ರಾಜೇಶ್ವರಿ ಚಟರ್ಜಿ
ರಾಜೇಶ್ವರಿ ಚಟರ್ಜಿ(೨೪.೦೧.೧೯೨೨ - ೦೩.೦೯.೨೦೧೦) ಕರ್ನಾಟಕದ ವಿಜ್ಞಾನಿ ಬೊಕ್ಕ ಶಿಕ್ಷಣ ತಜ್ಞೆ. ಮೇರ್ ಕರ್ನಾಟಕದ ಸುರುತ ಪೊಂಜವು ಇಂಜಿನಿಯರ್, ಅತ್ತಂದೆ ಬೆಂಗಳೂರುಡು ಉಪ್ಪುನ ಭಾರತೀಯ ವಿಜ್ಞಾನ ಮಂದಿರದ ಇಂಜಿನಿಯರಿಂಗ್ ವಿಭಾಗೊಗು ನೇಮಕವಾಯಿನ ಸುರುತ ಪೊಂಜವು ಉದ್ಯೋಗಿಲಾ ಅಂದ್.
ರಾಜೇಶ್ವರಿ ಚಟರ್ಜಿ | |
|---|---|
| Nationality | ಭಾರತೀಯ |
| Citizenship | ಭಾರತೀಯ |
| Education | ಎಮ್ಎಸ್ಸಿ(ಗಣಿತ ಬೊಕ್ಕ ಭೌತಶಾಸ್ತ್ರೊ ಪಿಎಚ್ಡಿ (ಎಲೆಕ್ಟ್ರಾನಿಕ್ ಇಂಜಿನಿಯರಿಂಗ್) |
| Alma mater | ಭಾರತೀಯ ವಿಜ್ಞಾನ ಮಂದಿರ, ಮಿಶಿಗನ್ ವಿಶ್ವವಿದ್ಯಾನಿಲಯ |
| Occupation | ಪ್ರಾಧ್ಯಾಪಕಿ ಬೊಕ್ಕ ವಿಜ್ಞಾನಿ |
| Years active | ೧೯೫೩-೧೯೮೦ |
| Organisation | ಭಾರತೀಯ ವಿಜ್ಞಾನ ಮಂದಿರ |
| Known for | ಮೈಕ್ರೋವೇವ್ ಇಂಜಿನಿಯರಿಂಗ್ ವಿಭಾಗೊ |
| Spouse | ಸಿಸಿರ್ ಕುಮಾರ್ ಚಟರ್ಜಿ |
| Parent | ಬಿ ಎಮ್ ಶಿವರಾಮಯ್ಯ |
| Awards | ಜಗದೀಶ್ಚಂದ್ರ ಭೋಸ್ ಸ್ಮಾರಕ ಪ್ರಶಸ್ತಿ, ಮೌಂಟ್ ಬ್ಯಾಟನ್ ಬಹುಮಾನ, ರಾಮ್‌ಲಾಲ್ ವಾಧ್ವಾ ಪ್ರಶಸ್ತಿ, ಮೇಘನಾದ ಸಹಾ ಪಾರಿತೋಷಕ |
ಕುಟುಂಬ
ಸಂಪೊಲಿಪುಲೆರಾಜೇಶ್ವರಿ ಚಟರ್ಜಿಯೆರೆನ ಅಜ್ಜಿ ಕಮಲಮ್ಮ ದಾಸಪ್ಪ ಪಂಡ್ದ್. ಸ್ವಾತಂತ್ರ್ಯ ಬರ್ರೆ ದುಂಬು ಇತ್ತಿನ ಮೈಸೂರು ರಾಜ್ಯೊಡು ಪದವಿ ಪಡೆತಿನ ಸುರೂತ ಪೊಂಜವು. ಅಮ್ಮೆರ್ ಬಿ ಎಮ್ ಶಿವರಾಮಯ್ಯ. ಚಟರ್ಜಿಯೆರೆನ ಮಲ್ಲಮ್ಮೆ ಕನ್ನಡದ ಕಣ್ವ ಪಂಡ್‍ದೇ ಪುದರ್ ಮಲ್ತಿನ ಬಿ ಎಮ್ ಶ್ರೀ. ಕಂಡನಿ ಸಿಸಿರ್ ಕುಮಾರ್ ಚಟರ್ಜಿ. ಮಗಲ್ ಇಂದಿರಾ ಚಟರ್ಜಿ.
