ಕಡ್ಲೆಸಲಾಯಿ ಸಾಬಕಿದ ಪಾಯ್ಸ

ಕಡ್ಲೆಸಲಾಯಿ ಸಾಬಕಿದ ಪಾಯ್ಸ ಉಂದು ವಿಸೇಸವಾದ್ ಪರ್ಬದಪಗ ಮಾತೆರೆನ ಇಲ್ಲಡ್ ತಿನರೆ ತಿಕ್ಕುಂಡು. ಪಾಯ್ಸ ಒಂಜಿ ಚೀಪೆದ ಸೊತ್ತು. ಬಿಸು, ತುಡರ್, ಚೌತಿ, ತುಳಸಿ ಪರ್ಬ, ಪುದ್ವಾರ್, ವರಮಹಾಲಕ್ಷ್ಮಿ ಪೂಜೆ ಇಂಚಿನ ಪರ್ಬೊದಾನಿ ಮಾತ್ರ ಅತ್ತಂದೆ ಪುಟ್ಟಿನ ದಿನೊತ್ತಾನಿ, ಮದಿಮೆ,ಬಯಕೆ ಮದ್ರೆಂಗಿ, ಬಾಲೆತೊಟ್ಟಿಲ್ , ದೇವಸ್ಥಾನೊಡು ಪೂಜೆ ಇಂಚ ಮಾತ ಸಂದರ್ಬೊಲೆಡ್ ಕುಷಿನ್ ಪಟ್ಟೊನುನ ವಿಚಾರೊಡು ಪಾಯ್ಸನ್ ಮಲ್ಪುವೆರ್. ಸೇಮೆದ ಪಾಯ್ಸ, ಗೋದಿದ ಪಾಯ್ಸ, ರವೊತ್ತ ಪಾಯ್ಸ, ಅರಿತ್ತ ಪಾಯ್ಸ, ಬಜಿಲ್‍ದ ಪಾಯ್ಸ ಇಂಚ ಪಾಯಸೊಲೆಡ್ ಸುಮಾರ್ ಬಗೆ ಉಂಡು ಅವೆಟ್ಟ್ ಕಡ್ಲೆಸಲಾಯಿ ಸಾಬಕಿದ ಪಾಯ್ಸಲಾ ಒಂಜಿ.

ಕಡ್ಲೆಸಲಾಯಿ ಸಾಬಕಿದ ಪಾಯ್ಸ

ಕಡ್ಲೆಸಲಾಯಿ ಸಾಬಕಿದ ಪಾಯ್ಸ
ಬೇತೆ ಪುದರ್	ಕಡ್ಲೆಸಲಾಯಿ ಸಾಬಕಿದ ಪಾಯ್ಸ
ಬಗೆ	ಪಾಯ್ಸ
ಮೂಲದ ಜಾಗೆ	ಭಾರತ
ಪ್ರದೇಸೊ	ಕುಡ್ಲ
Serving temperature	ಬೆಚ್ಚ
ಬೊಡಾಯಿನ ಸಾಮಾನ್	ಕಡ್ಲೆಸಲಾಯಿ
Ingredients generally used	ಸಾಬಕಿ

ಬೋಡಾಯಿನ ಸಾಮಾನುಲು

• ಕಡ್ಲೆಸಲಾಯಿ - ೧ ಕಪ್.
• ಸಾಬಕಿ - ಅರ್ದ ಕಪ್.
• ತಾರಾಯಿ - ೧ ಕಪ್.
• ಬೆಲ್ಲ - ಚೀಪೆಗ್ ಬೋಡಾಯ್ನಾತ್.
• ಬೀಜ ,ದ್ರಾಕ್ಷಿ - ಅರ್ದ ಕಪ್.
• ಐನಾಜಿ ಏಲಕ್ಕಿ.

ಮಲ್ಪುನ ವಿದಾನೊ

ಕಡ್ಲೆಸಲಾಯಿ ಸಾಬಕಿ ಬೈಪಾವುನು

ಸುರುಕಾದ್ ದುಂಬುನಾನಿ ಬೊದುಲ್ಪಾದಿನ ಸಾಬಕಿ, ಕಡ್ಲೆಸಲಾಯಿನ್ ಬೆಯ್ಪಾವೊಡು . ಕುಕ್ಕರ್ ಡ್ ಬೆಯ್ಪಾವುನಾಂಡ ನಾಲ್ ಇಜಿಂಡ ಐನ್ ಸಿಟಿ ಪೋವೊಡು.

ತಾರಾಯಿದ ಪೇರ್

ಪೆರೆದಿನ ತಾರಾಯಿದ ಪೂನ್ ಸನ್ನ ಕಡೆದ್ ದೀವೊಡು.

ಬೆಲ್ಲೊದ ಪಾನ್ಕ

ಒಂಜಿ ಬಣಲೆಡ್ ಅರ್ದ ಕಪ್ ನೀರ್ ಪಾರ್ದ್ ನೀರ್ ಬೆಚ್ಚ ಆಯಿ ಬೊಕ್ಕ ಅವೆಕ್ಕ್ ಬೆಲ್ಲ ಪಾರ್ದ್ ಕೊದ್ಪಾದ್ ಪಾರ್ದಿನ ಬೆಲ್ಲನ್ ಕರಪ್ಪಾವೊಡು. ಬೊಕ್ಕ ಚಪ್ಪೆ ಆತಿನ ಬೆಯ್ಪಾದಿನ ಕಡ್ಲೆಸಲಾಯಿ ಬೊಕ್ಕ ಸಾಬಕಿಗ್ ತಾರಾಯಿದ ಪೇರ್ ನ್ ಪಾಡೊಡು. ಅವೆರ್ದ ಬೊಕ್ಕ ಬೆಲ್ಲೊದ ಪಾನ್ಕ, ನೈ ಟ್ ಪೊತ್ತುದಿನ ಬೀಜ-ದ್ರಾಕ್ಷಿನ್ ಅಂಚನೆ ಚೂರು ಉಪ್ಪು ಪಾರ್ದ್ ನೀರ್ ಕೂಟೊಡು. ಬೊಕ್ಕ ಪಾಯ್ಸ ನ್ ಕೊದಿಪಾವೊಡು .ಕೊದಿಪಾನಗ ಪಾಯ್ಸನ್ ತಿರ್ಗಾವೊಂದೇ ಇಪ್ಪೊಡು ಇಜಿಂಡ ಅಡಿಪತ್ತುನ ಸಾಧ್ಯತೆ ಉಂಡು.