ಬೊಲ್ನೆಯಿ
ಬೊಲ್ನೆಯಿ ಪೇರ್ದ ಉತ್ಪನ್ನೊ. ಪಜಿಪೇರ್ ಕಡೆದ್ ಅತ್ತಂಡ ಪೇರ್‌ನ್ ಕಾಯ್ತ್‌ದ್ ಬೊಲ್ನೆಯಿ ತಯಾರ್ ಮಲ್ಪುವೆರ್. ಬೊಲ್ನೆಯಿ ಪೇರ್ದ ಕೊಬ್ಬು. ಬೊಲ್ನೆಯಿನ್ ಅಡಿಗೆಗ್, ಮರ್ದ್‌ಗ್ ಗಳಸುವೆರ್.
ಸಾಮಾನ್ಯವಾದ್ ಪೆತ್ತಲೆ ಪೇರ್‌ಡ್ದ್ ಬೊಲ್ನೆಯಿನ್ ತಯಾರ್ ಮಲ್ಪುವೆರ್. ಪೇರ್ದ ಎಣ್ಣೆಡ್ದ್ ನೀರ್ದ ಅಂಸೊಡು ಬೆರಕೆ ಆಯಿನ, ನೀರ್‌ಡ್ ಎಣ್ಣೆದ ಮಿಸ್ರೊ ಆಯಿನ ಬಾವೆಡ್ದ್ ಉಂಡಾಪುಂಡು. ಬೊಲ್ನೆಯಿನ್ ಪೇರ್, ಪೇರ್ದ ಬಾವೆನ್ ಅತ್ತಂಡ ಪೆರ್ಪು ಪಾಡ್‌ನ ಕೊಜಪುನು ಮಂತ್ ಪಾಡ್ದ್ ಅತ್ತಂಡ ಕಡೆದ್ ದೆಪ್ಪುನೆ. ಬೊಲ್ನೆಯಿ ದೆತ್ತ್‌ನೆಡ್ದ್ ಬುಕ್ಕೊ ಕೊಜಪು ಅಲೆ ಆಪುಂಡು. ಅಲೆಡ್ದ್ ಬೊಲ್ನೆಯಿನ್ ಒಂದ್‌ಯರ ಮಂತ್ ಪಾಡ್‌ನ ಕರಟ್ ಅಂಚನೆ ದೀಡ್ಂಡ ಬೊಲ್ನೆಯಿ ಬೇತೆನೆ ಪಾಂಬುಡಂಡು. ಬೊಲ್ನೆಯಿನ್ ಎರ್ಮೆ, ಪೆತ್ತ, ಕುರಿ, ಏಡ್, ಯಾಕ್ ಇಂಚಿನ ಪ್ರಾಣಿಲೆಡ್ದ್ ತಯಾರ್ ಮಲ್ಪುವೆರ್. ಪೊಸ ಕಾಲೊಡು ಬೊಲ್ನೆಯಿಗ್ ಉಪ್ಪು, ಕೆಲವು ರುಚಿತ ಸೊತ್ತುಲೆನ್ ಹಾಳಾವಂದಿಲೆಕೊ ಸೇರಾಬೆರ್.[೧] ಕೆಲವು ಸರ್ತಿ ಬೊಲ್ನೆಯಿಗ್ ತೆನಸ್‌ದ ಬಣ್ಣೊ ಸೇರಾಬೆರ್.[೨] ಬೊಲ್ನೆಯಿನ ಇಂಚ ಮಲ್ತ್ಂಡ ಸಾಗಾಟೊಗು, ದಿಂಜ ಸಮಯೊ ಸಂಪುಡು ದೀಡಿಯರ ಆವೊಂದಿತ್ತ್ಂಡ್. ಬೊಲ್ನೆಯಿ ಪೇರ್ದ ಕೊಬ್ಬು ಅತ್ತಂಡ ಎಣ್ಣೆ. ಇಂದೆನ್ ಬೆಚ್ಚಮಲ್ತ್ಂಡ ನೆಯಿ ಆಪುಂಡು. ಬೊಲ್ನೆಯಿನ್ ತಂಪುಡು ದೀಡ್ಂಡ ಗಟ್ಟಿ ಆಪುಂಡು. ಪೇರ್ದ ಪ್ರೋಟೀನ್‌ಡ್ ಎಮಲ್ಸಿಕಾರಕೊ ಇಪ್ಪುಂಡು. ಬೊಲ್ನೆಯಿನ್ ತಂಪು ಮಲ್ಪುನಗ ಕೋಣೆದ ವಾತಾವರಣೊಡು ಮೆತ್ತೆನೊ ಅತ್ತಂಡ ತೆಲ್ಪು ನೀರ್ದ್ ಲೆಕೊ ಆಪುನೆಡ್ದಾರೊ ಬೊಲ್ನೆಯಿ ೩೨–೩೫ °C (೯೦–೯೫ °F) ಸಾಂದ್ರತೆಡ್ ಕರಾಪುಂಡು. ಬೊಲ್ನೆಯಿದ ಸಾಂದ್ರತೆ ೯೧೧ kg/m ಇಪ್ಪುಂಡು.[೩]
ಬೊಲ್ನೆಯಿ ಸಾಮಾನ್ಯವಾದ್ ಹದಾ ಮಂಜಲ್ ಬಣ್ಣೊಡು ಇಪ್ಪುಂಡು. ಕೆಲವು ಸರ್ತಿ ದಿಂಜ ಮಂಜಲ್ ಅತ್ತಂಡ ಬೊಲ್ದುಡು ಇಪ್ಪುಂಡು. ಉಂದು ಪ್ರಾಣಿಲೆನ ತೆನಸ್‌ಡ್ದಾರೊ ಆದಿಪ್ಪುಮಡು. ವ್ಯಾಪಾರೊದಕುಲು ತಯಾರ್‌ಮಲ್ಪುನಗ ಅನ್ನಟ್ಟೋ ಅತ್ತಂಡ ಕ್ಯಾರೋಟಿನ್ ದಂಚಿನ ತೆನಸ್‌ದ ಬಣ್ಣೊ ಬದಲ್ ಮಲ್ಪುಂಡು.[೪]
ಬೊಲ್ನೆಯಿ ಪದೊತ ಪುಟ್ಟುಪರಿಪು
ಸಂಪೊಲಿಪುಲೆ
ಬೊಲ್ನೆಯಿ ಪನ್ಪುನ ಪದೊ ಲ್ಯಾಟಿನ್ ಬಾಸೆದ ಬ್ಯುಟಿರಮ್‌ಡ್ದ್ ಬತ್ತ್ಂಡ್. ಉಂದು ಗ್ರೀಕ್ ಬಾಸೆದ βούτύρον (bouturon) ಪದೊತ ಲ್ಯಾಟಿನ್ ರೂಪೊ. ಉಂದು βούς (bous) "ಪೆತ್ತ, ಎರು"ದ + τύρος (turos) "ಚೀಸ್", ಪಂಡ "ಹಸು-ಚೀಸ್" ಸಂಯುಕ್ತವಾಯಿನವು. ಟುರೋಸ್ (ಚೀಜ್) ಪನ್ಪುನ ಪದೊ ಮೈಸೀನಿಯನ್ ಗ್ರೀಕ್ ಬಾಸೆಡ್ ದ್ರಿಡೊ ಆತ್ಂಡ್. ಲ್ಯಾಟಿನ್ ರೂಪೊ ಬ್ಯುಟಿರಿಕ್ ಆಮ್ಲ ಪನ್ಪುನ ಪುದರ್ಡ್ ತೋಜಿದ್ ಬರ್ಪುಂಡು. ಉಂದು ರಾನ್ಸಿಡ್ ಬೊಲ್ನೆಯಿ ಬುಕ್ಕೊ ಬೇತೆ ಡೈರಿ ಉತ್ಪನ್ನೊಲೆಡ್ ತೋಜಿದ್ ಸಂಯುಕ್ತೊ ಆಪುಂಡು.