ಪುಟ್ಟು ಬೊಕ್ಕ ವಿದ್ಯಾಭ್ಯಾಸ
ಸಂಪೊಲಿಪುಲೆರಾಜೇಶ್ವರಿ ಚಟರ್ಜಿ ಪುಟ್ಟಿನಿ ೨೪ನೇ ಜನವರಿ ೧೯೨೨ತಾನಿ ಮೈಸೂರುದ ಕೈತಲ್ ಇಪ್ಪುನ ನಂಜನಗೂಡುಡು[೧]. ತನ್ನ ಅಜ್ಜಿ ಸ್ಥಾಪಿಸಾಯಿನ ಇಂಗ್ಲಿಷ್ ಮಾಧ್ಯಮದ ಶಾಲೆಡ್ ಪ್ರಾಥಮಿಕ ಶಿಕ್ಷಣ ಪಡೆಯೆರ್. ಬೊಕ್ಕ ಬೆಂಗಳೂರುದ ಸೆಂಟ್ರಲ್ ಕಾಲೇಜಿಡ್ ಬಿಎಸ್‍ಸಿ ಆನರ್ಸ್ ಪದವಿ ಬೊಕ್ಕ ಎಮ್ಎಸ್ಸಿ ಪದವಿನ್ ಗಣಿತ ಬೊಕ್ಕ ಭೌತಶಾಸ್ತ್ರಡ್ ಫ಼ಸ್ಟ್ ಕ್ಲಾಸ್‍ಡ್ ಪಾಸ್ ಆಯೆರ್. ಡಿಗ್ರಿ ವಿದ್ಯಾಭ್ಯಾಸೊನು ಫ಼ಸ್ಟ್ ಕ್ಲಾಸ್‍ಡ್ ಪಾಸ್ ಮಲ್ತಿನೆಕ್ ಮೆರೆಗ್ ಮುಮ್ಮಡಿ ಕೃಷ್ಣರಾಜ ಒಡೆಯರ್ ಪಾರಿತೋಷಕ, ಎಂ ಟಿ ನಾರಾಯಣ ಅಯ್ಯಂಗಾರ್ ಬಹುಮಾನ, ಬುಕ್ಕ ವಾಲ್ಟರ್ಸ್ ಸ್ಮಾರಕ ಪಾರಿತೋಷಕ ಈ ಮೂಜಿ ಬಹುಮಾನ ಒಟ್ಟಿಗೆನೇ ಬತ್ಂಡ್.
ಪದವಿ ವಿದ್ಯಾಭ್ಯಾಸೊನು ೧೯೪೨ನೆ ಇಸವಿಡ್ ಮುಗಿತಿನ ರಾಜೇಶ್ವರಿ, ಭಾರತೀಯ ವಿಜ್ಞಾನ ಮಂದಿರಡ್ ಸಂಶೋಧನಾ ವಿದ್ಯಾರ್ಥಿನಿ ಆದ್ ಸೇರರೆ ಅರ್ಜಿ ಪಾಡಿಯೆರ್. ಆ ಸಂಸ್ಥೆದ ಇತಿಹಾಸೊಡು ಅವ್ವೆ ಸುರುತ ಸರ್ತಿ ಒರ್ತಿ ಪೊಂಜವು ಸಂಶೋಧನಾ ವಿದ್ಯಾರ್ಥಿನಿ ಆದ್ ಸೇರರೆ ಅರ್ಜಿ ಪಾಡಿನೆಡ್ದಾವರ ಉಂಬೆರೆನ್ ಸೇರಾವೊನೊಡ ಬೊಡ್ಚಾ ಪನ್ಪುನ ವಿಷಯೊಡು ಅಲ್ತ ಅಧಿಕಾರಿನಕುಲು ಮಲ್ಲ ಚರ್ಚೆನೇ ಮಲ್ತೆರ್, ಕಡೆಕ್ ಆರೆನ್ ಆ ಸಂಸ್ಥೆಡ್ ಸೇರಾವೊಂದೆರ್[೨]. ೧೯೪೬ನೆ ಇಸವಿಡ್ ದಿಲ್ಲಿ ಸರ್ಕಾರ, ರಾಜೇಶ್ವರಿಯೆರೆನ್ ಅತ್ಯುತ್ತಮ ವಿದ್ಯಾರ್ಥಿನಿ ಪಂಡ್ದ್ ಆಯ್ಕೆಮಲ್ತ್‌ದ್ ಆರೆಗ್ ಪರದೇಸೊಗು ಪೋದು ಕಲ್ಪರೆ ಪಣಸಹಾಯ ಮಲ್ತ್ಂಡ್. ವಿದ್ಯಾಭ್ಯಾಸ ಮುಗಿತ್ತಿಬೊಕ್ಕ ಮೂಜಿ ವರ್ಸ ಕಡ್ಡಾಯವಾದ್ ಭಾರತೋಡೆ ಸೇವೆ ಮಲ್ಪೊಡು ಪಂಡ್ದ್ ಶರತ್ತ್ ಕೊರುಂಡು ಸರ್ಕಾರ. ಸರಕಾರದ ಪಣಸಹಾಯ ಪಡೆವೊಂದು ರಾಜೇಶ್ವರಿಯೆರ್ ಅಮೇರಿಕಾದ ಮಿಶಿಗನ್ ವಿಶ್ವವಿದ್ಯಾಲಯೊಗು ಕಲ್ಪರೆ ಪೋಯೆರ್. ಅವುಲು ಪ್ರೊಫೆಸರ್ ವಿಲಿಯಮ್ ಗೌಲ್ಡ್‌ಡವ್ ಮೆರೆನ ಮಾರ್ಗದರ್ಶನೊಡು ಎಲೆಕ್ಟ್ರಾನಿಕ್ ಇಂಜಿನಿಯರಿಂಗ್ ವಿಷಯೊಡು ಪಿಎಚ್ಡಿ ಪದವಿ ಪಡೆಯೆರ್.
ಬೇಲೆ ಬೊಕ್ಕ ವೈಯಕ್ತಿಕ ಬದ್‌ಕ್
ಸಂಪೊಲಿಪುಲೆಪಿಎಚ್ಡಿ ಪದವಿ ಪಡೇದ್ ಭಾರತೊಗು ಬತ್ತಿನ ರಾಜೇಶ್ವರಿಯೆರ್ ಭಾರತೀಯ ವಿಜ್ಞಾನ ಮಂದಿರದ ಎಲೆಕ್ಟ್ರಿಕಲ್ ಕಮ್ಯುನಿಕೇಶನ್ ಇಂಜಿನಿಯರಿಂಗ್ ಇಲಾಖೆಡ್ ಉದ್ಯೋಗಿ ಸದಸ್ಯೆ ಆದ್ ಸೇರಿಯೆರ್. ಅವ್ವೇ ವಿಭಾಗೊಡು ಬೇಲೆಡ್ ಇತ್ತಿನ ಸಿಸಿರ್ ಕುಮಾರ್ ಚಟರ್ಜಿಯೆರೆನ ಪರಿಚಯ ಆಂಡ್, ಆರೆನೊಟ್ಟುಗೊನೇ ಮದ್ಮೆಲಾ ಆಂಡ್. ಕಂಡನಿ-ಬುಡೆದಿ ಇರುವೆರ್‌ಲಾ ಮೈಕ್ರೋವೇವ್ ಇಂಜಿನಿಯರಿಂಗ್ ವಿಭಾಗೊಡು ಕೆಲವು ಸಂಶೋಧನೆನ್ ಸುರು ಮಲ್ತೆರ್[೩]. ಅತ್ತಂದೆ, ಇಡೀ ಭಾರತ ದೇಸೊಡೇ ಸುರುತ ಆಯಿನ ಮೈಕ್ರೋವೇವ್ ಸಂಶೋಧನಾ ಕೇಂದ್ರೊನು ಸ್ಥಾಪನೆ ಮಲ್ತೆರ್. ಈ ಪೊರ್ತುಡೇ ರಾಜೇಶ್ವರಿಯೆರ್ ಎಲೆಕ್ಟ್ರಿಕಲ್ ಕಮ್ಯುನಿಕೇಶನ್ ಇಂಜಿನಿಯರಿಂಗ್ ಇಲಾಖೆದ ಅಧ್ಯಕ್ಷೆರಾದ್‍ಲಾ ನೇಮಕವಾಯೆರ್.
