ಪುಂಡಿ ಗಸಿ

ಪುಂಡಿ ಗಸಿ:ಪುಂಡಿ ಗಸಿ ತುಳುನಾಡ್‍ಡ್ ಎಚ್ಚಾದ್ ಮಲ್ಪಿನ ಅಡ್ಯೆ. ಉಮದು ಅರಿಟ್ ಮನ್ಪುನ ಒಂಜಿ ಬಗೆತ್ತ ತೆನಸ್, ಉಂದು ಉಂಡೆದ ರೂಪೊಡು ಇಪ್ಪುಂಡು. ಪುಂಡಿ ಪಂಡ ಅಲತೆಲಾ ಅಂದ್.

ಪುಂಡಿ ಗಸಿ

ಪುಂಡಿ ಗಸಿ
ಬೇತೆ ಪುದರ್	ಪುಂಡಿ ಗಸಿ
ಬಗೆ	ಅಡ್ಯೆ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ , ಉಡುಪಿ

ಮಲ್ಪರೆ ಬೊಡಾಯಿನ ಸಾಮಾನ್

• ಬೊಲಂತೆ ಇಜ್ಜಿಂಡ ಉರ್ಪೆಲ್ ಅರಿ
• ತಾರಾಯಿ
• ಉಪ್ಪು
• ಒಗ್ಗರಣೆಗ್ ಬೇವಿರೆ, ನೀರುಳ್ಳಿ, ದಾಸೆಮಿ
• ಕೊತ್ತಂಬರಿ

ಪುಂಡಿ ಮಲ್ಪುನ ವಿದಾನೊ

ಅರಿನ್ ೫-೬ ಗಂಟೆ ಪೊರ್ತು ನೀರ್‌ಡ್ ಬೊದುಲರೆ ಪಾಡೊಡು. ಬೊದುಲಿನ ಅರಿಕ್ಕ್, ರುಚಿಗ್ ಬೋಡಾಯಿನಾತ್ ಉಪ್ಪು ಪಾಡ್ದ್ ಕಡೆವೊಡು. ಕಡೆಯಿನ ಬಂದೊನು ಬೊಕ್ಕ ಮಾಜಾದ್ ಉಂಡೆ ಮಲ್ತ್‌ದ್, ತೊಂದುರುಡ್ ಬೇಯಿಪಾವರ ದೀವೊಡು.

ಗಸಿ ಮಲ್ಪುನ ವಿದಾನೊ

ಚಟ್ನಿ ಕಡೆಯಿ ಲೆಕೊನೆ ತಾರಾಯಿದೊಟ್ಟುಗು ಪೊತ್ತುದಿನ ಕೊತ್ತಂಬರಿ, ಜೀರ್ದ್ರಿ, ಬೇವಿರೆ , ದಾಸೆಮಿ , ಕೆಂಪು ಮುಂಚಿ (ಕಾರಗ್ ಬೋಡಾಯಿನಾತ್ , ಜಾಸ್ತಿ ಕಾರ ಮಲ್ಪರೆ ಬಲ್ಲಿ ಪುಂಡಿದ ಗಸಿ ಕಾರ ಇಪ್ಪರೆ ಬಲ್ಲಿ) ಪಾರ್ದ್ ಸನ್ನ ಕಡೆವೊಡು. ಕಡೆಯಿನ ಅರೆಪ್ಪುನು ಪುಂಡಿಗ್ ಬೆರಸ್‍ದ್ ಒಟ್ಟಿಗೆ ಕೊದ್ಪಾವೊಡು. ಬೊಕ್ಕ ಮೇಲ್‍ಗ್ ಒಗ್ಗರಣೆ ಪಾಡ್ಂಡ ಪುಂಡಿ ಗಸಿ ತಯಾರಾಪುಂಡು.