ಸರ್ ಎಂ ವಿಶ್ವೇಶ್ವರಯ್ಯ

ಮೋಕ್ಷಗುಂಡಮ್ ವಿಶ್ವೇಶ್ವರಯ್ಯ ಮೇರ್ ಒರಿ ಸಿವಿಲ್ ಇಂಜಿನಿಯರ್ ೧೯೬೧ತ ಸೆಪ್ಟೆಂಬರ್ ೧೫ನೇ ತಾರೀಕ್‌ದಾನಿ ಕೋಲಾರ ಜಿಲ್ಲೆದ ಚಿಕ್ಕಬಳ್ಳಾಪುರ ತಾಲೂಕುದ ಮುದ್ದೇನಹಳ್ಳಿಡ್ ಶ್ರೀನಿವಾಸ ಬೊಕ್ಕ ವೆಂಕಟಮ್ಮ ದಂಪತಿಗ್ ಮಗೆ ಆದ್ ಪುಟ್ಟಿಯೆರ್. ಮೇರೆನ ವಂಶೊದ ಪೂರ್ವಜೆರ್ ಪ್ರಾಂತ್ಯೊದ ಕರ್ನೂಲ್ ಜಿಲ್ಲೆದ ಮೋಕ್ಷಗುಂಡಂ ಪನ್ಪಿ ಹಳ್ಳಿಡ್ದ್ ವಲಸೆ ಬತ್ತ್‌ದ್ ಮುದ್ದೇನಹಳ್ಳಿಡ್ ವಾಸ ಮಲ್ತೊಂದಿತ್ತೆರ್. ಆ ಹಳ್ಳಿದ ಸಂಪರ್ಕ ಇಜ್ಜಿಂಡಲಾ ಮೇರ್ ಮೋಕ್ಷಗುಂಡಂ ವಿಶ್ವೇಶ್ವರಯ್ಯ ಪಂಡ್ದೇ ಖ್ಯಾತಿ ಪಡೆಯೊಂದೆರ್.

ಸರ್ ಎಮ್. ವಿಶ್ವೇಶ್ವರಯ್ಯ
ವಿಶ್ವೇಶ್ವರಯ್ಯ ಅರೆನ ೩೦ನೇ ಪ್ರಾಯೊಡು
೧೯ನೇ ದಿವಾನ
ಅಧಿಕಾರ ಅವಧಿ ೧೯೧೨ – ೧೯೧೮
Monarch	ನಾಲ್ವಡಿ ಕೃಷ್ಣರಾಜ ಒಡೆಯರ್
ಪೂರ್ವಾಧಿಕಾರಿ	ಟಿ. ಆನಂದರಾವ್
ಉತ್ತರಾಧಿಕಾರಿ	ಎಮ್. ಕಾಂತರಾಜೇ ಅರಸ್
ವೈಯಕ್ತಿಕ ಮಾಹಿತಿ
ಜನನ	ಮೋಕ್ಷಗುಂಡಮ್ ವಿಶ್ವೇಶ್ವರಯ್ಯ ೧೫ ಸೆಪ್ಟೆಂಬರ್ ೧೮೬೧ ಮುದ್ದೇನಹಳ್ಳಿ, ಮೈಸೂರು ರಾಜ್ಯ, ಬ್ರಿಟೀಷ್ ಭಾರತ
ಮರಣ	೧೨/೧೪ ಎಪ್ರಿಲ್ ೧೯೬೨ ಬೆಂಗಳೂರು, ಮೈಸೂರು ರಾಜ್ಯ, ಭಾರತ (ಇತ್ತೆದ ಕರ್ನಾಟಕ)
ರಾಷ್ಟ್ರೀಯತೆ	ಭಾರತೀಯ
ಅಭ್ಯಸಿಸಿದ ವಿದ್ಯಾಪೀಠ	ಕೇಂದ್ರೀಯ ಕಾಲೇಜ್ ಬೆಂಗಳೂರು ಇಂಜಿನಿಯರಿಂಗ್ ಕಾಲೇಜ್ ಪುಣೆ ಮದ್ರಾಸ್ ವಿವಿ ಬಾಂಬೆ ವಿವಿ
ಉದ್ಯೋಗೊ	ಸಿವಿಲ್ ಇಂಜಿನಿಯರ್
ಮಿಲಿಟರಿ ಸೇವೆ
ಪ್ರಶಸ್ತಿಲು	ಭಾರತ ರತ್ನ (೧೯೫೫)