ತನ್ನ ಜೀವನಾವಧಿಡ್ ಸುಮಾರ್ ೨೦ ಪಿಎಚ್ಡಿ ಕಲ್ಪುನ ವಿದ್ಯಾರ್ಥಿನಕುಲೆಗ್ ಮಾರ್ಗದರ್ಶನ ಮಲ್ತೆರ್, ೧೦೦ದೆಡ್ದ್ ಜಾಸ್ತಿ ಸಂಶೋಧನಾ ಪ್ರಬಂಧೊಲೆನ್ ಬರೆಯೆರ್. ಅತ್ತಂದೆ ೭ ಬೂಕುಲೆನ್ಲಾ ಬರೆಯೆರ್.
ನಿವೃತ್ತಿಡ್ದ್ ಬೊಕ್ಕ
ಸಂಪೊಲಿಪುಲೆರಾಜೇಶ್ವರಿಯೆರ್ ತನ್ನ ಬೇಲೆಡ್ದ್ ೧೯೮೦ಡು ನಿವೃತ್ತಿ ಆಯೆರ್. ನಿವೃತ್ತಿ ಆಂಡಲಾ ಇಲ್ಲಡ್ ಕುಲ್ಲಂದೆ ಭಾರತೀಯ ಮಹಿಳಾ ಅಧ್ಯಯನ ಸಂಘದೊಟ್ಟುಗು ಸೇರೋಂದು ಮಹಿಳಾ ಸಮಾನತೆ, ಬಡತನ, ಜಾತಿ ವ್ಯವಸ್ತೆ, ಮಹಿಳಾ ಶಿಕ್ಷಣೊಡು ಇಪ್ಪುನ ಕೆಲವೊಂಜಿ ಅಡೆತಡೆ- ಈ ಮಾತಾ ವಿಷಯದ ಬಗ್ಗೆ ಅಧ್ಯಯನ ಮಲ್ತೆರ್ ಬೊಕ್ಕ ಆ ಸಮಸ್ಯೆಲೆನ ವಿರುದ್ಧವಾದ್ ಹೋರಾಟ ಮಲ್ತೆರ್.
ತೀರಿನಿ
ಸಂಪೊಲಿಪುಲೆರಾಜೇಶ್ವರಿಯೆರ್ ತೀರ್‌ನಗ ಆರೆಗ್ ೮೦ ವರ್ಷ ಪ್ರಾಯ ಆದಿತ್ಂಡ್. ವಯೋಸಹಜ ಸಮಸ್ಯೆಡ್ದಾವರ ಆರ್ ಬೆಂಗಳೂರುದ ಮಲ್ಲೇಶ್ವರಡ್ ಉಪ್ಪುನ ತನ್ನ ಇಲ್ಲಡ್ ತೀರಿಯೆರ್.
ಬರೆತಿನ ಬೂಕುಲು
ಸಂಪೊಲಿಪುಲೆ- ಎಲಿಮೆಂಟ್ಸ್ ಆಫ್ ಮೈಕ್ರೋವೇವ್ ಇಂಜಿನಿಯರಿಂಗ್.
- ಡೈಎಲೆಕ್ಟ್ರಿಕ್ ಅಂಡ್ ಡೈಎಲೆಕ್ಟ್ರಿಕ್ ಲೋಡೆಡ್ ಆಂಟೆನಾಸ್.
- ಅಡ್ವಾನ್ಸ್ಡ್ ಮೈಕ್ರೋವೇವ್ ಎಂಜಿನಿಯರಿಂಗ್: ಸ್ಪೆಶಲ್ ಅಡ್ವಾನ್ಸ್ಡ್ ಟಾಪಿಕ್ಸ್.
