ವೈಷ್ಣೋ ದೇವಿ

ವೈಷ್ಣೋ ದೇವಿ ದೇವಿನ್ ಮಾತಾ ರಾಣಿ, ತ್ರಿಕೂಟ, ಅಂಬೆ ಬೊಕ್ಕ ವೈಷ್ಣವಿ ಪನ್ಡ್‌ಲ ಲೆಪ್ಪುವೆರ್ ಈ ಹಿಂದೂ ದೇವತೆ ಲಕ್ಷ್ಮಿನ ಅವತಾರವಾದುಂಡು ಕೆಲವೊಮ್ಮೆ ಕೆಲವು ನಂಬಿಕೆಲೆಡ್ ವೈಷ್ಣೋದೇವಿನ್|ಮಹಾಲಕ್ಷ್ಮಿನ ರೂಪ ಪಂದ್‌ಲ ನಂಬುವೆರ್. ವೈಷ್ಣೋದೇವಿನ್ ಮಹಾಕಾಳಿ, ಮಹಾಲಕ್ಷ್ಮಿ ಬೊಕ್ಕ ಮಹಾಸರಸ್ವತಿ ದೇವತೆಲೆನ ಒಟ್ಟು ಅವತಾರವಾದ್‌ಲ ಪೂಜೆ ಮಲ್ಪುವೆರ್. ಉಂದತ್ತಂದೆ ಈ ದೇವಿನ್ ಹರಿ ಅತ್ತ್ಂಡ ವಿಷ್ಣುನ ಶಕ್ತಿ ಸ್ವರೂಪಿಣಿಯಾದ್‌ಲ ನಂಬುವೆರ್

ವೈಷ್ಣೋ ದೇವಿ
ಮಾತಾ ದೇವಿ ; ಪರ್ವತ ದೇವಿ
ವೈಷ್ಣೋದೇವಿನ ಪವಿತ್ರ ಗುಹೆತ ಉಲಯಿದ ದೃಶ್ಯ. ಮಹಾಕಾಳಿ, ಮಹಾಲಕ್ಷ್ಮಿ, ಮಹಾಸರಸ್ವತಿ ದೇವಿಲೆನ ಸ್ವರೂಪವಾಯಿನ ಕಲ್ಲ್‌ಲೆನ್ ಚಿತ್ರೊಡು ತೂವೊಲಿ
ಬೇತೇ ಪುದರ್ಲು	ವೈಷ್ಣವಿ, ಮಾತಾ ರಾಣಿ, ಅಂಬೆ, ತ್ರಿಕೂಟೆ, ಶೇರಾವಾಲಿ, ಜ್ಯೋತಾವಾಲಿ, ಪಹಡಾವಾಲಿ, ದುರ್ಗಾ, ಭಗವತಿ, ಜಗದಂಬಾ, ಲಕ್ಷ್ಮಿ, ವಿಷ್ಣುಮಾಯ, ವಿಷ್ಣುಪ್ರಿಯ, ರಮಾ, ಮಾಣಿಕಿ
Affiliation	ಮಹಾದೇವಿ, ದುರ್ಗೆ, ಮಹಾಕಾಳಿ, ಮಹಾಲಕ್ಷ್ಮಿ,Mahasarasvati
ಇಪ್ಪುನ ಜಾಗೆ	ವೈಷ್ಣೋ ದೇವಿ ದೇವಸ್ಥಾನ, ಜಮ್ಮು ಕಾಶ್ಮೀರೊಡುಪ್ಪುನ ಕಠಾರ, ಭಾರತ
ವಾಹನ	ಹುಲಿ ಮತ್ತು ಸಿಂಹ
ವೈಯಕ್ತಿಕ ಇಸಯೊಲು
ಪೋಷಕೆರ್	ರಾಜ ರತ್ನಾಕರ (father) ರಾಣಿ ಸಮೃದ್ಧಿ (mother)
ಸಂಗಾತಿ	ಅವಿವಾಹಿತೆ

ಮೂಲ

ಪುರಾಣ

ದೇವಿ ಮಹಾಭಾಗವತ ಪುರಾಣೊಡು ಈ ದೇವಿನ್ "ವಿಷ್ಣುಪ್ರಿಯಾ" ಪಂದ್ ಉಲ್ಲೇಖಿಸದೆರ್.

