ಹರ್ಷವರ್ದನ್ ಜಾಲಾ
ಹರ್ಷವರ್ದನ್ ಜಾಲಾ ಪಂಡ ಎಲ್ಯ ಪ್ರಾಯೋಡೆ ಮಲ್ಲ ಸಾಧನೆ ಮಲ್ತಿನ ಪುಟ್ಟಾಣಿ. ಗುಜರಾತ್ದ ಅಹಮದಬಾದ್‌ಡ್ ಪುಟ್ಟ್‌ದ ಇತ್ತೆ ಸರ್ವೋದಯ ವಿದ್ಯಾಮಂದಿರೊಡು ೧೦ ನೆ ಕ್ಲಾಸ್ ಕಲ್ಪುನ ಪುಟ್ಟಾಣಿ ವಿಜ್ಞಾನಿ ಸಂಶೋಧನೆ ಬೊಕ್ಕ ವಿಜ್ಞಾನದ ಬಗ್ಗೆ ಮಸ್ತ್ ಆಸಕ್ತಿ ಇತ್ತಿನ ೧೪ ವರ್ಸೊದ ಹರ್ಷವರ್ದನ್ ನೆಲಬಾಂಬ್ ಪತ್ತೆ ಮಲ್ಪುನ ಡ್ರೋನ್‍ನ್ ತಯಾರಿ ಮಲ್ತ್ದ್ ತನ್ನ ಸಾಧನೆ ತೋಜ್ಪಾದ್ ಕೊರ್ತೆ.[೧] ಹರ್ಷವರ್ದನ್ ಜಾಲಾನ ಪೊಪ್ಪ ಪ್ರದ್ಯುಮ್ನ ಸಿನ್ಹ ಜಾಲಾ ವಿಶಾಲ್ ಪ್ಲಾಸ್ಟ್ ಪನ್ಪಿನ ಕಂಪೆನಿಡ್ ಅಕೌಟೆಂಟ್ ಬೇಲೆ ಬೆಂದೊಂದುಲ್ಲೆರ್. ಅಂಚನೆ ಅಪ್ಪೆ ನಿಶಬಾ ಜಾಲಾ ಗೃಹಿಣಿ. ಅವೆತ ಒಟ್ಟುಗು ಸೀರೆ ಕಾಜಿದ ವ್ಯಾಪಾರ ಮಲ್ತೊಂದು ಮಗನ ಸಾದನೆಗ್ ಬೆರಿ ಸಾಯೊಡು ಪ್ರೋತ್ಸಾಹ ಕೊರ್ಪುನೆದೊಟ್ಟುಗು ಸುರುಕು ಡ್ರೋನ್ ತಯಾರಿಕೆಗ್ ೨ ಲಕ್ಷ ರೂಪಾಯಿ ಕೊರ್ಪೆರ್. ಅವೆರ್ದ್ ಬೊಕ್ಕ ಆಯನ ಸಾಧನೆನ್ ಮೆಚ್ಚಿದ್ ಆಯಗ್ ಪ್ರೋತ್ಸಾಹ ಕೊರ್ದ್ ೩ ಲಕ್ಷ ರೂಪಾಯಿನ್ ಗುಜರಾತ್ ಸರಕಾರ ಕೊರ್ಪುಂಡು[೨].