- ಎ ಥೌಸಂಡ್ ಸ್ಟ್ರೀಮ್ಸ್: ಎ ಪರ್ಸನಲ್ ಹಿಸ್ಟರಿ
- ಆಂಟೆನಾ ಥಿಯರಿ ಅಂಡ್ ಪ್ರಾಕ್ಟೀಸ್
- ವಸುಧೈವ ಕುಟುಂಬಕಮ್: ದ ಹೋಲ್ ವರ್ಲ್ಡ್ ಈಸ್ ಬಟ್ ಒನ್ ಫ್ಯಾಮಿಲಿ, ರಿಯಲ್ ಸ್ಟೋರೀಸ್ ಆಫ್ ಸಮ್ ವುಮೆನ್ ಅಂಡ್ ಮೆನ್ ಆಫ್ ಇಂಡಿಯ
- ಆಂಟೆನಾಸ್ ಫಾರ್ ಇನ್ಫಾರ್‌ಮೇಶನ್ ಸೂಪರ್ ಸ್ಕೈವ್‌ವೇಸ್: ಎನ್ ಎಕ್ಸ್‌ಪೋಸಿಶನ್ ಆನ್ ಔಟ್‌ಡೋರ್ ಅಂಡ್ ಇನ್‌ಡೋರ್ ವಯರ್‌ಲೆಸ್ ಆಂಟೆನಾ (ಈ ಬೂಕುನು ರಾಜೇಶ್ವರಿ ಚಟರ್ಜಿ ಬೊಕ್ಕ ಪೆರಂಬೂರ್ ಎಸ್ ನೀಲಕಂಠ ಉಂಬೆರ್ ಸೇರ್‌ದ್ ಬರೆತೆರ್)
ಪಡೆಯಿನ ಪ್ರಶಸ್ತಿಲು
ಸಂಪೊಲಿಪುಲೆ- ಉತ್ತಮವಾಯಿನ ಸಂಶೋಧನಾ ಪ್ರಬಂಧಗಾದ್ ಇನ್‌ಸ್ಟಿಟ್ಯೂಟ್ ಆಫ್ ಇಂಜಿನೀಯರ್ಸ್ ಕೊರ್ತಿನ ಜಗದೀಶ್ಚಂದ್ರ ಭೋಸ್ ಸ್ಮಾರಕ ಪ್ರಶಸ್ತಿ
- ಇನ್‌ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಿಕಲ್ ಮತ್ತು ರೇಡಿಯೋ ಇಂಜಿನೀಯರಿಂಗ್ - ಯುಕೆ ಮೊಕುಲು ಕೊರ್ತಿನ ಮೌಂಟ್ ಬ್ಯಾಟನ್ ಬಹುಮಾನ
- ಅತ್ಯುತ್ತಮ ಸಂಶೋಧನೆ ಬೊಕ್ಕ ಉತ್ತಮ ಬೋಧನಾಕ್ರಮಕ್ಕಾದ್ ಇನ್‌ಸ್ಟಿಟ್ಯೂಟ್ ಆಫ್ ಎಲೆಕ್ಟ್ರಾನಿಕ್ಸ್ ಮತ್ತು ಟೆಲಿಕಮ್ಯೂನಿಕೇಶನ್ ಇಂಜಿನಿಯರ್ಸ್ ಮೊಕುಲು ಕೊರ್ತಿನ ರಾಮ್‌ಲಾಲ್ ವಾಧ್ವಾ ಪ್ರಶಸ್ತಿ
- ಮೇಘನಾದ ಸಹಾ ಪಾರಿತೋಷಕ.
- ಎಮ್ಎಸ್ಸಿ ಡಿಗ್ರಿಡ್ ಫಸ್ಟ್ ರ್‍ಯಾಂಕ್ ಬತ್ತಿನೆಕ್ ಎಮ್ ಟಿ ನಾರಾಯಣ ಅಯ್ಯಂಗಾರ್ ಬಹುಮಾನ ಬೊಕ್ಕ ವಾಲ್ಟರ್ಸ್ ಮೆಮೋರಿಯಲ್ ಫ್ರೈಝ್