ಭಾರತದ ರಾಷ್ಟ್ರಪತಿಯಾದ್ ಆಯ್ಕೆ ಆತೆರ್. ಮೆರ್ ಭಾರತೀಯ ಜನತಾ ಪಕ್ಷದ (ಬಿಜೆಪಿ) ಸದಸ್ಯೆ ಆದಿತ್ತೆರ್.ಭಾರತದ ರಾಷ್ಟ್ರಪತಿಯಾದ್ ಆಯ್ಕೆ ಆಯಿನ ಸ್ಥಳೀಯ, ಪರಿಶಿಷ್ಟ ಬುಡಕಟ್ಟು ಸಮುದಾಯೊಗು ಸೇರಿನ ಸುರುತ ಪೊಂಜೊವು. ಮೆರ್ ಅಧ್ಯಕ್ಷೆ ಆಪಿನ ಸುರುಕು ೨೦೧೫ ಬೊಕ್ಕ ೨೦೨೧ನ ನಡುಟು ಜಾರ್ಖಂಡ್‌ದ ಒರ್ಂಭನೆ ರಾಜ್ಯಪಾಲರಾದ್ ಸೇವೆ ಮಲ್ತಿನಾರ್ ಅಂಚನೆ ೨೦೦೦ಡ್ದ್ ೨೦೦೪ದ ನಡುಟು ಒಡಿಶಾ ಸರ್ಕಾರದ ಕ್ಯಾಬಿನೆಟ್‌‌ಡ್ ಬೇತೆ ಬೇತೆ ಖಾತೆಲೆಡ್ ಇತ್ತಿನಾರ್. ರಾಜಕೀಯಗ್ ಪ್ರವೇಶ ಆಪಿನೆಗ್ ದುಂಬು ರಾಜ್ಯ ನೀರಾವರಿ ಬೊಕ್ಕ ವಿದ್ಯುತ್ ಇಲಾಖೆಡ್ ಕಿರಿಯ ಸಹಾಯಕಿಯಾದ್‌ಲ ಅವೆಡ್ದ್ ಬೊಕ್ಕ ರಾಯರಂಗಪುರದ ಶ್ರೀ ಅರಬಿಂದೋ ಸಮಗ್ರ ಶಿಕ್ಷಣ ಕೇಂದ್ರೊಡು ೧೯೯೭ ಮುಟ್ಟ ಶಿಕ್ಷಕಿಯಾಗಿ ಬೆಂದಿನಾರ್.

ದ್ರೌಪದಿ ಮುರ್ಮು
ಭಾರತದ ೧೫ನೇ ರಾಷ್ಟ್ರಪತಿ
ಹಾಲಿ
ಅಧಿಕಾರ ಸ್ವೀಕಾರ  ೨೫ನೇ ಜುಲೈ ೨೦೨೨
ಪ್ರಧಾನ ಮಂತ್ರಿ	ನರೇಂದ್ರ ಮೋದಿ
ಉಪ ರಾಷ್ಟ್ರಪತಿ	ಎಮ್. ವೆಂಕಯ್ಯ ನಾಯ್ಡು ಜಗದೀಪ್ ಧನ್‌ಕರ್
ಪೂರ್ವಾಧಿಕಾರಿ	ರಾಮನಾಥ ಕೋವಿಂದ್
ಝಾರ್ಖಂಡ್ ರಾಜ್ಯೊದ ೮ನೇ ರಾಜ್ಯಪಾಲೆ
ಅಧಿಕಾರ ಅವಧಿ ೧೮ನೇ ಮೇ ೨೦೧೫ – ೧೨ನೇ ಜುಲೈ ೨೦೨೧
ಮುಖ್ಯಮಂತ್ರಿ	ರಘುಬರ್ ದಾಸ್ ಹೇಮಂತ್ ಸೊರೆನ್
ಪೂರ್ವಾಧಿಕಾರಿ	ಸಯಿದ್ ಅಹ್ಮದ್
ಉತ್ತರಾಧಿಕಾರಿ	ರಮೇಶ್ ಭೈಸ್
Minister of State of Odisha ದ್ರೌಪದಿ ಮುರ್ಮು ಅಧಿಕಾರ ಅವಧಿ 6 August 2002 – 16 May 2004 Chief Minister Naveen Patnaik Ministry Fisheries and Animal Resources Development ಅಧಿಕಾರ ಅವಧಿ 6 March 2000 – 6 August 2002 Chief Minister Naveen Patnaik Ministry Commerce and Transport
Member of Odisha Legislative Assembly
ಅಧಿಕಾರ ಅವಧಿ 5 March 2000 – 21 May 2009
ಪೂರ್ವಾಧಿಕಾರಿ	Laxman Majhi
ಉತ್ತರಾಧಿಕಾರಿ	Shyam Charan Hansdah
ಮತಕ್ಷೇತ್ರ	Rairangpur
ವೈಯಕ್ತಿಕ ಮಾಹಿತಿ
ಜನನ	Durgi Biranchi Tudu (1958-06-20) 20 June 1958 Uparbeda, Mayurbhanj, Odisha, India
ರಾಜಕೀಯ ಪಕ್ಷ	Bharatiya Janata Party
ಸಂಗಾತಿ(ಲು)	Shyam Charan Murmu ​ (m. ೧೯೮೦)​
ಜೋಕುಲು	3
ವಾಸಸ್ತಾನೊ	Rashtrapati Bhavan, New Delhi
ಅಭ್ಯಸಿಸಿದ ವಿದ್ಯಾಪೀಠ	Utkal University (BA)
ವೃತ್ತಿ	Politician
ಉದ್ಯೋಗೊ	Teacher
ಸಹಿ
ಜಾಲತಾಣ	Official website

