ನೀರಜ್ ಚೋಪ್ರಾ

ನೀರಜ್ ಚೋಪ್ರಾ
ನೀರಜ್ ಚೋಪ್ರಾ
	ನೀರಜ್ ಚೋಪ್ರಾ
	ಟ್ರ್ಯಾಕ್ ಮತ್ತು ಫೀಲ್ಡ್ ಗೊಬ್ಬುದಾರ್
ವೈಯಕ್ತಿಕ ಮಾಹಿತಿ
ಜನನ	24 December 1997 (age 26); ಪಾಣಿಪತ್, ಹರಿಯಾಣ, ಭಾರತ
ವಾಸಸ್ತಾನೊ	ಪಾಣಿಪತ್ ನಗರದ ಖಂದ್ರಾ
ಧರ್ಮ	ಹಿಂದು

ನೀರಜ್ ಚೋಪ್ರಾ ಒರಿ ಬಾರತೊದ ಟ್ರ್ಯಾಕ್ ಬುಕ್ಕೊ ಫೀಲ್ಡ್ ಗೊಬ್ಬುದಾರ್. ನೀರಜ್ ಜಾವೆಲಿನ್ ಅಡಕುನ ಇಬಾಗೊದ ಗೊಬ್ಬುದಾರ್. ೨೦೧೮ರ ಏಷ್ಯನ್ ಗೇಮ್ಸ್ಡ್ ಜಾವೆಲಿನ್ ಥ್ರೋ ಇಬಾಗೊನು ಪ್ರತಿನಿದಿಸದ್ ಬಂಗಾರ್‌ದ ಪದಕೊ ಗೆಂದ್‌ದೆರ್. ಇಂಬೆರ್ ೮೮.೦೬ ಮೀ. ದೂರ ಜಾವೆಲಿನ್ ಅಡಕ್‌ದ್ ರಾಷ್ಟ್ರೀಯೊ ದಾಕಲೆ ಬರೆತೆರ್. ೨೦೧೮ನೆ ಕಾಮನ್ ವೆಲ್ತ್ ಗೇಮ್ಸ್ಡ್ ಬಂಗಾರ್‌ದ ಪದಕೊ ಪಡೆತೆರ್. ೨೦೧೬ನೆ ಐಎಎಎಫ಼್ (ಇಂಟರ್ ನ್ಯಾಷನಲ್ ಅಸೋಸಿಯೇಶನ್ ಆಫ಼್ ಅತ್ಲೆಟಿಕ್ಸ್ ಫ಼ೆಡರೇಶನ್)ಡ್ ಕಿರಿಯೆರೆ ವಿಶ್ವ ಗೊಬ್ಬುದ ಕೂಟೊಡು ಚಾಂಪಿಯನ್ ಆತೆರ್, ಮಾತ್ರ ಅತ್ತಂದೆ ಕಿರಿಯೆರೆ ಚಾಂಪಿಯನ್ ಶಿಪ್‌ಡ್ ೮೬.೪೮ ಮೀ. ದೂರ ಜಾವೆಲಿನ್ ಅಡಕ್‌ದ್ ವಿಶ್ವ ಜೂನಿಯರ್ ದಾಕಲೆ ಬರೆತೆರ್. ೨೦೧೮ದ ಏಷ್ಯನ್ ಕ್ರೀಡಾಕೂಟದ ಉದಿಪನೊ ಲೇಸ್‌ಡ್ ಬಾವುಟ ಪತೊಂದು ಬಾರತೊದ ಗೊಬ್ಬುದಕುಲೆನ್ ಪ್ರತಿನಿದಿಸಯೆರೆ ಆಯ್ಕೆ ಆದಿತ್ತೆರ್.^[೧] ಇಂಬೆರ್ ಐಎಎಎಫ಼್ ಡೈಮಂಡ್ ಲೀಗ್ಡ್ ಬಾರತೊನು ಪ್ರತಿನಿದಿಸದೆರ್. ಜಪಾನ್‌ಡ್ ನಡತ್ತ್‌ನ ಟೋಕಿಯೋ ೨೦೨೦ನೆ ಒಲಿಂಪಿಕ್‌ ಗೊಬ್ಬುಡು ಜಾವೆಲಿನ್ ಥ್ರೋ ಇಬಾಗೊನು ಪ್ರತಿನಿದಿಸದ್ ೮೭.೫೮ ಮೀಟರ್ ದೂರ ಅಡಕ್‌ದ್ ಬಂಗಾರ್‌ದ ಪದಕೊ ಗೆಂದ್‌ದೆರ್.

