ಪೆಲಕಾಯಿದ ಮುಳ್ಕ
ಪೆಲಕಾಯಿದ ಬಗ್ಗೆ
ಸಂಪೊಲಿಪುಲೆಪೆಲಕಾಯಿಪೆಲಕಾಯಿ ಪಂಡ ದುಂಬುದ ಕಾಲೋಡು ಒಂಜಿ ಗಾದೆ ಇತ್ತ್ಂಡ್, “ಹಸಿದು ಹಲಸು ತಿನ್ನು, ಉಂಡು ಮಾವು ತಿನ್ನು” ಪಂದ್. ಆ ಕಾಲೋಡು ಬಡವು ದಕುಲು ದಾದಾಂಡಲಾ ತಿನೊಡು ಪಂಡ ಅವು ಪೆಲಕಾಯಿ ಆದಿತ್ತ್ಂಡ್. ಸಾಮಾನ್ಯವಾದ್ ಪೆಲಕಾಯಿಡ್ ಹಪ್ಪಳಹಪ್ಪಳ, ಬನ್ಸ್, ಜ್ಯೂಸ್, ಐಸ್ ಕ್ರೀಮ್ಐಸ್ ಕ್ರೀಮ್, ಜಾಮ್, ಚಿಪ್ಸ್, ಹಲ್ವ, ಗಟ್ಟಿ, ಮುಳ್ಕ, ಶೀರಾ, ಪಾಯಸ, ದೋಸೆದೋಸೆ, ಇಡ್ಲಿ,ಇಡ್ಲಿ ಹೋಳಿಗೆ, ಇಂಚ ಸುಮಾರ್ ಬಗೆತ ತೆನಸ್‌ಲೆನ್ ಮಲ್ಪೊಲಿ. ಅಂಡ ಸುಮಾರ್ ಜನಕ್ ಪೆಲಕಾಯಿ ಒಂಜಿ ಪರ್ಂದ್ ಆತೆ ಗೊತ್ತು. ಐಟ್ ಮಲ್ಪುನ ತೆನಸ್‌ದ ಬಗೆಟ್ಟ್ ಗೊತ್ತಿಜ್ಜಿ. ಮರಿಯಲದ ಪೊರ್ತುಡು ಪೆಲಕಾಯಿದ ತಿಂಡಿ ಮಲ್ಪುನ ಪೊರ್ತು. ಮರಿಯಲದ ಬರ್ಸಬರ್ಸೊ ಬೂರಿ ಕುಡ್ಲೆ ಪೆಲಕಾಯಿದ ಚೀಪೆ ಒಂತೆ ಕಮ್ಮಿ ಆಪುಂಡು. ಅಪಗ ಚೂರು ಚೀಪೆ ಪಾಡ್ದ್ ಮಲ್ಪುನ ಒಂಜಿ ಬಗೆತ ತಿಂಡಿ ಅವು 'ಪೆಲಕಾಯಿದ ಮುಳ್ಕ', ನೆಕ್ ಗುಳಿಯಪ್ಪ, [೧]ಸುಟ್ಟುವು, ಪಂದ್ ಲೆಪ್ಪುವೆರ್. ಮಲೆನಾಡ್ ಕರಾವಳಿದ ಬರಿತ ಜನಕುಲು ಜಾಸ್ತಿ ಆದ್ ಮಲ್ಪುನ ತಿಂಡಿ. ಬರಿಕೆ ಪೆಲಕಾಯಿಡ್ ಮಲ್ತ್ಂಡ ಬಾರೀ ರುಚಿ ಆಪುಂಡು.
ಪೆಲಕಾಯಿ[೨] ಪಂಡ ಪರ್ಂದೆರಾಯಿನ ಬೊಳೆಕ್ಕರ್ ಕಾಯಿ. ಪಚ್ಚಿರ್ ಇಜ್ಜಿಂದಿನ ಪೆಲಕಾಯಿನ್ ಪೊಲ್ಲಟ್ ಪೆಲಕಾಯಿ ಪನ್ಪೆರ್.