ಸಾಧನೆ
ಸಂಪೊಲಿಪುಲೆ೧೪ ವರ್ಷದ ಹರ್ಷವರ್ದನ್ ಆಯನ ವಿದ್ಯಾಬ್ಯಾಸದೊಟ್ಟುಗು ನೆಲಬಾಂಬ್ ಪತ್ತೆ ಮಲ್ಪುನ ಡ್ರೋನ್‍ನ್ ತಯಾರಿ ಮಲ್ತ್‌ದೆ ಸಂಶೋಧನೆದ ದುಂಬುದ ಹಂತೊಗು ಗುಜರಾತ್ ಸರಕಾರದೊಟ್ಟುಗು ೫ ಕೋಟಿ ಮೌಲ್ಯದ ಒಪ್ಪಂದೊಗು ಸಹಿ ಪಾಡ್‍ದ್ ಸಾಧನೆ ಮೊಟ್ಟಿಕಲ್ಲ್ ಏರೊಂದುಲ್ಲೆ. ಅಯಿತ ಒಟ್ಟುಗು ಆಯನೆವೇ ಆಯಿನ ಎರೋ ಬೋಟಿಕ್ಸ್ 7ಟೆಕ್ ಸೊಲ್ಯೂಷ್ಯನ್ಸ್ ಪನ್ಪಿನ ಕಂಪೆನಿ ಸುರು ಮಲ್ತ್ ನಡಪಾವೊಂದುಲ್ಲೆ.[೩]
ಡ್ರೋನ್‍ದ ಉಪಯೋಗ
ಸಂಪೊಲಿಪುಲೆಯುದ್ಧ ಭೂಮಿಡ್ ನೆಲತ ಅಡಿಟ್ ದೆಂಗಾದ್ ದೀನ ನೆಲಬಾಂಬ್‍ಲೆನ್‍ ಈ ಡ್ರೋನ್ ಪತ್ತೆ ಮಲ್ತ್ದ್ ಬಾಂಬುಗ್ ಬಲಿಯಾಪಿನಂಚಿನ ಭಾರತೀಯ ಸೈನಿಕೆರೆನ್ ರಕ್ಷಣೆ ಮಲ್ಪುಂಡು.
ಕಾರ್ಯವೈಖರಿ
ಸಂಪೊಲಿಪುಲೆಈ ಡ್ರೋನ್ ಇಫ್ರಾರೆಡ್ ಸೆನ್ಸಾರ್, ಥರ್ಮಲ್ ಮೀಟರ್ ಬೊಕ್ಕ ಆರ್ಜಿಬಿ ಸೆನ್ಸಾರ್‍ದ ಮುಖಾಂತರ ಕೆಲಸ ಮಲ್ಪುಂಡು. ಈ ಡ್ರೋನ್‍ಡ್ ೨೧ ಮೆಗಾ ಪಿಕ್ಸಲ್‍ದ ಕ್ಯಾಮರ ಉಂಡು. ಉಂದು ಯುದ್ಧ ಭೂಮಿದ ಕಾರ್ಯಚರಣೆಡ್ ನೆಲಬಾಂಬ್‍ನ್ ಪತ್ತೆ ಮಲ್ತ್ದ್ ಸೈನಿಕೆರೆನ್ ರಕ್ಷಣೆ ಮಲ್ಪುಂಡು.
ಪ್ರೇರಣೆ
ಸಂಪೊಲಿಪುಲೆಹರ್ಷವರ್ದನ್ ಜಾಲಾಗ್ ಡ್ರೋನ್ ತಯಾರಿಕೆಗ್ ಪ್ರೇರಣೆ ಪಂಡ ಟಿ.ವಿ. ತೂವೋಂದುಪ್ಪುನಗ ಭಾರತದ ಸೈನಿಕೆರ್ ನೆಲಬಾಂಬ್‍ಗ್ ಬಲಿಯಾದ್ ತಯಿಪುನೆನ್, ಗಡಿ ಆಪಿನೆನ್ ತೂದ್ ಉಂದೆಕ್ ಪರಿಹಾರೊ ನಾಡೊಡು ಪಂದ್ ಡ್ರೋನ್ ತಯಾರಿಕೆದ ಆಲೋಚನೆ ಬತ್ತ್ಂಡ್.[೪]
ಉಲ್ಲೇಕೊ
ಸಂಪೊಲಿಪುಲೆ- ↑ http://www.businessinsider.in/meet-harshwardhan-zala-a-class-10-student-making-drones-for-the-gujarat-government/articleshow/56596634.cms
- ↑ http://www.india.com/news/india/meet-harshwardhan-zala-a-14-year-old-gujarat-student-who-signed-rs-5-crore-mou-for-building-drones-1758533/
- ↑ http://timesofindia.indiatimes.com/city/ahmedabad/vibrant-gujarat-global-summit-this-gujarat-teen-signs-rs-5-crore-mou-for-drones/articleshow/56510747.cms
- ↑ "Archive copy". Archived from the original on 2020-05-23. Retrieved 2017-01-30.
{{cite web}}: CS1 maint: archived copy as title (link)