ಬಾಲ್ಯೊ ಬುಕ್ಕೊ ಜೀವನೊ

ನೀರಜ್ ಚೋಪ್ರಾ ಪುಟ್‌ನೆ ಡಿಸೆಂಬರ್ ೨೪ ೧೯೯೭ ದಾನಿ. ಇಂಬೆರ್ ಹುಟ್ಟ್‌ನೆ ಹರ್ಯಾಣ ರಾಜ್ಯೊದ ಪಾಣಿಪತ್ ನಗರೊದ ಖಂದ್ರಾ ಎಂಬ ಹಳ್ಳಿಡ್. ಆರ್ ಶಿಕ್ಷಣ ಪಡೆವೊಂಡ್‌ನೆ ಡಿಎವಿ ಕಾಲೇಜು ಚಂಡೀಗಡಟ್. ಆರ್ ಭಾರತೀಯ ಸೈನ್ಯಡ್ ಜೂನಿಯರ್ ನಿಯೋಜಿತ ಅದಿಕಾರಿ (ಜೂನಿಯರ್ ಕಮೀಷನ್ಡ್ ಆಫೀಸರ್) ಆದ್, ನಾಯಿಬ್ ಸುಬೇದಾರ್ ಶ್ರೇಣಿಟ್ ೨೦೧೬ಡ್ ಬೇಲೆ ಮಲ್ತೊಂದುಲ್ಲೆರ್.^[೨]

ಸಾಧನೆ

ನೀರಜ್ ಚೋಪ್ರಾ ೨೦೧೬ನೆ ದಕ್ಷಿಣ ಏಷ್ಯನ್ ಕ್ರೀಡಾಕೂಟೊಡು ೮೨.೨೩ ಮೀಟರ್ ಜಾವೆಲಿನ್ ಅಡಕ್‌ದ್ ಬಂಗಾರ್‌ದ ಪದಕೊ ಪಡೆವೊಂಡೆರ್. ಆಯಿತೊಟ್ಟುಗೆ ಬಾರತೊದ ರಾಷ್ಟ್ರೀಯ ದಾಕಲೆನ್ ಸರಿಗಟ್ಟ್‌ಯೆರ್. ಪೋಲೆಂಡ್‌ ದೇಸೊಡು ನಡತಿನ ೨೦೧೬ನ ಐಎಎಎಫ಼್ ಕಿರಿಯೆರೆ ವಿಶ್ವ ಗೊಬ್ಬುಲೆ ಕೂಟೊ ಚಾಂಪಿಯನ್ ಶಿಪ್‌ಡ್ ಬಂಗಾರ್‌ದ ಪದಕೊ ಗೆಂದೆರ್. ಆರ್ ವಿಶ್ವ ಜೂನಿಯರ್ ದಾಕೆಲೆನ್‌ಲಾ ಮಾಲ್ತಿತ್ತೆರ್. ೨೦೧೭ನೆ ಏಷ್ಯನ್ ಅತ್ಲೆಟಿಕ್ ಚಾಂಪಿಯನ್ ಶಿಪ್‌ಡ್ ೮೫.೨೩ ಮೀ. ಜಾವೆಲಿನ್ ಅಡಕ್‍ದ್ ಬಂಗಾರ್‌ದ ಪದಕ ಪಡೆತೆರ್. ೨೦೧೮ನೆ ಕಾಮನ್ ವೆಲ್ತ್ ಗೊಬ್ಬುಲೆ ಕೂಟೊಡು ೮೬.೪೭ ಮೀಟರ್ ಜಾವೆಲಿನ್ ಅಡಕ್‌ದ್ ಪೊಸ ದಾಕಲೆ ಒಂಜೆನ್ ಬರೆಯೆರ್. ಇಂದೆತೊಟ್ಟುಗೆ ಕಾಮನ್ ವೆಲ್ತ್ ಗೊಬ್ಬುಲೆ ಕೂಟೊಡು ಬಂಗಾರ್‌ದ ಪದಕೊ ಗೆಲ್ತ್‌ದ್ ಸುರೂತ ಜಾವೆಲಿನ್ ಅಡಕುನ ಇಬಾಗೊಡು ಗುರ್ತಿಸವೊಂಡೆರ್. ೨೦೧೮ನೆ ಮೇ ತಿಂಗೊಳ್‌ಡ್ ನಡತಿನ ದೋಹ ಡೈಮಂಡ್ ಲೀಗ್ ಗೊಬ್ಬುಲೆ ಪಂತೊಡು ಪಾಲೆದೆತೊಂದು ೮೭.೪೩ ಮೀ. ಜಾವೆಲಿನ್ ಅಡಕುನೆದೊಟ್ಟುಗೆ ಪರತ್ ರಾಷ್ಟ್ರೀಯ ದಾಕಲೆನ್ ಪೊಲಿತೆರ್. ಇತ್ತೆ ಇಂಬೆರ್ ಉವ್ ಹೋನ್ ಇಂಬೆರೆಡ್ದ್ ತರಬೇತಿ ಪಡೆವೊಂದೆರ್.