.jpg)
ಪೆಲಕಾಯಿದ ವಿದೊಕುಲು
ಸಂಪೊಲಿಪುಲೆಪೆಲಕಾಯಿಡ್ ಪನ್ಪಿನ ರಡ್ಡ್ ಬಗೆ ಉಂಡು. ಬರ್ಕೆ, ತುಲುವೆ ಪಂದ್ ರಡ್ಡ್ ವಿದೊ ಆಂಡಲಾ ತುಳುವಡ್ ಅಂಚನೆ ಬರ್ಕಡ್‍ಲಾ ಮಸ್ತ್ ಬಗೆ ಉಂಡು. ಎಲ್ಯೆಲ್ಯ ಉಪ್ಪುನ ಪೆಲಕಾಯಿಗ್ ಮುಂಡೆ ಪೆಲಕಾಯಿ ಪನ್ಪೆರ್. ಪೆಲಕಾಯಿಗ್ ಆಯಾಯ ಊರುಡು ಒಂಜೊಂಜಿ ಪುದರ್ ಉಂಡು.
- ಬರ್ಕೆ ಪೆಲಕಾಯಿಪೆಲಕಾಯಿ ಪಂಡ ಪಚ್ಚಿಲ್ ಗಟ್ಟಿ ಉಪ್ಪುಂಡು. ತಿನ್ನಗ ಅಗ್ಯೊಡಾಪುಂಡು.
- ತುಲುವೆ ಪೆಲಕಾಯಿ ಮೆತ್ತೆನೊ ಉಪ್ಪುಂಡು. ಅಗಿಯಂದೆ ಬುಲ್ಂಕ ನಿಂಗೊಲಿ.
ಪೆಲಕಾಯಿದ ಮುಳ್ಕ ಮಲ್ಪೆರೆ ಬೋಡಾಪುನ ಸಾಮಾನ್
ಸಂಪೊಲಿಪುಲೆ
ಪೆಲಕಾಯಿದ ಪಚ್ಚಿಲ್, ಅರಿ – 1 ಲೋಟೆ,ತಾರಾಯಿ ಪಿರೆಯಿನ – 1/4 ಲೋಟೆ, ಬೆಲ್ಲ – 1/2 ಲೋಟೆ,ಏಲಕ್ಕಿ,ಉಪ್ಪುಉಪ್ಪು ರುಚಿಕ್ ಬೋಡಾಯಿ ನಾತ್ ಪಾಡೊಡು.
ಮಲ್ಪುನ ವಿಧಾನ
ಸಂಪೊಲಿಪುಲೆಸುರುಕು ಅರಿನ್ ರಡ್ಡ್ ಗಂಟೆ ನೀರ್‌ಡ್ ನೆನೆತ್ ದೀವೊಡು. ಬೊಕ್ಕ ಆ ಅರಿನ್ ಅರಿತ್‌ದ್, ಐಕ್ ಪೆಲಕಾಯಿದ ಪಚ್ಚಿಲ್, ಪಿರೆಯಿನ ತಾರಾಯಿ, ಏಲಕ್ಕಿಏಲಕ್ಕಿ, ಸೇರ್ಸದ್ ಕಡೆವೊಡು. ಕಡೇನಗ ಪಚ್ಚಿಲ್ಡ್ ಇತ್ತಿನನೇ ನೀರ್‌ಡ್ ಅದೋಟ್ ಕಡೆವೊಡು. ಐಕ್ ಬೆಲ್ಲದಬೆಲ್ಲ ಪೊಡಿಲ, ಉಪ್ಪುಲ ಪಾಡ್ದ್ ಮಿಕ್ಸ್ ಮಲ್ಪೊಡು. ಕಡೆಯಿನ ಬಂದನ್ ಕಾಲ್ ಗಂಟೆ ಅಂಚನೆ ದೀದ್, ಬೊಕ್ಕ ಒಂಜಿ ಬಣಲೆ ದೀದ್ ಐಕ್ ಎಣ್ಣೆ ಪಾಡ್ದ್ ಬೆಚ್ಚ ಆನಗ ಐಕ್ ಎಲ್ಯ ಎಲ್ಯ ಉಂಡೆ ಮಲ್ತ್ ಪಾಡೊಡು. ಅವು ಕಾಯಿನಗ ಕೆಂಪಾದ್ ಅವೆನ್ ಎಣ್ಣೆರ್ದ್ ದೆಪ್ಪೊಡು. ಆರತಿ ಬೊಕ್ಕ ಪೆಲಕಾಯಿದ ಮುಳ್ಕ ತಿನೆರೆ ರೆಡಿ.