ರಾಷ್ಟ್ರಪತಿಭವನ(ದೆಹಲಿ)
ಭಾರತೊದ ರಾಷ್ಟ್ರಪತಿ ಭವನ ದೆಹಲಿಡ್ ಉಂಡು .ಭಾರತದ ಮಾಮಲ್ಲ ನಾಯಕೆ, ಭಾರತದ ಗಣತಂತ್ರದ ಅಧ್ಯಕ್ಷೆರೆನ ಇಲ್ಲಗ್ ರಾಷ್ಟ್ರಪತಿಭವನಂದ್ ಪನ್ಪೆರ್.ಮುಲ್ಪ ನಮ್ಮದೇಶದ ೩ ಸೇನಾಪಡೆತ ದಂಡನಾಯಕೆರ್ ರಾಷ್ಟ್ರಪತಿಲು ವಾಸ ಮಲ್ಪುವೆರ್. ಈ ಮಾಮಲ್ಲ ಕಟ್ಟಡೊನು ಅದಗದ ಬ್ರಿಟಿಷ್ ಸಾಮ್ರಾಜ್ಯದ ಗವರ್ನರ್ ಜನರಲ್ ಆಫ್ ಬ್ರಿಟಿಷ್ ಇಂಡಿಯದಾರೆನ ವಾಸಗು ಬೋಡಾದ್ ನಿರ್ಮಾಣ ಮಲ್ತೆರ್. ನಮಕ್ ಸ್ವಾತಂತ್ರ್ಯ ತಿಕ್ಕಿ ಬೊಕ್ಕ ಕಡೆತ ಗವರ್ನರ್ ಜನರಲ್  ಪಂದ್ ಲೆತ್ತೊಂದಿತ್ತಿನ ಬಿರ್ದ್ಡ್ ಈ ಭಾರಿ ಮಲ್ಲ ಬಂಗಲೆಡ್ ಉಂತಿನ ಕೀರ್ತಿ ಚಕ್ರವರ್ತಿ ರಾಜಗೊಪಾಲಾಚಾರ್ಯೆರೆಗ್ ಸಲ್ಲುಂಡು. ಒಟ್ಟಾರೆ ೩೪೦ ಕೋಣೆಲುಪ್ಪುನ ಈ ಪ್ರಮುಖ ಕಟ್ಟಡೊನೆ ರಾಷ್ಟ್ರಪತಿ  ಭವನ .ಉಂದು ಒಟ್ಟು ೧೩೦ ಹೆಕ್ಟೇರ್ (೩೨೦ ಎಕರೆ)ಡ್ ರಾಷ್ಟ್ರಪತಿನ ಆಡಳಿತೊಗು ಅರೆನ ಘನತೆಗೆ ಸರಿಯಾದ್  ಮಲ್ಲ ಹಾಲ್ ಗಳು, ಅತಿಧಿಗೃಹಕುಲು, ಆಫೀಸ್ ರೂಮುಲು ಬೊಕ್ಕ ವಿಶೇಷ ರೀತಿಡ್ ನಿರ್ಮಾಣ ಮಲ್ತಿನ ಮುಘಲ್ ಗಾರ್ಡನ್ಸ್  ಅತ್ತಂದೆ  ಮೈದಾನೊಲು ತೂಯೆರೆ ಭಾರಿ ಪೊರ್ಲು, ಅರೆನ ಅಂಗರಕ್ಷಕೆರೆನ, ಬೇತೆ ಬೇಲೆದಕುಲೆನ ಇಲ್ಲ್‌ಲು, ಕುದುರೆ ಲಾಯೊಲು ಬೇತೆ ಕಾರ್ಯಾಲಯೊಲು ಮಾತ ಭವನದ ಉಲಯಿ ಉಂಡು.[೧]