ವರಾಹ ಪುರಾಣದ ತ್ರಿಶಕ್ತಿ ಮಾಹಾತ್ಮ್ಯಡ್, ಈ ದೇವಿನ್ ತ್ರಿಕಾಲ ದೇವತೆಡ್ದ್ ಪುಟ್ಯಲ್ಂದ್ ಉಲ್ಲೇಖಿಸದೆರ್ ತ್ರಿಕಾಲ ದೇವತೆ ತ್ರಿಮೂರ್ತಿಲೆಡ್ದ್ ಪುಟ್ಟಿನ ದೇವತೆ ಪನ್ಪೆರ್. ಇತ್ತೆದ ತ್ರಿಕೂಟ ಧಾಮ ಕ್ಷೇತ್ರೊಡು ದುಂಬು ಶತಷ್ಣಗ ಪರ್ವತ ಇತ್ತ್ಂಡ್. ಅಲ್ಪ ಇತ್ತಿನ ಮಹಿಷಾಸುರೆ ಪನ್ಪಿ ರಕ್ಕಸನ್ ಈ ದೇವಿ ಸಂಹಾರ ಮಲ್ತಲ್ ಪನ್ಪಿನ ನಂಬಿಕೆ ಉಂಡು

ಲಕ್ಷ್ಮೀನಾರಾಯಣ ಸಂಹಿತೆದ ಕೃತಯುಗ ಸಂತಾನ ಬೊಕ್ಕ ದ್ವಾಪರಯುಗದ ಸಂತಾನ ಈ ದೇವಿನ್ "ಮಾಣಿಕಿ", ಕಲ್ಕಿನ ಶಕ್ತಿ ಪಂದ್ ಎನ್ನಿದೆರ್, ದಾಯೆ ಪಂಡ ಈ ದೇವಿ ಮಾಣಿಕಾ ಪರ್ವತೊಡು (ತ್ರಿಕೂಟ ಪರ್ವತದ ನನೊಂಜಿ ಪುದರ್) ನೆಲೆ ಆತಲ್.

ತಂತ್ರ

ಬೃಹತ್ ತಂತ್ರಸಾರದ ಪ್ರಕಾರ, ಆಳೆನ್ "ಹರಿಪ್ರಿಯಾ ತ್ರಿಕೂಟಾ" ಪಂದ್ ಲೆತ್ತೆರ್.

ತೀರ್ಥಯಾತ್ರೆ ಮಾರ್ಗ

ಪ್ರೊಫೆಸರ್ ಬೊಕ್ಕ ಲೇಖಕೆ ಮನೋಹರ್ ಸಜ್ನಾನಿ ಪನ್ಪಿನ ಪ್ರಕಾರ ಹಿಂದೂ ನಂಬಿಕೆದ ಪ್ರಕಾರ ವೈಷ್ಣೋ ದೇವಿನ ಮೂಲ ವಾಸಸ್ಥಾನ ಅರ್ಧ ಕುನ್ವಾರಿ. ಉಂದು ಕತ್ರಾ ಪಟ್ಟಣ ಬೊಕ್ಕ ಗುಹೆತ ನಡುಟು ತಿಕ್ಕುನ ಜಾಗೆ ಆದುಂಡು. ಬಾಲೆ 9 ತಿಂಗಳು ಎಂಚ ಅಪ್ಪೆನ ಗರ್ಭೊಡು ಉಪ್ಪುಂಡೊ ಅಂಚನೆ 9 ತಿಂಗಳು ಈ ಗುಹೆಟ್ ಧ್ಯಾನ ಮಲ್ತಲ್. ವೈಷ್ಣೋದೇವಿನ್ ಪತ್ತೆರೆ ಭೈರವನಾಥೆ ಪಿರವೆ ಬಲಿತ್ ಪೋನಗ ದೇವಿ ಬೆಟ್ಟದ ಗುಹೆತಾಡೆ ಬತ್ತಲ್. ಅದಗ ಆಲ್ ಹನುಮಂತನ್ ಲೆತ್ತ್‌ದ್ ಯಾನ್ ಈ ಗುಹೆಟ್ ಒರ್ಂಭ ತಿಂಗಳು ತಪಸ್ಸು ಮಲ್ಪುವೆ ಅಡೆ ಮುಟ್ಟು ಈ ಭೈರವನಾಥನ್ ಗುಹೆತ ಉಲಯಿ ಬರಿಯೆರೆ ಬುಡೆರೆ ಬಲ್ಲಿ " ಪಂದ್ ಪನ್ಪಲ್. ಹನುಮಂತೆ ಅಪ್ಪೆನ ಆಜ್ಞೆ ಪಾಲನೆ ಮಲ್ಪುವೆ ಅಂಚಾದ್ ಭೈರವನಾಥನ್ ಈ ಗುಹೆತ ಪಿದಯಿ ಉಂತಾದೆರ್ ಪನ್ಪಿನೆನ್ ಸ್ಥಳೀಯ ದಂತಕತೆಕುಲು ಪನ್ಪುಂಡು. ಇನಿ ಆ ಪವಿತ್ರ ಗುಹೆನ್ 'ಅರ್ಧ ಕುನ್ವಾರಿ' ಪಂದ್ ಲೆಪ್ಪುವೆರ್.