೨೦೧೮ನೆ ಆಗಸ್ಟ್ ೨೭ನೆ ತಾರೀಕ್‌ದಾನಿ ನಡತಿನ ಏಸ್ಯನ್ ಗೊಬ್ಬುಲೆ ಕೂಟೊಡು ನೀರಜ್ ೮೮.೦೬ ಮೀಟರ್ ಜಾವೆಲಿನ್ ಅಡಕ್‌ದ್ ಆನ್‌ಜೋಕ್ಲೆನ ಜಾವೆಲಿನ್ ಅಡಕುನೆದ ಇಬಾಗೊಡು ಬಂಗಾರ್‌ದ ಪದಕ ಗೆಂದೊಂದು ಆರೆನ ವೈಯಕ್ತಿಕ ಉತ್ತಮೊ ದಾಕಲೆನ್ ಕೂಡ ಮಾಲ್ತಿತ್ತೆರ್. ಫಿನ್ಲೆಂಡ್‌ನ ಲ್ಯಾಪಿನ್ಲಾಟಿಡ್ ನಡತ್‌ನ "ಸಾವೋ ಗೇಮ್ಸ್‌'ಡ್ ನೀರಜ್‌ ಬಂಗಾರ್‌ದ ಪದಕ ಪಡೆಯೆರ್.^[೩] ಒಲಿಂಪಿಕ್ಸ್‌ಢ‍ ಜಾವೆಲಿನ್ ಥ್ರೋ ಫೈನಲ್‌‌ಡ್ ನೀರಜ್ ಚೋಪ್ರಾ 87.58 ಮೀಟರ್ ಅಡಕ್‌ದ್ ಬಾರತೊಗು ಸುರೂತ ಬಂಗಾರ್ ಗೆಂದ್‌‌ದ್ ಕೊರಿಯೆರ್.^[೪]

ಸ್ವರ್ಣ ಪದಕ ಪಟ್ಟಿ

೨೦೧೮ನೆ ಏಷ್ಯನ್ ಗೊಬ್ಬುದ ಕೂಟೊ ಇಂಡೋನೇಷ್ಯಾದ ಜಕಾರ್ತಡ್.^[೫]
೨೦೧೮ನೆ ಕಾಮನ್ ವೆಲ್ತ್ ಗೊಬ್ಬುದ ಕೂಟೊಡು ಗೋಲ್ಡ್ ಕೋಸ್ಟ್‌ಡ್
೨೦೧೭ನೆ ಏಷ್ಯನ್ ಚಾಂಪಿಯನ್ ಶಿಪ್ಸ್ ಭುವನೇಶ್ವರಡ್
೨೦೧೬ನೆ ಸೌತ್ ಏಷ್ಯನ್ ಗೊಬ್ಬುದ ಕೂಟೊ ಗುವಾಹಾಟಿ/ಶಿಲ್ಲಾಂಗ್ ಡ್
೨೦೧೬ನೆ ವಿಶ್ವ ಜೂನಿಯರ್ ಚಾಂಪಿಯನ್ ಶಿಪ್ಸ್ ಬೈಡ್ಗೊಸ್‌ಡ್.^[೬]

