ಪುಟ್ಟಣ್ಣ ಕಣಗಾಲ್
ಎಸ್. ಆರ್ .ಪುಟ್ಟಣ್ಣ ಕಣಗಾಲ್ ( ಶುಬ್ರವೇಶ್ಠಿ ರಾಮಸ್ವಾಮಯ್ಯ ಸೀತಾರಾಮ ಶರ್ಮ)ಕನ್ನಡ ಚಿತ್ರರಂಗಡ್ ನಿರ್ದೇಶಕರಾದ್ ಸೇವೆ ಮಲ್ತ್‌ದೆರ್. ಮೇರ್ ಕನ್ನಡಚಿತ್ರರಂಗ ತೂತಿನ ಶ್ರೇಷ್ಠ ನಿರ್ದೇಶಕೆರ್. ಮೇರ್ ನಿರ್ದೇಶನದೊಟ್ಟಿಗೆ ಚಿತ್ರಕಥೆ ಬೊಕ್ಕ ಸಂಭಾಷಣೆಲಾ ಬರೆಯೋಂದಿತ್ತೆರ್. ಹಿಂದಿ ಬೊಕ್ಕ ಮಲಯಾಳಂ ಭಾಷೆಡ್‌ಲಾ ಕೆಲವು ಚಿತ್ರನು ನಿರ್ದೇಶನ ಮಲ್ತ್‌ದೆರ್. ಮೇರ್ ಮಲ್ತಿನ ಚಿತ್ರಲು ಉತ್ಕ್ರಷ್ಟ ಮಟ್ಟದವುಂದ್ ಮಸ್ತ್ ಜನ ಪನ್ಪೆರ್. ಮೇರ್ ಮಸ್ತಾದ್ ಕಲೆ ಬೊಕ್ಕ ಭಾವನಾತ್ಮಕತೆ ಇತ್ತಿನ ಚಿತ್ರ‌ನ್ ನಿರ್ದೇಶನ ಮಲ್ತೋಂದಿತ್ತಿನ ಕಣಗಾಲ್‌ರ್ ಕನ್ನಡಚಿತ್ರರಂಗಕ್ ಪೊಸ ರೂಪ ಕೊರ್ತಿನಾರ್. ಮೈಸೂರ್‌ದ ಯುವ ಸಾಹಿತಿ ವಿ. ಶ್ರೀಧರರ್ ಪುಟ್ಟಣ್ಣ ಕಣಗಾಲೆರ್ನಚಿತ್ರ ವಿಮರ್ಶೆ ಕುರಿತಾದ್ 'ಕನ್ನಡ ಚಲನಚಿತ್ರರಂಗಕ್ಕೆ ಪುಟ್ಟಣ್ಣ ಕಣಗಾಲರ ಕೊಡುಗೆ' ಪನ್ಪುನ ಕೃತಿನ್ ರಚನೆ ಮಲ್ತ್‌ದೆರ್.
ಎಸ್. ಆರ್. ಪುಟ್ಟಣ್ಣ ಕಣಗಾಲ್ | |
|---|---|
| ಫೈಲ್:Puttanna Kanagal.jpg | |
| ಪುಟ್ಟು | ಶುಬ್ರವೇಷ್ಠಿ ರಾಮಸ್ವಾಮಯ್ಯ ಸೀತಾರಾಮ ಶರ್ಮ ಡಿಸೆಂಬರ್ ೧, ೧೯೩೩ ಪಿರಿಯಾಪಟ್ಟಣ ತಾಲ್ಲೂಕುದ ಕಣಗಾಲು ಗ್ರಾಮ |
| ಸಯಿತಿನಿ | ಜೂನ್ ೫, ೧೯೮೫ |
| Known for | ಚಲನಚಿತ್ರ ನಿರ್ದೇಶಕೆರ್ |
ಪುಟ್ಟು ಬೊಕ್ಕ ಸಂಸಾರ
ಸಂಪೊಲಿಪುಲೆಪುಟ್ಟಣ್ಣರ್ ಡಿಸೆಂಬರ್-೧-೧೯೩೩ಕ್ ಕರ್ನಾಟಕದ ಮೈಸೂರ್‌ದ ಪಿರಿಯಾಪಟ್ಟಣ ತಾಲೂಕುದ ಕಣಗಾಲ್ ಗ್ರಾಮಡ್ ಪುಟ್ಟ್‌ದಿತ್ತೆರ್.ಮೆರ್ನ ಪುದರ್ ಅಪಗ "ಶುಬ್ರವೇಷ್ಠಿ ರಾಮಸ್ವಾಮಯ್ಯ ಸೀತಾರಾಮ ಶರ್ಮ" ಬೊಕ್ಕ ಮೇರ್ ಅಯಿನ್ ಎಲ್ಯ ಮಲ್ತ್‌ದ್ ಎಸ್. ಆರ್ .ಪುಟ್ಟಣ್ಣ ಕಣಗಾಲ್ ಮಲ್ತೋನ್‌ಯೆರ್. ಕನ್ನಡ ಚಿತ್ರರಂಗದ ಚಿತ್ರಸಾಹಿತಿಯಾದಂತಿನ ಕಣಗಾಲ್ ಪ್ರಭಾಕರ ಶಾಸ್ತ್ರಿ ಮೆರ್ನ ಮೆಗ್ಗೆ ಆದಿತ್ತೆರ್.