ಮಸ್ತ್ ವಿಸ್ತಾರವಾಯಿನ ಭವನೊಸಂಪೊಲಿಪುಲೆ

ರಾಷ್ತ್ರಪತಿನ ಈ ಭವ್ಯ ಭವನೊನು ಅಮೆರಿಕದ ಅಧ್ಯಕ್ಷೆರೆನ ನಿವಾಸೊ 'ವೈಟ್ ಹೌಸ್' ನ್ ಭವನೊಗು ಹೋಲಿಕೆ ಮಲ್ತ್ಂಡ ಅಯಿತ ವಿಸ್ತಾರ ಖಾಲಿ ೧೮ ಎಕ್ರೆ ಮಾತ್ರ. ಈತ್ ಜಾಗೆಡ್ ನಮ್ಮ ಗಾರ್ಡನ್ ಪೂತ, ತೋಟ, ಬೊಕ್ಕ ಅಂಚನೆ ವಿಶ್ರಾಂತಿಗ್ ಬುಡ್ನ ಮೈದಾನೊಲು ಸೇರ್ದುಂಡು.ಭಾರತೊದ ರಾಷ್ಟ್ರಪತಿ ಭವನೊ ದೆಹಲಿ ಉಂಡು. ಎಡ್ವಿನ್ ಲ್ಯೂಟಿನ್ಸ್ ಉಂದೆತ ವಾಸ್ತು ಶಿಲ್ಪಿ ಆದುಲ್ಲೆರ್.ಉಂದುತ ನಿರ್ಮಾಣ ೧೯೧೨ಡ್ ಸುರುವಾದ್ ೧೯೨೯ನೇ ಇಸವಿಡ್ ಮುಗಿತ್ಂಡ್

ಇತಿಹಾಸಸಂಪೊಲಿಪುಲೆ

೨೦ ನೆ ಶತಮಾನದ ಸುರುಟು ಅಪಗದ ಕಲ್ಕತ್ತಾ ನಗರೊಡ್ದು ದೆಹಲಿಗ್ ರಾಜಧಾನಿನ್ ಬದಲಾವಣೆ ಮಲ್ಪುನ ಭಾರಿ ಯೋಜನೆ ಬ್ರಿಟಿಷ್ ಸಾಮ್ರಾಜ್ಯದ ಮನಸ್ಸ್‌ಡ್ ಇತ್ತ್ಂಡ್. ಪರ ದೆಹಲಿಯದ ಮುಟ್ಟಡ್ ಪೊಸದೆಹಲಿನ್ ಕಟ್ಟುನ ಮಲ್ಲ ಯೋಜನೆದ 'ನಕ್ಷೆ' ತಯಾರಾದಿತ್ತ್ಂಡ್. ಈ ಭವನೊನು ಕಟ್ಟುನ ಮಾಮಲ್ಲ ಯೋಜನೆನ್ ಬ್ರಿಟಿಷ್ ಸರಕಾರ ಮಲ್ತ್‌ದಿತ್ತ್ಂಡ್. ಭಾರತದೇಶದ ಸರ್ವೋಚ್ಚನಾಯಕ, ಗವರ್ನರ್ ಜನರಲ್ ವಾಸ ಮಲ್ಪುನ ಭವನ ಸೌಕರ್ಯ ಮಾತ ಇತ್ತ್‌ದ್ ಪೊರ್ಲಾದ್ ಬೊಕ್ಕ ಮಾದರಿಯಾದ್ ಉಪ್ಪೊಡು ಪನ್ಪಿನ ಇರಾದೆಡ್ ಭಾರಿ ಜಾಗ್ರತೆಡ ಸುಮಾರು ೪,೦೦೦ ಎಕ್ರೆ ಜಾಗೆಡ್ ಸೆಂಟ್ರೆಲ್ ಸೆಕ್ರೆಟೇರಿಯೆಟ್ ಭವನೊನು ನಿರ್ಮಾಣ ಮಲ್ಪುನ ಏರ್ಪಾಡಾಂಡ್. ಸುಮಾರ್. ೧೯೧೧ ಬೊಕ್ಕ ೧೯೧೬ ತ ಮಧ್ಯೊಡು, ನಿರ್ಮಾಣಕಾರ್ಯ ಸುರುವಾಂಡ್. 'ರೈಸಿನಾ' ಬೊಕ್ಕ ಮಾಲ್ಚಾ' ಗ್ರಾಮೊಲು ಸುರುಟೆ ಈ ಜಾಗೊಡು ಇತ್ತ್ಂಡ್ '೧೮೯೪ ಲ್ಯಾಂಡ್ ಅಕ್ವಿಸಿಶನ್ ಆಕ್ಟ್ ಪ್ರಕಾರ', ಆ ಗ್ರಾಮೊದ ಸುಮಾರು ೩೦೦ ಕುಟುಂಬೊದಕುಲೆಗ್ ದೆಹಲಿದ ಬೇತೆ ಪ್ರದೇಸೊಡು ಇಲ್ಲ್ ಕಟ್ಟೆರೆ ಪೊಸ ಜಾಗೊಲೆನ್ ಕೊರಿಯೆರ್....

ಬಾಹ್ಯ ಸಂಪರ್ಕೊಸಂಪೊಲಿಪುಲೆ

ಉಲ್ಲೇಕೊಸಂಪೊಲಿಪುಲೆ

  1. http://www.rashtrapatisachivalaya.gov.in/rbtour/about-us