ವಿದ್ಯಾಭ್ಯಾಸ

ಬಡ ಕುಟುಂಬೊಡು ಪುಟ್ಟಿನ ಮೇರ್ ಕಾಂಡೆ ಬೇಕ ಲಕ್ಕ್ದ್ ನಾಲ್ ಜೋಕ್ಲೆಗ್ ಪಾಠ ಕಲ್ಪಾದ್ ಕಾಸ್ ಸಂಪಾದನೆ ಮಂತ್ದ್ ರಾತ್ರೆದ ಪೊರ್ತುಗ್ ಬೀದಿ ದೀಪೊದ ತಿರ್ತ್ ಕುಲ್ಲುದ್ ಓದ್ದದ್ ೧೯೮೨-೯೩ಟ್ ಬೊಂಬಾಯಿಡ್ ಇಂಜಿನಿಯರ್ ಪರೀಕ್ಷೆ ಬರೆದ್ ಪಾಸಾದ್ ಅಸಿಸ್ಟಂಟ್ ಇಂಜಿನಿಯರ್ ಬೊಕ್ಕ ಮೈಸೂರು ಸರ್ಕಾರೊದ ಚೀಫ್ ಇಂಜಿನಿಯರ್ ಆಯೆರ್. ಆರೆನ ಕಾರ್ಯೊದಕ್ಷತೆ ಬೊಕ್ಕ ವ್ಯಕ್ತಿತ್ವೊನ್ ಪುಗರ್ದ್ ಅರಸೆರ್ ೧೯೧೨ಟ್ ಸಂಸ್ಥಾನೊದ ದಿವಾನೆರಾದ್ ನೇಮಕ ಮಲ್ತೊಂಡೆರ್.ಶಿಕ್ಷಣ ಕ್ಷೇತ್ರೊದ ಪ್ರಗತಿಗ್ ಬೆಂದಿಯೆರ್.

ಸಾಧನೆ

ಕರ್ನಾಟಕೊದ ಜೀವನದಿ ಆಯಿನ ಕಾವೇರಿ ಸುದೆಕ್ ಅಡ್ಡ ಆದ್ ಮಲ್ಲ 'ಕೃಷ್ಣರಾಜಸಾಗರ' ಪನ್ಪುನ ಅಣೆಕಟ್ಟ್ ಕಟ್ಟಿಯೆರ್. ಭದ್ರಾವತಿದ ಕರ್ಬ ಬೊಕ್ಕ ಉಕ್ಕುದ ಕಾಖಾ೯ನೆ ಮೈಸೂರುದ ಗಂಧದೆಣ್ಣೆ ಕಾಖಾ೯ನೆ, ಮೈಸೂರು ವಿಶ್ವವಿದ್ಯಾಲಯ, ಕನ್ನಡ ಸಾಹಿತ್ಯ ಪರಿಷತ್, ಸ್ಟೇಟ್ ಬ್ಯಾಂಕ್ಯ್ ಆಫ್ ಮೈಸೂರು, ಉಂದು ಮಾತೆತೊಟ್ಟುಗ್ಲಾ ವಿಶ್ವೇಶ್ವರಯ್ಯೆರೆನ ಪುದರುಂಡು.

ಸಮ್ಮಾನೋ

ಮೇರೆನ ಬೇಲೆ ಮೆಚ್ಚಿನ ಭಾರತ ಸರ್ಕಾರ ಮೇರೆಗ್ ೧೯೫೫ಟ್ ಭಾರತ ರತ್ನ ಪ್ರಶಸ್ತಿ ಕೊರ್ದು ಗೌರವಿಸಾಂಡ್.ಬೇಲೆಡ್ ಪ್ರತಿಯೊರಿಯಗ್ಲಾ ಮಾದರಿಯಾದಿಪ್ಪುನ ವಿಶ್ವಕೀರ್ತಿ ಪಡೆಯೊಂದಿನ ಮೇರ್ ೧೯೬೨ಟ್ ಇಹಲೋಕ ತ್ಯಜಿಸಿಯೆರ್. ಈ ಬಹುಮುಖ ಪ್ರತಿಭೆ ಸರ್ ಎಂ ವಿ ಸದಾ ನಮಕ್ ಮಾತ ಪ್ರಾತಃ ಸ್ಮರಣೀಯೆರ್.