ಜೂನ್ ೨೦೨೨ ಡ್ ಬಿಜೆಪಿ ದ್ರೌಪದಿ ಮುರ್ಮು ಮೆರೆನ್ ೨೦೨೨ದ ಚುನಾವಣೆಗೆ ರಾಷ್ಟ್ರೀಯ ಪ್ರಜಾಸತ್ತಾತ್ಮಕ ಒಕ್ಕೂಟದ (NDA) ಅಧ್ಯಕ್ಷೀಯ ಅಭ್ಯರ್ಥಿಯಾದ್ ನಾಮನಿರ್ದೇಶನ ಮಲ್ತ್ಂಡ್. ಅವೆಡ್ದ್ ಬೊಕ್ಕ ಜುಲೈ ೨೦೨೨ ಡ್ ಅಧ್ಯಕ್ಷೆಯಾದ್ ಆಯ್ಕೆ ಆಯೆರ್, ದೇಶದ ಎಲ್ಯ ಪ್ರಾಯದ ಕಿರಿಯ ರಾಷ್ಟ್ರಪತಿ ಅಂಚನೆ ಭಾರತದ ಸ್ವಾತಂತ್ರ್ಯದ ಬೊಕ್ಕ ಪುಟ್ಟಿನ ಸುರುತ ರಾಷ್ಟ್ರಪತಿಯಾದುಲ್ಲೆರ್

ವೈಯಕ್ತಿಕ ಜೀವನ

ದ್ರೌಪದಿ ಮುರ್ಮು ಜೂನ್ 20, 1958 ಡ್ ಒಡಿಶಾದ ರೈರಂಗಪುರದ ಬೈದಪೋಸಿ ಪ್ರದೇಶೊಡು ಸಂತಾಲೆರೆ ಕುಟುಂಬೊಡು ಪುಟ್ಟಿಯೆರ್.ಆರೆನ ಅಮ್ಮೆರ್ ಬೊಕ್ಕ ಅಜ್ಜೆರ್ ಗ್ರಾಮ ಪರಿಷತ್ತ್‌ದ ಸಾಂಪ್ರದಾಯಿಕ ಮುಖ್ಯಸ್ಥರಾದಿತ್ತೆರ್. ಮುರ್ಮು ರಮಾದೇವಿ ಮಹಿಳಾ ಕಾಲೇಜ್‌ಡ್ ಕಲಾ ಪದವಿ ಪಡೆಯೆರ್.

ದ್ರೌಪದಿ ಮುರ್ಮು ಶ್ಯಾಮ್ ಚರಣ್ ಪನ್ಪಿ ಒರಿ ಬ್ಯಾಂಕರ್‌ನ್ ಮದಿಮೆ ಆದ್ ರಡ್ಡ್ ಆಣ್ ಜೋಕುಲು ಅಂಚನೆ ಒಂಜಿ ಪೊಣ್ಣು ಬಾಲೆನ್ ಪಡೆದ್ ಸುಖ ಸಂಸಾರಿಯಾದಿತ್ತೆರ್ .2009ಡ್ದ್ 2015ನೆ ಮುಟ್ಟದ 7 ವರ್ಷದ ಅವಧಿಡ್ ಆರೆನ ಕಂಡನಿ ಹೃದಯಾಘಾತಡ ಬೊಕ್ಕ ರಡ್ಡ್ ಆಣ್ ಜೋಕುಲು, ಅಪ್ಪೆ ಬೊಕ್ಕ ಒರಿ ಸಹೋದರನ ಮರಣ ಆಪುಂಡು. ಆರ್ ಬ್ರಹ್ಮ ಕುಮಾರೀಸ್ ಆಧ್ಯಾತ್ಮಿಕ ಚಳುವಳಿದ ಅನುಯಾಯಿನಿ ಆದಿತ್ತೆರ್.