ಚಿತ್ರರಂಗ
ಸಂಪೊಲಿಪುಲೆ- ಮೇರ್ ಚಿತ್ರರಂಗಗ್ ಬರ್ಪುನ ದುಂಬು ಮೇರ್ ಮಸ್ತ್ ನೆಲೆಟ್ ಬೆನ್ದಿ‌ತ್ತೆರ್. ನಾಟಕ ಕಂಪೆಮಿದ ದಣಿ, ಕನ್ನಡ ಚಿತ್ರರಂಗದ ಖ್ಯಾತ ನಿರ್ಮಾಪಕ, ನಿರ್ದೇಶಕರಾದಿತ್ತೆನ ಬಿ.ಆರ್. ಪಂತುಲು ಅರ್‌ನ ತಿರ್ತ್ ೧೯೫೪ಡ್ ಡೈಲಾಗ್ ಕೋಚ್ ಆದ್ ಸೇರ್ನಂಚಿನ ಪುಟ್ಟಣ್ಣೆರ್ ಬೊಕ್ಕದ ದಿನೊಟು "ಪದ್ಮಿನಿ ಪಿಕ್ಚರ್ಸ್"ನ ಸಹಾಯಕ ನಿರ್ದೇಶಕರಾದ್ ಬೇಲೆಗ್ ಸೇರ್ಯೆರ್.
- ಕಾದಂಬರಿ ಆಧಾರಿತ ಆಯಿನಂಚಿನ ಚಿತ್ರಲೊನ್ ಹೆಚ್ಚಾದ್ ಮಲ್ತೋಂದಿತ್ತಿನ ಪುಟ್ಟಣ್ಣೆರ್ನ ಸುರುತ ಚಿತ್ರ ಸ್ಕೂಲ್‍ಮಾಸ್ಟರ್' (೧೯೬೪). ಪುಟ್ಟಣ್ಣೆರ್ ರಷ್ಯಾ ಪ್ರವಾಸ ಮಲ್ತ್‌ದ್ ಮಸ್ತ್ ದೇಶಳೊನ್ ಸುತ್ತ್‌ದ್, ಕರ್ನಾಟಕ ಚಲನಚಿತ್ರ ನಿರ್ದೇಶಕರ ಸಂಘದ ಸ್ಥಾಪಕ ಅಧ್ಯಕ್ಷರಾದ್‌ಲಾ ಸೇವೆ ಮಲ್ತ್‌ದೆರ್.
- ಪುಟ್ಟಣ್ಣೆರ್ನ ಚಿತ್ರಗಳೊಟ್ ಬೇಲೆ ಮಲ್ತಿನ ಮಸ್ತ್ ಕಲಾವಿದೆ‌ರ್ ಪ್ರಸಿದ್ದರಾತೆರ್. ಕಲ್ಪನಾ, ಆರತಿ, ಪದ್ಮಾ ವಾಸಂತಿ ಹಾಗೂ ಅಪರ್ಣಾ ಮೆರ್ನ ಕಯ್ಟ್ ಬೇಲೆ ಮಲ್ಟ್‌ದ್ ಪ್ರಖ್ಯಾತ ಆಯಿನಂಚಿನ ನಟಿಯೆರ್‌ಗ್ ಉದಾಹರಣೆಯಾದ್ ಉಲ್ಲೆರ್. ಅಂಚನೇ ನಾಯಕ ನಟರೆ‌ಟ್ ವಿಷ್ಣುವರ್ಧನ್, ರಾಮಕೃಷ್ಣ, ಜೈಜಗದೀಶ್, ಅಂಬರೀಶ್, ಶ್ರೀನಾಥ್ ಶ್ರೀಧರ ಪುಟ್ಟಣ್ಣೆರ್ನ ಚಿತ್ರ‌ಟು ಅಭಿನಯ ಮಲ್ತಿನ ಪ್ರಮುಕೆರ್.