ದೇವಲ್ಯೊ

ವೈಷ್ಣೋ ದೇವಿ ದೇವಲ್ಯೊ ವೈಷ್ಣೋ ದೇವಿಗ್ ಸಮರ್ಪಿತವಾಯಿನ ಪ್ರಮುಖ ಹಿಂದೂ ದೇವಲ್ಯೊವಾದಿತ್ತ್‌ದ್ ಜಮ್ಮು ಬೊಕ್ಕ ಕಾಶ್ಮೀರದ ಭಾರತೀಯ ಕೇಂದ್ರಾಡಳಿತ ಪ್ರದೇಶದ ತ್ರಿಕೂಟ ಪರ್ವತೊಡಿಪ್ಪುನ ಕತ್ರಾಡ್ ಉಂಡು . ವೈಷ್ಣೋದೇವಿ ಪಂದ್ ಪೂಜೆ ಮಲ್ಪುನ ದುರ್ಗೆಗ್ ಸಮರ್ಪಿತವಾಯಿನ 108 ಶಕ್ತಿ ಪೀಠೊಲೆಡ್ ಈ ದೇವಲ್ಯೊಲ ಒಂಜಾದುಂಡು ಉಂದು ಭಾರತದ ಜಾಸ್ತಿ ಯಾತ್ರಿಲು ಭೇಟಿ ಕೊರ್ಪುನ ಯಾತ್ರಾ ಕೇಂದ್ರವಾದುಂಡು .ಪ್ರತಿ ವರ್ಷ ಲಕ್ಷಾಂತರ ಪ್ರವಾಸಿಲು ದೇವಾಲಯೊಗು ಬರ್ಪೆರ್. ನವರಾತ್ರಿದಂಚಿನ ಪರ್ಬೊದ ಪೊರ್ತುಡು, ಪ್ರವಾಸಿಲೆನ ಸಂಖ್ಯೆ ಒಂದು ಕೋಟಿಡ್ದ್‌ಲ ಜಾಸ್ತಿ ಉಪ್ಪುಂಡು. ವೈಷ್ಣೋದೇವಿ ದೇವಲ್ಯೊ ಭಾರತದ ಶ್ರೀಮಂತ ದೇವಲ್ಯೊಲೆಡ್ ಒಂಜಾದುಂಡು. ಲೇಖಕೆರಾಯಿನ ಮೈಕೆಲ್ ಬಾರ್ನೆಟ್ ಬೊಕ್ಕ ಜಾನಿಸ್ ಗ್ರಾಸ್ ಸ್ಟೈನ್ ಪನ್ಪಿ ಪ್ರಕಾರ"ಜಮ್ಮುದ ಮಾತಾ ವೈಷ್ಣೋ ದೇವಿ ದೇವಲ್ಯೊಗು ಸುಮಾರು $16 ಶತಕೋಟಿ ವಾರ್ಷಿಕ ಆದಾಯ ಉಂಡುಗೆ".

ಈ ದೇವಲ್ಯೊ ಮಾತ ಹಿಂದೂಲೆಗ್ ಪವಿತ್ರವಾದುಂಡು. ಸ್ವಾಮಿ ವಿವೇಕಾನಂದರ್ ಅಂಚನೆ ಬೇತೆ ಮಸ್ತ್ ಪ್ರಮುಖ ಸಾಧು ಸಂತೆರ್ ದೇವಲ್ಯೊಗು ಭೇಟಿ ಕೊರ್ತೆರ್.