ಉತ್ಪಾದನೆ
ಸಂಪೊಲಿಪುಲೆಒಂಜೇ ರೂಪೊ ಇದ್ಯಾಂದಿನ ಪೇರ್ ಅತ್ತಂಡ ಬಾವೆ ಬೊಲ್ನೆಯಿದ ನೆಯಿನ ಹೊಂದ್‍ದಿಪ್ಪುಂಡು. ಉಂದು ಫಾಸ್ಫೋಲಿಪಿಡ್‌ಡ್ (ಫ್ಯಾಟಿ ಆಸಿಡ್ ಎಮಲ್ಸಿಫೈಯರ್ ಮತ್ತು ಪ್ರೋಟೀನ್) ಮಾಲ್ತ್‌ನ ಪದರೊಡು ಇಪ್ಪುಂಡು. ಉಂದು ಪೇರ್ದ ಕೊಬ್ಬು ಒಂಜೇ ದ್ರವ್ಯರಾಶಿಯಾದ್ ಒಟ್ಟಾದಿಪ್ಪುನೆನ್ ತಡೆವುಂಡು. ಬಾವೆನ್ ಹಾಲ್ ಮಲ್ಪುನ ಬುಕ್ಕೊ ಬಾವೆದ ಬೇತೆ ಬಾಗೊಲೆನ್ ಬೇತೆ ಮಲ್ಪುನ ಕೊಬ್ಬುಲೆನ್ ಸಂಯೋಜಿಸಯರ ಜಾಗೆ ಮಲ್ತ್‌ಕೊರ್ದ್, ಬೊಲ್ನೆಯಿನ್ ಉಂಡು ಮಲ್ಪುಂಡು. ಉತ್ಪಾದನಾ ವಿದಾನೊದ ವ್ಯತ್ಯಾಡೊಲು ವಿಬಿನ್ನೊ ಸ್ತಿರೊನು ಹೊಂದ್‍ನ ಬೊಲ್ನೆಯಿನ್ ಸ್ರಿಸ್ಟಿಸವುಮಡು. ಈ ಸಂಯೋಜನೆಡ್ ಮೂಜಿ ರೂಪು ಇಪ್ಪುಂಡು. ಮುಕ್ತ ಬೊಲ್ನೆಯಿ, ಬೊಲ್ನೆಯಿದ ಕೊಬ್ಬುದ ಪರೆಲ್ ಬುಕ್ಕೊ ಹಾಳಾಯಿನ ಕೊಬ್ಬು.
ವಿದೊಲು
ಸಂಪೊಲಿಪುಲೆ
ಪೊಸ ಕಾರ್ಕಾನೆದ ಬೊಲ್ನೆಯಿ ತಯಾರಿಕೆಗ್ ದುಂಬು, ಬಾವೆ ಸಾಮಾನ್ಯವಾದ್ ದಿಂಜ ಪೇರ್‌ಡ್ದ್ ಸಂಗ್ರಹೊ ಆವೊಂದಿತ್ತ್ಂಡ್. ಇಂಚಿತ್ತಿ ಸಾಂಪ್ರದಾಯಿಕವಾದ್ ತಯಾರ್ ಮಲ್ತ್‌ನ ಬೊಲ್ನೆಯಿನ್ ಸಂಸ್ಕರಿಸಯಿನ ಬೊಲ್ನೆಯಿಂದ್ ಪನ್ಪೆರ್. ಪುಲಿಯಾಪುನ ಸಮಯೊಡು ಬಾವೆ ಪುಲಿಯಾದಿಪ್ಪುಂಡು. ದಾಯೆಪಂಡ ಪೆರ್ಪು ಪಾಡ್‌ನ ಪೇರ್ದ ಸಕ್ಕರೆದ ಲ್ಯಾಕ್ಟಿಕ್ ಆಮ್ಲ ಬದಲಾದಿಪ್ಪುಂಡು. ಪುಲಿಯಾಪುನೆಡ್ದಾರ ಡೈಯಾಸೆಟೈಲ್ ಸೇರ್ನಂಚನೆ ದಿಂಜದ ಪರಿಮಲೊನು ತಯಾರ್ ಮಲ್ಪುಂಡು. ಉಂದು ಪೂರ್ತಿ ರುಚಿತ ಬೊಲ್ನೆಯಿನ್ ತಯಾರ್ ಮಲ್ಪುಂಡು.
ಉಲ್ಲೇಕೊ
ಸಂಪೊಲಿಪುಲೆ- ↑ Institute of Medicine. Committee on Strategies to Reduce Sodium Intake; Henney, Jane E.; Taylor, Christine Lewis; Boon, Caitlin S. (2010). "4: Preservation and Physical Property Roles of Sodium in Foods". Strategies to reduce sodium intake in the United States. Washington, D.C. ISBN 978-0-309-14805-4. OCLC 676698420. Archived from the original on 9 May 2022. Retrieved 14 June 2022.
- ↑ "Butter coloring". Archived from the original on 2 January 2023. Retrieved 2 January 2023.
- ↑ Elert, Glenn. "Density". The Physics Hypertextbook. Archived from the original on 2009-09-03. Retrieved 2024-07-14.
- ↑ Saïd, Husein; Nada, I. A. A. (1946). "A Substitute for 'Annatto' in Butter". Nature. 157 (3982): 232. Bibcode:1946Natur.157..232S. doi:10.1038/157232a0. PMID 21017927. S2CID 4131974.