ನಿಧನ ಬೊಕ್ಕ ಅರ್‌ನ ನೆನಪು
ಸಂಪೊಲಿಪುಲೆ- ಮಸಣದ ಹೂವು ಚಿತ್ರ ತಯಾರಾವೋಂದುಪ್ಪುನ ಹಂತೊಟೇ ಜೂನ್ ೫, ೧೯೮೫ಡ್ ಚೆನ್ನೈಡ್ ಆರ್ ತೀರ್‌ಪೋ‌ಯೆರ್. ಅರ್ಧೊಗ್ ಉಂತಿದಿತ್ತಿನ ಮಸಣದ ಹೂವು ಚಿತ್ರದ ಭಾಗೊನು ಪುಟ್ಟಣ್ಣೆರ್ನ ಶಿಷ್ಯ ಆಯಿನಂಚಿನ ಕೆ.ಎಸ್.ಎಲ್.ಸ್ವಾಮಿ ಪೂರ್ತಿಮಲ್ತೆರ್. ಎಲ್ಪದ ದಶಕೊಡು ಆರ್ ತೊಡಗಾಯಿಂಚಿನ "ಸಾವಿರ ಮೆಟ್ಟಿಲು"ಚಿತ್ರನು ಆ ಚಿತ್ರದ ನಿರ್ಮಾಪಕರಾಯಿನಂಚಿನ ಡಿ.ಬಿ. ಬಸವೇಗೌಡೆರ್ ಪೂರ್ತಿಮಲ್ತ್‌ದ್ ಚಿತ್ರನು ಬುಡ್ಪಾಯೆರ್.
- ಒಂಜಿ ನಿರ್ದೇಶಕರ್ನ ರಡ್ಡ್ ಅಪೂರ್ಣ ಚಿತ್ರಲು ಅರ್‌ನ ಮರಣದ ಬೊಕ್ಕ ಬಿಡುಗಡೆಯಾಯಿನ ಒಂಜಿ ದಾಖಲೆ.
- ಪುಟ್ಟಣ್ಣೆರ್ನ ಪುದರ್‌ಡ್ ಬೆಂಗಳೂರು‌ಡ್ ನಿರ್ಮಾಣ ಮಲ್ತಿನ ಪುಟ್ಟಣ್ಣ ಥಿಯೇಟರ್ ಇನಿ ನಿರ್ನಾಮ ಆತ್ಂಡ್ ಇತ್ತೆ ಈ ಜಾಗಡು ಕಾಂಪ್ಲೆಕ್ಸ್ ಓಂಜಿನ್ ಬಿ.ಬಿ.ಎಮ್.ಪಿ. ಮಲ್ಪಾ‌ದ್ಂಡ್.
- ಪುಟ್ಟಣ್ಣೆರ್ನ ಮಗೆಯಾಯಿನಂಚಿನ ರಾಮು ಕಣಗಾಲ್ ೧೯೮೬ಟ್ ನೃತ್ಯ ಸಾಹಿತ್ಯೊಟ್ ಮಾಸ್ಟರ್ಸ್ ಡಿಗ್ರಿನ್ ಸಂಪಾದಿಸ್‌ದ್ "ಕಣಗಾಲ್ ನೃತ್ಯಾಲಯ" ಪನ್ಪುನ ಪುದರ್‌ಡ್ ನಾತ್ಯ ಶಾಲೆನ್ ನಡೆಪಾವೋಂದುಲ್ಲೆರ್.
