ಮಣ್ಣಿ
ಮಣ್ಣಿ ತುಳುನಾಡ್‌ತ ಪಿರಾಕ್‌ತ ತೆನಸ್‌ಲೆಡ್ ಒಂಜಿ. ಉಂದೆನ್ ಅರಿಟ್ಟ್‌ , ರಾಗಿಡ್ ಮಲ್ಪುವೆರ್. ಅಯಿತ ರುಚಿ, ಮೆತ್ತೆನ, ಕಮ್ಮೆನ ಪೂರಾ ಬಾರೀ ಲಾಯಕ್. ಆರೋಗ್ಯೊದ ದೃಷ್ಟಿಡ್‌ಲಾ ಮಣ್ಣಿ ಬಾರೀ ಎಡ್ಡೆ. ಉಂದು ಉಡಲ್‌ಗ್‌ಲಾ ಸಂಪು, ಆರೋಗ್ಯೊಗುಲಾ ಸಂಪು.
| ಬಗೆ | ಜೋಕುಲೆಗ್‌ ಕೊರ್ಪುನ ತೆನಸ್ |
|---|---|
| ಮೂಲದ ಜಾಗೆ | ಭಾರತ |
| ಪ್ರದೇಸೊ | ಕುಡ್ಲ, |
| Serving temperature | ಬೆಚ್ಚ |
| ಬೊಡಾಯಿನ ಸಾಮಾನ್ | ಅರಿತ್ತ ಪೊಡಿ |
ಮಣ್ಣಿ ಮಾನ್ಪುನ
ಸಂಪೊಲಿಪುಲೆಅರಿ, ರಾಗಿ, ಕುವೆ, ಇಂಚ ಬೇತೆ ಬೇತೆ ನೆಯ್ಮೆನೊದ ಪೊಡಿಟ್ ಮಲ್ಪುನ ಒಂಜಿ ತೆನಸ್. ಎಚ್ಚಾದ್ ಬಾಲೆಗ್ ತಿನೆರೆ ಕೊರ್ಪುನ ತೆನಸ್ ಮಣ್ಣಿ. ದಂಜ ಬೆಯಿತ್‍ನ ಗಂಜಿಗ್ ಮಣ್ಣಿ ಆತ್ಂಡ್ ಪನ್ಪೆರ್.
ಮಲ್ಪುನ ರೀತಿ
ಸಂಪೊಲಿಪುಲೆಒಂಜಿ ತಾರಾಯಿ ಪಿರೆದ್ ಅಯಿತ ಪೇರ್ ದೆಪ್ಪೊಡು. ಬೊಕ್ಕ ರಡ್ಡ್ ಪಾವು ಅರಿ ಕಡೆಯೆರೆ ಪಾಡೊಡು. ಸಾದಾರಣ ದಪ್ಪೊಡು ಬಂದ ಬೋಡು. ಕಡೆನಗ ಅಯಿಕ್ ಮೆತ್ತೆ, ಜೀರಿಗೆ ಬೊಕ್ಕ ರುಚಿಕ್ ಬೋಡಾಯಿನಾತ್ ಬೆಲ್ಲ ಪಾಡೊಡು. ಬಂದ ತಯಾರಾಯಿ ಬೊಕ್ಕ ಪಾತ್ರೆಡ್ ಪಾಡೊನೊಡು. ನನ ಒಂತೆ ಬೀಜೊತ ಬೊಂಡುನು ನ್ ನೆಯಿಟ್ ಪೊದುತ್ತ್‌ದ್ ದೀವೊನೊಡು. ತೊಂದೊರುದ ಕರಟ್ ಮಣ್ಣಿ ಮಲ್ಪೊಲಿ. ನೀರ್ ಪಾಡ್‌ದ್ ದಿಕ್ಕೆಲೆಗ್ ದೀವೊಡು. ಅಯಿತ ತಟ್ಟೆದ ಮಿತ್ತ್ ಬಾರೆದ ಇರೆ ಹಾಸೊಡು. ಇರೆತ ಮಿತ್ತ್ ಒಂಚೂರು ನೆಯಿ ಪೂಜೊನೊಡು. ನೀರ್ ಕೊದ್ಯೊಂದು ಬನ್ನಗ ಸಿಕೆ ಲಕ್ಕುಂಡು. ಅಪಗ ಈ ಬಂದೊನು ಇರೆತ ಮಿತ್ತ್ ಮಯ್ಪೊಡು. ಬೊಕ್ಕ ಈ ತಾರಾಯಿದ ಪೇರ್‌ನ್ ಅಯಿಕ್ ಮಯ್ತ್‌ದ್ ಕಲಡಾವೊಡು. ಬಾಯಿ ಮುಚ್ಚೊಡು.
ಸಿಕೆಟ್ ಬಂದ ಬೆಯ್ಪುಂಡು. ಪೂರ್ತಿ ಬೆಯ್ತ್‌ದ್ ಆಯಿ ಬೊಕ್ಕ ಜಾವೊಡು. ತಟ್ಟೆನ್ ಮೆಲ್ಲ ದೆತ್ತ್‌ದ್ ಅಯಿತ ಮಿತ್ತ್ ಬೀಜೊತ ಬೊಂಡುನು ಬಿರ್ಕೊಡು. ಅಯಿಡ್ದ್ ಬೊಕ್ಕ ಸೋಕುಡೆ ಕಟ್ ಮಲ್ತ್‌ದ್ ಅರಪೆರೆ ದೀವೊಡು. ಬೊಕ್ಕ ತಿನೊಡು. ಕಡೆನಗ ಅರಿತೊಟ್ಟಿಗೆ ತುರೆ ಪಾಡುನ ಕ್ರಮಲಾ ಉಂಡು. ಅಯಿಕ್ ತುರೆತ ಮಣ್ಣಿ ಪನ್ಪೆರ್.