ಅಂತರಾಷ್ಟ್ರೀಯ ಪಂತೊಲು

ವರ್ಸೊ	ಪಂತೊ	ಜಾಗೆ	ಸ್ತಾನೊ	ಇಬಾಗೊ	ಟಿಪ್ಪಣಿ
೨೦೧೩	ವಿಶ್ವ ಯುವ ಚಾಂಪಿಯನ್ ಶಿಪ್ಸ್	ಡೊನೆಸ್ಕ್ ಉಕ್ರೈನ್	೧೯ ನೇ (ಅ)	ಜಾವೆಲಿನ್ ಎಸೆತ(೭೦೦ ಗ್ರಾಂ.)	೬೬.೭೫ ಮೀ.
೨೦೧೫	ಏಷ್ಯನ್ ಚಾಂಪಿಯನ್ ಶಿಪ್ಸ್	ವುಹಾನ್, ಚೀನಾ	೯ ನೇ	ಜಾವೆಲಿನ್ ಎಸೆತೊ	೭೦.೫೦ ಮೀ.
೨೦೧೬	೨೦೧೬ ದಕ್ಷಿಣ ಏಷ್ಯನ್ ಕ್ರೀಡಾಕೂಟೊ	ಗುವಾಹಾಟಿ, ಬಾರತೊ	೧ ನೇ	ಜಾವೆಲಿನ್ ಎಸೆತೊ	೮೨.೨೩ ಮೀ.
೨೦೧೬	ಏಷ್ಯನ್ ಜೂನಿಯರ್ ಚಾಂಪಿಯನ್ ಶಿಪ್ಸ್	ಹೊ ಚಿ ಮಿನ್ಹ್ ಸಿಟಿ, ವಿಯೆಟ್ನಾಂ	೨ ನೇ	ಜಾವೆಲಿನ್ ಎಸೆತೊ	೭೭.೬೦ ಮೀ.
೨೦೧೬	ವಿಶ್ವ ಜೂನಿಯರ್ ಚಾಂಪಿಯನ್ ಶಿಪ್ಸ್	ಬೈಡ್ಗೊಸ್ಜ್‌ಕ್ಝ್, ಪೋಲೇಂಡ್	೧ ನೇ (ವಿಜೂದಾ)	ಜಾವೆಲಿನ್ ಎಸೆತೊ	೮೬.೪೮ ಮೀ.
೨೦೧೭	ಏಷ್ಯನ್ ಗ್ರಾಂಡ್ ಪಿಕ್ಸ್ ಸರಣಿ	ಜಿನ್ಹುವಾ, ಚೀನಾ	೨ ನೇ	ಜಾವೆಲಿನ್ ಎಸೆತೊ	೮೨.೧೧ ಮೀ.
೨೦೧೭	ಏಷ್ಯನ್ ಗ್ರಾಂಡ್ ಪಿಕ್ಸ್ ಸರಣಿ	ಜಿಯಾಕ್ಸಿಂಗ್, ಚೀನಾ	೨ ನೇ	ಜಾವೆಲಿನ್ ಎಸೆತೊ	೮೩.೩೨ ಮೀ.
೨೦೧೭	ಏಷ್ಯನ್ ಗ್ರಾಂಡ್ ಪಿಕ್ಸ್ ಸರಣಿ	ತೈಪೈ, ತೈವಾನ್	೩ ನೇ	ಜಾವೆಲಿನ್ ಎಸೆತೊ	೭೯.೯೦ ಮೀ.
೨೦೧೭	ಏಷ್ಯನ್ ಚಾಂಪಿಯನ್ ಶಿಪ್ಸ್	ಭುವನೇಶ್ವರ, ಬಾರತ	೧ ನೇ	ಜಾವೆಲಿನ್ ಎಸೆತೊ	೮೫.೨೩ ಮೀ.
೨೦೧೭	ಐಎಎಎಫ಼್ ಡೈಮಂಡ್ ಲೀಗ್	ಪ್ಯಾರೀಸ್, ಫ಼್ರಾನ್ಸ್	೭ ನೇ (೧೦ಅಂಕೊಲು)	ಜಾವೆಲಿನ್ ಎಸೆತೊ	೮೪.೬೭ ಮೀ.
೨೦೧೭	ಐಎಎಎಫ಼್ ಡೈಮಂಡ್ ಲೀಗ್	ಫ಼ೊಂಟ್ ವೈಲ್ಲೆ, ಮೊನಾಕೋ	" "	ಜಾವೆಲಿನ್ ಎಸೆತೊ	೭೮.೯೨ ಮೀ.
೨೦೧೭	ಐಎಎಎಫ಼್ ಡೈಮಂಡ್ ಲೀಗ್	ಜೂರಿಕ್, ಸ್ವಿಟ್ಜರ್ ಲ್ಯಾಂಡ್	" "	ಜಾವೆಲಿನ್ ಎಸೆತೊ	೮೩.೮೦ ಮೀ.
೨೦೧೭	ವಿಶ್ವ ಚಾಂಪಿಯನ್ ಶಿಪ್ಸ್	ಲಂಡನ್, ಯು. ಕೆ.	೧೫ ನೇ (ಅ.)	ಜಾವೆಲಿನ್ ಎಸೆತೊ	೮೨.೨೬ ಮೀ.
೨೦೧೮	ಒಫ಼ೆನ್ ಬರ್ಗ್ ಸ್ಪೀರ್ ವರ್ಫ಼್ ಮೀಟಿಂಗ್	ಒಫ಼ೆನ್ ಬರ್ಗ್, ಜರ್ಮನಿ	೨ ನೇ	ಜಾವೆಲಿನ್ ಎಸೆತೊ	೮೨.೮೦ ಮೀ.
೨೦೧೮	ಕಾಮನ್ ವೆಲ್ತ್ ಕ್ರೀಡಾಕೂಟೊ	ಗೋಲ್ಡ್ ಕೋಸ್ಟ್, ಆಸ್ಟ್ರೇಲಿಯಾ	೧ ನೇ	ಜಾವೆಲಿನ್ ಎಸೆತೊ	೮೬.೪೭ ಮೀ.
೨೦೧೮	ಐಎಎಎಫ಼್ ಡೈಮಂಡ್ ಲೀಗ್	ದೋಹಾ, ಕತಾರ್	೪ ನೇ (೧೭ ಅಂಕಗಳು)	ಜಾವೆಲಿನ್ ಎಸೆತ	೮೭.೪೩ ಮೀ.