- ಕರ್ನಾಟಕ ಸರಕಾರ ಪ್ರತಿ ವರ್ಷಲಾ ಚಿತ್ರ ರಂಗಟು ಪುದರ್ ಮಲ್ತಿನಕ್‌ಲೆಗ್ ಪುಟ್ಟಣ್ಣೆರ್ನ ಪುದರ್‌ಡ್ "ಪುಟ್ಟಣ್ಣ ಕಣಗಾಲ್" ಪ್ರಶಸ್ತಿ ಕೊರೋದುಂಡು. ಪುಟ್ಟಣ್ಣೆರ್ನ ಚರಿತ್ರೆದ ಬಗ್ಗೆ ‘ಬೆಳ್ಳಿ ತೆರೆ ಭಾವಶಿಲ್ಪಿಯಲ್ಲಿ’ಪನ್ಪುನ ಪುಸ್ತಕನ್ ಡಿ.ಬಿ.ಬಸವೇಗೌಡ ಬರೆತೆರ್.ಕನ್ನಡದ ಖ್ಯಾತ ಕಾದಂಬರಿಕಾರ್ತಿಯಾಯಿನಂಚಿನ ದಿ. ಎಂ.ಕೆ. ಇಂದಿರಾ" ನಾ ಕಂಡ ಚಿತ್ರ ಶಿಲ್ಪಿ ಪುಟ್ಟಣ್ಣ ಕಣಗಾಲ್" ಪನ್ಪುನ ಪುಸ್ತಕನ್ ಬರೆತೆರ್.
ಪುಟ್ಟಣ್ಣ ನಿರ್ದೇಶನದ ಚಲನಚಿತ್ರಲು
ಸಂಪೊಲಿಪುಲೆಕನ್ನಡ
ಸಂಪೊಲಿಪುಲೆ- ನಾಗರ ಹಾವು (೧೯೭೨)
- ಸಾವಿರ ಮೆಟ್ಟಿಲು (೧೯೬೮)
- ಮಲ್ಲಮ್ಮನ ಪವಾಡ (೧೯೬೯)
- ಕಪ್ಪು ಬಿಳುಪು (೧೯೬೯)
- ಗೆಜ್ಜೆ ಪೂಜೆ (೧೯೭೦)
- ಕರುಳಿನ ಕರೆ (೧೯೭೦)
- ಶರಪಂಜರ (೧೯೭೧)
- ಸಾಕ್ಷಾತ್ಕಾರ (೧೯೭೧)
- ಎಡಕಲ್ಲು ಗುಡ್ಡದ ಮೇಲೆ (೧೯೭೩)
- ಉಪಾಸನೆ (೧೯೭೪)
- ಶುಭಮಂಗಳ (೧೯೭೫)
- ಬಿಳಿ ಹೆಂಡ್ತಿ (೧೯೭೫)
- ಕಥಾಸಂಗಮ (೧೯೭೬)
- ಕಾಲೇಜು ರಂಗ (೧೯೭೬)
- ಫಲಿತಾಂಶ (೧೯೭೬)
- ಪಡುವಾರಳ್ಳಿ ಪಾಂಡವರು (೧೯೭೮)
- ಧರ್ಮಸೆರೆ (೧೯೭೯)
- ರಂಗನಾಯಕಿ (೧೯೮೧)
- ಮಾನಸ ಸರೋವರ (೧೯೮೨)
- ಧರಣಿ ಮಂಡಲ ಮಧ್ಯದೊಳಗೆ (೧೯೮೩)
- ಅಮೃತ ಘಳಿಗೆ (೧೯೮೪)
- ಋಣಮುಕ್ತಳು (೧೯೮೪)
- ಮಸಣದ ಹೂವು (೧೯೮೫)
- ಬೆಳ್ಳಿಮೋಡ (೧೯೬೬)
ಹಿಂದಿ
ಸಂಪೊಲಿಪುಲೆ- ಹಮ್ ಪಾಂಚ್ (೧೯೮೧)
- ಜಹ್ರೀಲಾ ಇನ್ಸಾನ್ (೧೯೭೪)
ಮಲಯಾಳಂ
ಸಂಪೊಲಿಪುಲೆ- ಸ್ಕೂಲ್‍ಮಾಸ್ಟರ್ (೧೯೬೪)
- ಕಳಜ್ಞು ಕಿಟ್ಟಿಯ ತಂಗಂ (೧೯೬೪)
- ಮೇಯರ್ ನಾಯರ್ (೧೯೬೬)
- ಪೂಚಕಣ್ಣಿ (೧೯೬೬)
- ಸ್ವಪ್ನ ಭೂಮಿ (೧೯೬೮)