ಸುರುತ ವೃತ್ತಿಜೀವನ

1979 ಡ್ದ್ 1983 ಮುಟ್ಟ ಮುರ್ಮು ಒಡಿಶಾ ಸರ್ಕಾರದ ನೀರಾವರಿ ಇಲಾಖೆಡ್ ಕಿರಿಯ ಸಹಾಯಕೆರಾದ್ ಕೆಲಸ ಮಲ್ತೆರ್. ಅವೆಡ್ದ್ ಬೊಕ್ಕ ಶಾಲೆಡ್ ಶ್ರೀ ಅರಬಿಂದೋ ಇಂಟೆಗ್ರಲ್ ಎಜುಕೇಶನ್ ಸೆಂಟರ್, ರೈರಂಗಪುರೊಟು ಶಿಕ್ಷಕಿಯಾದ್ ಕೆಲಸ ಮಲ್ತೆರ್ ಬೊಕ್ಕ ಹಿಂದಿ, ಒಡಿಯಾ, ಗಣಿತ ಬೊಕ್ಕ ಭೂಗೋಳ ಶಾಸ್ತ್ರೊನ್ ಕಲ್ಪಾವೊಂದಿತ್ತೆರ್.

ರಾಜಕೀಯ ವೃತ್ತಿಜೀವನ

ದ್ರೌಪದಿ ಮುರ್ಮು ರಾಯರಂಗಪುರೊಟು ಭಾರತೀಯ ಜನತಾ ಪಕ್ಷೊಗು (ಬಿಜೆಪಿ) ಸೇರಿಯೆರ್.1997 ಡ್ ಆರ್ ರಾಯರಂಗಪುರ ನಗರ ಪಂಚಾಯತ್ ಕೌನ್ಸಿಲರ್ ಆದ್ ಆಯ್ಕೆ ಆಯೆರ್.2000 ಡು ಒಡಿಶಾ ವಿಧಾನಸಭೆ ಚುನಾವಣೆಡ್ ರಾಯರಂಗ್‌ಪುರ ವಿಧಾನಸಭಾ ಕ್ಷೇತ್ರೊಡ್ದು ಗೆಂದಿಯೆರ್ ಬೊಕ್ಕ 2000 ಬೊಕ್ಕ 2009ದ ನಡುವೆ ಒಡಿಶಾ ವಿಧಾನಸಭೆಟ್ ರಡ್ಡ್ ಅವಧಿಡ್ ಸೇವೆ ಮಲ್ತೆರ್. ಒಡಿಶಡ್ ಬಿಜೆಪಿ ಬೊಕ್ಕ ಬಿಜೆಡಿ ಸಮ್ಮಿಶ್ರ ಸರ್ಕಾರದ ಅವಧಿಡ್ ಮಾರ್ಚ್ 6, 2000 ಡ್ದ್ ಆಗಸ್ಟ್ 6, 2002 ಮುಟ್ಟ ವಾಣಿಜ್ಯ ಬೊಕ್ಕ ಸಾರಿಗೆ ಸ್ವತಂತ್ರ ಉಸ್ತುವಾರಿ ರಾಜ್ಯ ಸಚಿವರಾದಿತ್ತೆರ್ ಬೊಕ್ಕ ಆಗಸ್ಟ್ 6, 2002 ಡ್ದ್ ಮೇ 16 2004 ಮುಟ್ಟುಅ ಮೀನುಗಾರಿಕೆ ಬೊಕ್ಕ ಪ್ರಾಣಿ ಸಂಪನ್ಮೂಲೊದ ಅಭಿವೃದ್ಧಿ ಸಚಿವೆರಾದಿತ್ತೆರ್. 2009 ಡ್, ಬಿಜೆಡಿ ಬೊಕ್ಕ ಬಿಜೆಪಿ ಮೈತ್ರಿ ಮುಗಿಬೊಕ್ಕ ಆರ್ ಮಯೂರ್‌ಭಂಜ್ ಲೋಕಸಭಾ ಕ್ಷೇತ್ರೊಡ್ದು ಲೋಕಸಭೆ ಚುನಾವಣೆಡ್ ಸೋತೆರ್.

ಜಾರ್ಖಂಡ್ ರಾಜ್ಯಪಾಲೆಯಾದ್

ದ್ರೌಪದಿ ಮುರ್ಮು ಜಾರ್ಖಂಡ್‌‌ದ ರಾಜ್ಯಪಾಲರಾದ್ 18 ಮೇ 2015 ಡ ಪ್ರಮಾಣ ವಚನ ಸ್ವೀಕಾರ ಮಲ್ತೆರ್. ರಾಜ್ಯ ಪಾಲೆರೆನ ಪೀಠೊಡು ಕುಳ್ಳಿನ ಸುರುತ ಪೊಂಜೊವು ಪನ್ಪಿನ ಪುಗರ್ತೆ ಪಡೆಯೆರ್. ಮೆರೆನ ಆಜಿ ವರ್ಷದ ಗವರ್ನರ್ ಅಧಿಕಾರಾವಧಿ ಮೇ 2015 ಡ್ ಸುರು ಆದ್ ಜುಲೈ 2021ಡ್ ಮುಗಿಯುಂಡು.