೨೦೧೮	ಐಎಎಎಫ಼್ ಡೈಮಂಡ್ ಲೀಗ್	ಉಗೇನ್, ಒರೆಗಾನ್ ಯು.ಎಸ್.ಎ.	" "	ಜಾವೆಲಿನ್ ಎಸೆತೊ	೮೦.೮೧ ಮೀ.
೨೦೧೮	ಐಎಎಎಫ಼್ ಡೈಮಂಡ್ ಲೀಗ್	ರಾಬಟ್, ಮೊರೊಕ್ಕೋ	" "	ಜಾವೆಲಿನ್ ಎಸೆತೊ	೮೩.೩೨ ಮೀ.
೨೦೧೮	ಐಎಎಎಫ಼್ ಡೈಮಂಡ್ ಲೀಗ್	ಜೂರಿಕ್ ಸ್ವಿಟ್ಜರ್ ಲ್ಯಾಂಡ್	" "	ಜಾವೆಲಿನ್ ಎಸೆತೊ	೮೫.೭೩ ಮೀ.
೨೦೧೮	ಸೊಟ್ಟೆವಿಲ್ಲೆ ಅತ್ಲೆಟಿಕ್ಸ್ ಮೀಟ್	ಸೊಟ್ಟೆವಿಲ್ಲೆ-ಜೆಸ್-ರೊಯೆನ್, ಫ಼್ರಾನ್ಸ್	೧ ನೇ	ಜಾವೆಲಿನ್ ಎಸೆತೊ	೮೫.೧೭ ಮೀ.
೨೦೧೮	ಸಾವೋ ಕ್ರೀಡಾಕೂಟೊ	ಲಪಿನ್ಲಾ ಡೆಲ್ಲಾ, ಫ಼ಿನ್ ಲ್ಯಾಂಡ್	೧ ನೇ	ಜಾವೆಲಿನ್ ಎಸೆತ	೮೫.೬೯ ಮೀ.
೨೦೧೮	ಏಷ್ಯನ್ ಕ್ರೀಡಾಕೂಟೊ	ಜಕಾರ್ತ ಮತ್ತು ಪಾಲೆಂಬಾಂಗ್, ಇಂಡೋನೇಷ್ಯಾ	೧ ನೇ (ರಾದಾ)	ಜಾವೆಲಿನ್ ಎಸೆತೊ	೮೮.೦೬ ಮೀ.
೨೦೨೧	ಟೋಕಿಯೋ ಒಲಿಂಪಿಕ್ಸ್	ಟೋಕಿಯೋ, ಜಪಾನ್	೧ ನೇ	ಜಾವೆಲಿನ್ ಎಸೆತೊ	೮೭.೫೮ ಮೀ

ಉಲ್ಲೇಕೊಲು

[1] ttps://vijaykarnataka.indiatimes.com/sportshome/sports/asian-games-2018-opening-ceremony/articleshow/65454126.cms

[2] ttps://vijaykarnataka.indiatimes.com/sportshome/sports/javelin-thrower-neeraj-chopra-got-job-in-indian-military/articleshow/57607811.cms

[3] ttps://www.udayavani.com/kannada/news/sports-news/313286/neeraj-chopra-is-back-in-gold

[4] ttps://www.indiatoday.in/sports/tokyo-olympics/story/neeraj-chopra-wins-gold-mens-javelin-throw-final-tokyo-2020-abhinav-bindra-1838132-2021-08-07

[5] ttps://vijaykarnataka.indiatimes.com/vk-gallery/sports/neeraj-chopra-emulates-legendary-milkha-singh/neeraj-chopra-historical-gold-medal/photoshow/65577276.cms^{[dead link]}

[6] ttps://vijaykarnataka.indiatimes.com/sportshome/cricket/guinness-world-records-neeraj-chopra/articleshow/53366530.cms

[೧]

[೨]

[೩]

[೪]

[೫]

[೬]